Посты с тэгом: AFSA

“Астана” халықаралық қаржы орталығының Қаржылық қызметтерді реттеу жөніндегі комитеті (AFSA) қатысушылардың, сондай-ақ лицензиялау немесе тіркеуге өтінім берушілердің реттеушілік алымдарды АҚШ долларына байланған стейблкоиндарды пайдалана отырып төлеу тетігін енгізу жөніндегі бастаманы іске қосты.

Жоба ресми түрде Astana Finance Days 2025 аясында таныстырылды. Bybit Limited компаниясы Көпжақты өзара түсіністік туралы меморандумға (MMoU) алғашқы қол қоюшы болды. Меморандумға AFSA бас директоры Евгения Богданова мен Bybit бас операциялық директоры Мазурка Зенг қол қойды.

Жоба аясында цифрлық активтер қызметінің провайдерлері (ЦАҚП), яғни AFSA-дан цифрлық активтерге қатысты төлем қызметтерін көрсетуге және цифрлық активтер платформаларын басқаруға лицензия алған ұйымдар бастамаға Провайдер ретінде қосыла алады. Олар стейблкоиндармен AFSA-ға реттеушілік алым төлеуге ниетті төлеушілердің агенті ретінде әрекет етіп, төлем тапсырмасын орындауды және оның эквивалентін фиат валютасында AFSA-ның банктік шотына аударуды қамтамасыз етеді.

Жобаға қатысу үшін Провайдерлер AFSA-мен Өзара түсіністік туралы көпжақты меморандумға (MMoU) қол қоюы және белгіленген іріктеу критерийлеріне сәйкес болуы тиіс. MMoU-ға қол қойылғаннан кейін Провайдерлердің атаулары AFSA-ның ресми сайтында жарияланады.

AFSA бас директоры Евгения Богданова атап өтті: «Бұл бастама аймақта алғаш рет стейблкоиндардағы төлемдер үшін реттеушілік негіз қалыптастырады. Ол Қазақстанның «Астана» халықаралық қаржы орталығының цифрлық қаржы мен инновациялар хабы ретінде дамуға ұмтылысын және осы саладағы әлемдік үрдістерге ілесуін көрсетеді».

Bybit компаниясының бас операциялық директоры Мазурка Зенг: «Bybit Kazakhstan елдің қаржылық инновациялар жүрегінде – «Астана» халықаралық қаржы орталығында төлем экожүйесін дамытуға өз үлесін қосып отырғанын мақтан тұтады. Біз реттеушілік талаптарды сақтап, цифрлық активтермен жұмыс істеуге сенімді әрі ыңғайлы шешімдер ұсынамыз. AFSA-мен бірге ортақ көзқарасымыз – кәсіпкерлерге, тұтынушыларға және бизнеске стейблкоиндар негізіндегі төлем шешімдерінің революциясы ашатын трансшекаралық мүмкіндіктерге жол ашу», – деді.

Соңғы жылдары цифрлық активтер экожүйесінде стейблкоиндардың рөлі айтарлықтай артты. CoinDesk деректеріне сәйкес, олардың нарықтық капитализациясы 2025 жылғы маусым айының ортасында рекордтық 251,7 млрд АҚШ долларына жетті. Фиат валютасымен қамтамасыз етілген стейблкоиндар әлі де нарықтағы үлестің және сауда көлемінің басым бөлігін құрап отыр.

Анықтамалық ақпарат:

АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және оларға байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.

АХҚО-да 85 елден 4000-нан аса қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz

«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz

Байланыс ақпараты:

Жұртшылықпен байланыс және коммуникациялар департаменті

+7 (717) 264 73 43; +7 7172 61-37-45

[email protected]

 _

АҚШ долларына байланған стейблкоин — бұл құны 1:1 қатынасында долларға тіркелу арқылы тұрақты сақталатын криптовалюта.

AХҚО Қаржы қызметтерін реттеу комитеті (AFSA) төлем қызметтерін көрсету саласындағы кешенді реттеушілік базаны қабылдады. Бұл ретте AХҚО-ның «Төлем қызметтерін көрсету туралы» ережелеріне (Providing Money Services), AХҚО-ның жалпы ережелеріне, AХҚО Глоссарийіне, AХҚО-да қызмет жүргізу ережелеріне, Банктік қызмет бойынша пруденциялық ережелеріне және Цифрлық активтермен байланысты қызметке қатысты ережелеріне өзгерістер енгізілді. Жаңа реттеушілік база келесі кезеңмен күшіне енеді:

• 2025 жылдың 13 қазанынан бастап – төлем қызметтерін көрсету кезінде қолданылатын анықтамалар, капиталға қойылатын талаптар және цифрлық активтерді пайдалану мәселелеріне қатысты ережелер;
• 2026 жылдың 13 қаңтарынан бастап – клиенттердің құқықтарын қорғау және киберқауіпсіздікке қатысты ережелер.

Бұл бастама төлем қызметтерін негізгі қызмет түрі ретінде көрсететін AХҚО қатысушыларының санының артуына жауап ретінде қабылданды. Қазіргі таңда AХҚО-да 10 лицензияланған төлем қызметтерін жеткізуші (Money Service Providers, MSPs) тіркелген. Жаңа реттеуші база тұтынушылар үшін қауіпсіз жағдайларды қамтамасыз етіп, бәсекеге қабілетті және инновациялық қаржы нарығының дамуына қолдау көрсетуге бағытталған. Ережелер жинағы қолданыстағы талаптарды біріздендіріп, түсінікті және жүйелі құжатқа біріктіреді, бұл төлем қызметтерін реттеу процесін оңайлатады.

Жаңа реттеуші базадағы негізгі өзгерістердің бірі – реттелетін төлем қызметтерінің аясын кеңейту болды. Жаңартылған тізімге келесі қызмет түрлері енгізілді: валюталық айырбастау[1], төлем шоттарын ұсыну және жүргізу[2], төлем транзакцияларын эквайринг[3], төлемдерді инициациялау[4] және шоттар туралы ақпаратты ұсыну[5]. Құжат сондай-ақ AFSA реттеуіне жатпайтын қызмет түрлерін нақтылайды. Оларға техникалық қолдау (соның ішінде бұлттық инфрақұрылым мен сәйкестендіру құралдары), өтімділікті қамтамасыз ету мақсатында цифрлық активтер қызметтерін көрсететін провайдерлер (соның ішінде шетелдік провайдерлер) арасындағы операциялар, сондай-ақ пайдаланушылардың өз есепшоттары арасындағы цифрлық активтерді аударымдары және басқа да кейбір ерекшеліктер жатады.

Сондай-ақ жаңа реттеуші база AFSA құзыреттерінің шекараларын нақтылайды. Ережелер күшіне енгеннен кейін, егер цифрлық активтермен жасалатын операциялар мәні жағынан дәстүрлі ақша қызметтеріне ұқсас болса — мысалы, цифрлық активтерді аудару немесе эквайринг — AFSA оларды қадағалауға құқылы болады. Реттеуге төлемдерді инициациялау қызметіне ұқсас қызметтерді көрсететін кастодиан емес провайдерлер де кіреді, мысалы MetaMask[6] немесе Trust Wallet[7].

Цифрлық активтерді қолданудың артуын ескере отырып, құжат төлем қызметтерін жеткізушілер үшін екі операциялық модельді көздейді:

• Аралық модель (bridge model) — төлем қызметтерін жеткізуші цифрлық активтерді клиенттің атынан өзі жіберетін, сақтайтын немесе қабылдайтын жағдай;
• Тікелей модель (direct model) – төлем қызметтерін жеткізуші делдал ретінде әрекет етіп, клиенттерге цифрлық активтерді тікелей – клиенттің әмияны мен MSP әмияны арасында – жіберуге немесе қабылдауға көмектесетін жағдай.

Тұтынушылардың сенімін арттыру мақсатында клиенттерді қорғау шаралары қарастырылған. Оларға келісімшарттарда ақпаратты міндетті түрде ашу, қаражатты қайтару ережелері, рұқсат етілмеген операциялар үшін жауапкершілік, сондай-ақ шағымдар мен өтініштерді қараудың нақты белгіленген тәртібі жатады.

Қалыптасқан реттеушілік қағидаттарға сәйкес, AFSA операциялық және киберқауіпсіздік тұрақтылығына қойылатын жоғары талаптарды сақтап келеді. Бұл – технологиялық инфрақұрылымды басқару, ІТ-тәуекелдерді үнемі қадағалау және тестілеу, тәуелсіз ІТ-аудит жүргізу, киберқауіпсіздік саясатын іске асыру және кибероқиғалар туралы хабарлау рәсімдерін сақтау талаптарын қамтиды. Сонымен қатар, алаяқтық тәуекелін азайту үшін көпфакторлы аутентификацияны қолдану міндетті болып қала береді.

Анықтамалық ақпарат:

АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.

АХҚО-да 84 елден 4000-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz 

«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz  

Байланыс ақпараты:

Жұртшылықпен байланыс және коммуникациялар департаменті

+7 (717) 264 73 43; +7 7172 61-37-45

[email protected] 

[1] Валюталық айырбастау — АХҚО-ның валюталық реттеу және ақпарат ұсыну ережелеріне сәйкес осындай қызметтер көрсетуге рұқсаты бар ұйымдарды тарту арқылы клиенттерге валютаны айырбастау қызметтерін алуға жәрдемдесу.

[2] Төлем шоттарын ұсыну және жүргізу — клиенттердің қаражатын сақтауға және төлем операцияларын (мысалы, аударымдар, толықтырулар және ақша шешу) жүзеге асыруға мүмкіндік беретін төлем шоттарын ашу/жабу және басқару, бұл қызметтер АХҚО ережелеріне сәйкес лицензияланған ұйымдар арқылы көрсетіледі.

[3] Төлем транзакцияларын эквайрингтау —  сауда ұйымдарының атынан транзакцияларды жүргізу, бұл клиенттердің кредиттік немесе дебеттік карталар сияқты төлем құралдары арқылы төлемдерді қабылдауына мүмкіндік береді (мысалы, онлайн-сатып алуларды төлеу кезінде).

[4] Төлемдерді инициациялау — әдетте финтех-компаниялар ұсынатын онлайн қызмет, ол пайдаланушылар үшін ыңғайлы немесе қолжетімді балама болып табылады және басқа қаржы қызметтерін жеткізушіде (мысалы, банкте) ашылған шоттан төлемді бастауға мүмкіндік береді.

[5] Шоттар туралы ақпаратты ұсыну — бірнеше қаржы қызметтерін жеткізушілерден (мысалы, банктерден) шоттардағы қалдықтар, транзакциялар тарихы және басқа да мәліметтерді біріктіруге мүмкіндік беретін қызмет.

[6] MetaMask — бұл пайдаланушыларға криптовалютаны сақтауға және блокчейнге негізделген қосымшалармен тікелей әрекеттесуге мүмкіндік беретін кастодиандық емес цифрлық әмиян. Ол үшінші тарап делдалдарының қатысуынсыз, пайдаланушының жеке аккаунттарынан транзакцияларды бастауға мүмкіндік береді.

[7] Trust Wallet — бұл пайдаланушыларға криптовалюталардың кең аясын сақтауға, басқаруға және жіберуге мүмкіндік беретін кастодиандық емес мобильді әмиян. Сондай-ақ ол децентрализденген қосымшаларға (dApps) тікелей қол жеткізуді қамтамасыз етеді және үшінші тарап делдалдарының қатысуынсыз транзакцияларды бастау мүмкіндігін қолдайды.

АХҚО-ның қаржылық қызметтерді реттеу жөніндегі комитеті (AFSA) реттеуді жаңарту бойынша бастамаларды талқылауға нарық қатысушыларын шақыра отырып, үш консультациялық құжатты ұсынды. Ұсынылған өзгерістердің мақсаты – АХҚО-ның реттеу базасының тиімділігін, пропорционалдығын және халықаралық стандарттарға сәйкестігін арттыру. Талқылау үш бағытты қамтиды: капитал нарықтары, цифрлық активтер және краудфандинг.

Капитал нарықтарын реттеу қағидаларын өзгертуге қатысты консультациялық құжат бағалы қағаздарды орналастыру, есеп беруші компанияларда корпоративтік басқару мәселелері және ақпаратты ашуға қойылатын талаптар тақырыптарын қамтиды.

Негізгі өзгерістер мыналар кіреді:

• Ақпаратты ашып көрсету және келісу рәсімдерін оңтайландыру;
• Корпоративтік басқару талаптарын тек үлестік бағалы қағаздарды[1] шығарушыларға қолдану, бұл талаптарды облигация шығарушыларға таратпау;
• Лицензияланған нарық институтына мүше болу критерийлерін кеңейту;
• Клиенттерді жіктеуді АХҚО-ның жалпы реттеу жүйесіне сәйкестендіру;
• Проспект дайындау қажеттілігінсіз, лицензияланған биржада өзара алмастырылатын бағалы қағаздарды шығару және саудалау лимитін арттыру;
• Жеке немесе заңды тұлға байланысты тарап[2] ретінде танылатын шекті мәнді көтеру.

Құжаттың толық нұсқасы мына сілтеме бойынша қолжетімді: Consultation Paper on the amendments to the AIFC Capital Market Framework.

Цифрлық активтер саласындағы өзгерістерге арналған консультациялық құжат
AFSA-ның теңгерімді әрі инновацияларға ашық реттеу жүйесін қолдауға деген ұмтылысын көрсетеді.

Ұсынылып отырған өзгерістер қадағалау тәжірибесіне, халықаралық стандарттарға және нарық қатысушыларымен өткізілген талқылауларға негізделген.

Консультациялық құжаттың негізгі ұсыныстары:

• Блокчейнді қолданбайтын және цифрлық активтерді сақтамайтын цифрлық активтер қызметтерінің провайдерлеріне (ЦАҚП) қатысты ережелерді өзгерту, – мұндай компанияларды кейбір талаптардан босату ұсынылуда;
• Цифрлық активтермен сауда платформалары операторларына қойылатын капитал жөніндегі талаптарды қайта қарау;
• Цифрлық активтермен сауда платформасына қатысу үшін мүшелікке қабылдау талаптарының критерийлерін кеңейту;
• Цифрлық активтерді саудаға қабылдау кезіндегі хабарлама беру тәртібін қайта қарау.

Құжаттың толық нұсқасын мына сілтеме бойынша таба аласыз: Consultation Paper on the amendments to the AIFC Digital Assets framework.

Краудфандинг платформаларын реттеу саласындағы өзгерістерге қатысты консультациялық құжат реттеушілік және операциялық сипаттағы негізгі мәселелерді шешуге бағытталған. Бұл құжат инновацияларды ілгерілету, инвесторларды қорғау және нарықтың тұтастығын сақтау арасындағы тепе-теңдікті қамтамасыз етуге арналған.

Консультациялық құжаттың негізгі ұсыныстары мыналарды қамтиды:

• Ақпаратты ашу талаптарын кеңейту, қарыз алушылар мен эмитенттерді іріктеу критерийлерін қатаңдату, жеке инвесторлар үшін инвестициялық лимит енгізу, төлем бойынша қиындықтары бар қарыз алушыларды қаржыландыруға шектеу қою, сондай-ақ тәуекелдер туралы нақты ескертулерді қолдану арқылы клиенттерді қорғауды күшейту;
• Клиенттерді «жеке» және «кәсіби» санаттарға бөлу арқылы олардың жіктелуін бірыңғай стандарттарға келтіру;
• AFSA-ның мақұлдауымен жеке кәсіпкерлерге краудфандинг платформаларын қарыз алушы және эмитент ретінде пайдалану құқығын беру;
• Жеке қаржыландыру платформасын ұсыну лицензиясын реттеушілік базадан алып тастау.

Құжаттың толық нұсқасы мына сілтеме бойынша қолжетімді: Consultation Paper on the amendments to the AIFC Crowdfunding Platforms Framework.

AFSA барлық мүдделі тараптардың ұсыныстары мен пікірлеріне ашық. Ұсынылып отырған өзгерістер бойынша өз ұсыныстарыңызды 2025 жылдың 15 қыркүйегіне дейін [email protected] электрондық поштасына жолдауға болады. Барлық келіп түскен пікірлер мұқият қаралып, қажет болған жағдайда ұсыныстар түзетіледі.

Анықтамалық ақпарат:

АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және оларға байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.

АХҚО-да 85 елден 4000-нан аса қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz

«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz 

Байланыс ақпараты:

Жұртшылықпен байланыс және коммуникациялар департаменті

+7 (717) 264 73 43; +7 7172 61-37-45

[email protected]

[1] Бір қатар немесе санат шеңберінде басқа бағалы қағаздармен өзара алмастырылатын бағалы қағаздар (Thomson Reuters анықтамасына сәйкес: (https://shorturl.at/jDrXt).

[2] Тиесілі тұлға — компаниямен тығыз байланысы бар жеке немесе заңды тұлға. Мұндай тұлғаларға жоғары басшылық, ірі акционерлер, жақын туыстар, сондай-ақ елеулі ықпалға немесе бақылауға ие басқа да тұлғалар жатады. Бұл анықтама жалпы түсінік беру үшін келтірілген. АХҚО шеңберіндегі осы терминнің нақты анықтамасы үшін АХҚО Глоссарийіне жүгіну ұсынылады.

«Астана» халықаралық қаржы орталығының Қаржылық қызметтерді реттеу жөніндегі комитеті (AFSA) халықаралық бағалы қағаздар нарығын реттеушілердің IOSCO ұйымы шеңберінде құрылған  I-SCAN бастамасының ресми қатысушысы атанды. Аталған жаһандық платформа онлайн-алаяқтық пен заңсыз қаржылық қызметтерге қарсы іс-қимыл жасауға бағытталған. Бұл, әсіресе, қаржы нарықтарының цифрлануы үдерісінің жеделдеуіне байланысты өзекті болып отыр. I-SCAN-ға қосылу арқылы AFSA IOSCO[1]-ның жаһандық хабарландырулар жүйесінде алаяқтық туралы өз ескертулерін жариялау мүмкіндігіне ие болды.

Қазіргі таңда қаржы нарықтарына жеке инвесторлардың қатысуы артып келеді, сонымен қатар мобильді қосымшалар, әлеуметтік желілер мен онлайн-платформалар арқылы инвестициялау кеңінен таралып жатыр. Осы жағдайларда қаржылық қылмыстар тәуекелі де ұлғайып отыр. Алаяқтық схемалар барған сайын күрделеніп, көбіне ақылы жарнама мен пайдаланушылар контенті арқылы жүзеге асырылады. I-SCAN бастамасы – реттеуші органдарға заңсыз инвестициялық ұсыныстар туралы ақпаратты орталықтандырылған түрде жариялап, оны автоматты түрде бұғаттап, инвесторларға қауіп туралы ескертуге мүмкіндік беретін халықаралық платформа. Бұл инвесторларды қорғауды күшейтіп, қаржы нарықтарына сенімді арттырады.

«AFSA-ның I-SCAN бастамасына қосылуы – қаржылық ортадағы қауіпсіздік пен ашықтықты арттыру жолындағы маңызды қадам. Біз халықаралық қауымдастықпен және жергілікті реттеушілермен бірлесіп, инвесторларды алаяқтықтан қорғауды күшейтіп, рұқсат етілмеген схемалар мен заңсыз тәжірибелер туралы хабардарлықты арттыруға үлес қосамыз. Себебі ақпараты бар адам ғана алаяқтықтан қорғана алады. Біздің мақсатымыз – нарық тұрақтылығын қамтамасыз ету және шекарааралық өзара іс-қимыл мен келісілген әрекеттер арқылы қаржы жүйесіне деген сенімді нығайту», – деп атап өтті AFSA Бас директоры Евгения Богданова.

I-SCAN бастамасы инвестициялық өнімдерге қатысты жарнамаларды қатаң бақылауды, реттеуші органдармен тығыз ынтымақтастықты және алаяқтық контентті цифрлық платформалардан белсенді жоюды көздейді.

AFSA Қазақстан Республикасындағы жергілікті онлайн-платформаларға I-SCAN халықаралық бастамасына қатысу мүмкіндігін қарастыруды ұсынады. Платформалар мен реттеуші органдар арасындағы өзара іс-қимыл қитұрқы жағдайларды уақтылы анықтауға және жолын кесуге ықпал етеді. IOSCO ұстанымына сәйкес, онлайн-алаяқтыққа тиімді қарсы іс-қимыл ішкі бақылау тетіктерін жетілдіруді, ұлттық заңнама талаптарын сақтауды және қадағалау органдарымен жедел ақпарат алмасуды талап етеді.

AFSA-ның бұл бастамаға қосылуы цифрлық қаржылық қызметтер саласындағы қадағалау тиімділігін арттыруға және халықаралық стандарттарға сай келетін АХҚО юрисдикциясына деген сенімді нығайтуға мүмкіндік береді.

AFSA инвестициялық тәуекелдерді төмендету бойынша белсенді шаралар қабылдауда. Инвесторлар өз мүдделерін қорғау үшін келесі маңызды қадамдарды ұсынылған:

1. Лицензиясы жоқ қаржылық ұйымдардан сақ болыңыз. АХҚО аумағында қаржылық қызмет көрсететін барлық компаниялар AFSA берген жарамды лицензияға ие болуы тиіс. Мұндай лицензияның болмауы — алаяқтық белгісі болуы мүмкін. Компаниялар мен жеке тұлғалардың лицензиясын тексеру үшін AFSA-ның ресми Жария тізілімін пайдаланыңыз. Бұл тізілімге тек afsa.aifc.kz ресми сайтынан кіріңіз — электрондық пошта немесе басқа ресурстардағы сілтемелерге сенбеңіз.
2. Құқықтарыңызды біліңіз. Интернеттегі қаржылық қызметтерді пайдалану кезінде мұқият болыңыз. Жеке деректеріңізді тек тексерілген және лицензияланған провайдерлерге ғана беріңіз. Ұсынылған өнімдердің шарттарын мұқият зерттеңіз және ақпаратыңыздың қалай пайдаланылатынын алдын ала анықтаңыз. Банктік үзінді көшірмелеріңізді күмәнді белсенділікке үнемі тексеріп отырыңыз. Тек лицензиясы бар компаниялар қаржылық қызмет көрсете алады және олар өнім шарттарын нақты түсіндіріп, оның сіздің қажеттіліктеріңізге сәйкестігін бағалауға, негізгі ақпаратты ұсынуға, жазбаша келісім жасауға және клиенттерді үнемі хабардар етіп отыруға міндетті.
3. Цифрлық активтермен жұмыс істеу кезінде негізделген шешім қабылдаңыз. Цифрлық активтер саласы жоғары тәуекелдермен байланысты. Көп жағдайда транзакциялар қайтарылмайды, сондықтан расталмаған провайдерлермен жұмыс істеу кезінде жоғалған қаражатты қайтару мүмкін емес. Қазақстанда цифрлық активтермен сауда жасау тек AFSA лицензиясы бар криптобиржаларда ғана рұқсат етілген.
4. Сақ болыңыз. Егер сізге лицензиясыз компания немесе AFSA реттеуіне жататын қызметтерді ұсынатын адам хабарласқан сияқты болса, бұл туралы біздің сайттағы арнайы бөлім арқылы хабарлаңыз.
5. Ақпаратты бірнеше дереккөзден тексеріңіз. Компания қызметінің заңдылығын әрқашан сенімді дереккөздер арқылы қайта тексеріңіз. I-SCAN сияқты құралдар халықаралық деректерге қол жеткізуге мүмкіндік береді, бұл инвестиция туралы шешім қабылдамай тұрып рұқсат етілмеген әрекеттер мен ықтимал тәуекелдерді анықтауға көмектеседі.

Анықтамалық ақпарат:

АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.

АХҚО-да 84 елден 4000-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz 

«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz  

Байланыс ақпараты:

Жұртшылықпен байланыс және коммуникациялар департаменті

+7 (717) 264 73 43; +7 7172 61-37-45

[email protected] 

_

[1] IOSCO Бағалы қағаздар жөніндегі комиссиялардың халықаралық ұйымы (International Organization of Securities Commissions, IOSCO) – дүние жүзіндегі бағалы қағаздар нарығын реттеушілерді біріктіретін жетекші халықаралық ұйым.

АХҚО қаржылық қызметтерді реттеу жөніндегі комитеті (AFSA) цифрлық кеңістіктегі жеке инвесторларды қорғау шараларын күшейту үшін IOSCO[1] бастамасымен қолға алынған жаһандық жол картасына қосылды. Бастама онлайн-алаяқтық, әділетсіз практикалар мен жеке инвесторлар ең көп ұшырайтын нарықтық сын-қатерлерге байланысты тәуекелдерге қарсы тұруға бағытталған.

Жеке инвесторлар капитал нарықтарына белсенді араласып жатыр және бұл үрдіс цифрландыру, соның ішінде қаржылық өнімдер мен қызметтерді ілгерілету және сатып алу үшін мобильді қосымшаларды, әлеуметтік желілер мен онлайн платформаларды пайдалану арқылы күшейіп келеді.

«Цифрландыру нарықтарға қолжетімділікті арттырып, инвестициялық базаны ұлғайтып, шығындарды азайтты; дегенмен, өзімен бірге жаңа тәуекелдерді де ала келді. Көбіне ақылы онлайн жарнама және пайдаланушылар жасаған контент арқылы таралатын инвестициялық алаяқтық жеке инвесторларды айтарлықтай қаржылық шығынға ұшыратып отыр«, — деді AFSA Бас директоры Евгения Богданова.

IOSCO жол картасын іске асыру науқаны 2024 жылдың қараша айынан басталып, биыл өз мәресіне жетеді. Оның қорытындысы инвесторлар үшін білім беру бағдарламаларын әзірлеу, сондай-ақ 2025 жылғы Халықаралық инвесторлар апталығын өткізу болмақ.

Жол картасы өзара байланысты үш элементті қамтиды:

• Реттеу – жаңа нарықтық жағдайға бейімделу үшін стандарттарды әзірлеу арқылы;
• Білім беру – инвесторларды ақпараттандыру және оқу-ағарту арқылы;
• Ынтымақтастық — әлеуметтік желілерді қоса алғанда, реттеушілер мен онлайн қызмет провайдерлері арасында әріптестік орнату арқылы.

Бастама инвесторларға цифрлық ортада қаржылық өнімдер мен қызметтердің таралуымен бірге жүретін тәуекелдерді анықтау және болдырмау үшін қажетті білім беруге баса назар аударады. Бастаманың маңызды элементі – базалық даярлыққа баса назар аудара отырып, білім беру бағдарламаларын дамыту.

Өз жұмысының бір бөлігі ретінде IOSCO финфлюенсерлердің[2] әсерін, онлайн ортада имитациялық[3] сауда тәжірибесін дамытуды және нарық делдалдарының цифрлық қатысу құралдарын қолдануды зерттейді, оларды ықтимал пайда тұрғысынан да, мүмкін болатын қауіптер тұрғысынан да қарастырады.

IOSCO-ның осы бағыттарының әрқайсысы бойынша қорытынды есептері реттеуші тәжірибелерге шолу және жеке инвесторларға тәуекелдерді тиімдірек қорғау бойынша пайдалы ұсыныстарды қамтиды.

AFSA бастамаға қосыла отырып, жақын арада өзінің әлеуметтік желілерінде инвесторларды адастыруға және алаяқтыққа әкелуі мүмкін мифтерді әшкерелеуге бағытталған қаржылық қауіпсіздік туралы материалдарды шығарады.

Жаңалықтарымыздан хабардар болу үшін біздің  LinkedIn және Instagram-дағы парақшаларымызға жазылыңыз.

Анықтамалық ақпарат:

АХҚО Қаржылық қызметтерді реттеу комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және оларға байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.

АХҚО-да 84 елден 4000-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz

«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz 

Байланыс ақпараты:

Жұртшылықпен байланыс және коммуникациялар департаменті

+7 (717) 264 73 43; +7 7172 61-37-45

[email protected]

—

[1]IOSCO Бағалы қағаздар жөніндегі комиссиялардың халықаралық ұйымы (International Organization of Securities Commissions, IOSCO) – дүние жүзіндегі бағалы қағаздар нарығын реттеушілерді біріктіретін жетекші халықаралық ұйым.

[2] Finfluencers (ағылшын тілінен «finfluencers»,»financial influencers»-тен қысқарған) – әлеуметтік желілерде және онлайн платформаларда қаржы, инвестициялар, криптовалюталар, қор нарығы және басқа да қаржылық тақырыптар туралы ақпаратты, кеңестерді немесе жеке пікірлерін жариялайтын жеке тұлғалар, блогерлер немесе контент-мейкерлер.

[3] Имитациялық сауда (еліктеу саудасы, әлеуметтік сауда, ағылшын тілінде imitative trading, copy trading, mirror trading ретінде де белгілі) — жеке инвесторлар басқа, тәжірибелі немесе танымал нарық қатысушыларының сауда шешімдерін қайталайтын (имитациялайтын) инвестициялау түрі.