Посты с тэгом: AFSA
AFSA туынды қаржы құралдарымен сауда жасау жөніндегі Нұсқаулықты жариялады
АХҚО Қаржылық қызметтерді реттеу комитеті (AFSA) «Астана» халықаралық қаржы орталығының юрисдикциясындағы деривативтерді реттеуге қатысты жаңа нұсқаулықты (Guidance) жариялады.
Нұсқаулық АХҚО-ның Бизнес жүргізу қағидаларына (Conduct of Business Rules) сәйкес бөлшек клиенттердің позицияларын қамтамасыз етуге (маржаға) қойылатын талаптарды түсіндіреді. Құжатта қолдану тәсілдерінің бірізділігін және кредиттік иіннің пропорционалды деңгейін қамтамасыз ету мақсатында базалық активтердің әртүрлі санаттары бойынша маржалық қамтамасыз етудің ең төменгі параметрлері белгіленген.
Аталған өзгерістер инвесторларды қорғауды күшейтуге, кредиттік иінді пайдалана отырып сауда жасауға байланысты тәуекелдерді төмендетуге, сондай-ақ АХҚО-да теңгерімді әрі пропорционалды реттеуші ортаны сақтай отырып, нарықтың тұтастығын қамтамасыз етуге бағытталған тәуекелге бағдарланған тәсілді енгізеді.
Нұсқаулық AIFC Guidance on Margin Requirements for Retail Clients in Relation to Derivatives сілтемесі бойынша қолжетімді.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
Ескерту: Unilive Central Asia Ltd. атауын пайдалана отырып, инвестициялық қызметтер мен цифрлық активтермен байланысты қызметтерді заңсыз ілгерілету
АХҚО Қаржылық қызметтерді реттеу комитеті (AFSA) Unilive Central Asia Ltd. компаниясының («Компания») реттеушілік мәртебесіне және осы Компанияның атауын пайдалана отырып, инвестициялық қызметтер мен цифрлық активтермен байланысты қызметтерді ілгерілетуге қатысты мән-жайларға байланысты жұртшылық үшін осы ескертуді жариялайды.
Компания 2026 жылғы 26 ақпанда Астана халықаралық қаржы орталығында («АХҚО») БСН 260240901514 нөмірімен топтағы компаниялардағы қатысу үлестерін иелену және басқару мақсатындағы холдингтік компания ретінде тіркелді. Бастапқыда Компания «Unimex Exchange Central Asia Ltd.» атауымен тіркелген болатын, ал 2026 жылғы 10 сәуірде атауын «Unilive Central Asia Ltd.» деп өзгертті.
AFSA әлеуметтік желілерде жекелеген тұлғалар тарапынан Unilive Central Asia Ltd.-ке қатысты инвестициялық сипаттағы материалдардың таратылып жатқанын анықтады. Бұл материалдарда кепілдендірілген табыс, соның ішінде күнделікті пайда табу және қаражатты кез келген уақытта шығарып алу мүмкіндігі жарнамаланады, сондай-ақ цифрлық активтерге байланысты қызмет туралы мәліметтер қамтылған.
Осыған байланысты AFSA Компанияның тиісті лицензиясы жоқ екенін және оған AFSA тарапынан қаржылық қызметтер көрсетуге, оның ішінде цифрлық активтерге байланысты реттелетін қызметті жүзеге асыруға, сондай-ақ АХҚО юрисдикциясы шегінде немесе одан тыс осындай қаржылық қызметтерді қаржылық ілгерілетуге (Financial Promotions) өкілеттік берілмегенін түсіндіреді.
Жұртшылық пен әлеуетті инвесторларға Компаниямен өзара әрекеттесу немесе онымен қандай да бір ынтымақтастық мүмкіндігін қарастыру кезінде жоғарыда көрсетілген ақпаратты ескеру ұсынылады.
AFSA жұртшылық өкілдеріне мыналарды қатаң түрде ұсынады:
- Кепілдендірілген немесе күнделікті инвестициялық табыс уәде ететін ұсыныстарды алған кезде, әсіресе олар цифрлық активтермен байланысты болған жағдайда, ерекше сақтық таныту қажет;
- Кез келген компанияның қаржылық қызметтері мен өнімдерін пайдаланбас бұрын, оларды AFSA-ның жария тізілімі арқылы оның мәртебесін тексерген жөн. Бұл тізілімде AFSA тарапынан авторизацияланған және/немесе тіркелген АХҚО-ның барлық қатысушылары туралы өзекті ақпарат қамтылған.
Егер сіз осындай ұсыныстар алған болсаңыз немесе заңсыз қаржылық қызметтер не қаржылық ілгерілетуге қатысты алаңдаушылығыңыз болса, бұл туралы AFSA-ға [email protected] электрондық поштасы арқылы хабарлауыңызды сұраймыз.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
Ескерту: Jade Capital OEIC Ltd. атауын алаяқтық мақсатта пайдалану және AFSA-ның жалған лицензиясын тарату
АХҚО Қаржылық қызметтерді реттеу комитеті (AFSA) өздерін Jade Capital OEIC Ltd. өкілдері ретінде таныстырып, AFSA реттеушісі бергендей етіп жалған лицензияны таратқан тұлғалар туралы келіп түскен ақпаратқа байланысты осы ескертуді жариялайды.
Аталған тұлғалар азаматтарға қаржылық қызметтер ұсынып, клиенттердің қаражатын қабылдаған, сонымен қатар өздерін «Астана» халықаралық қаржы орталығы (АХҚО) аясында лицензияланған компания ретінде жалған таныстырған.
AFSA өз атынан берілгендей көрсетіліп, осы тұлғалар таратып жүрген лицензияның жалған екенін және ешқашан AFSA тарапынан берілмегенін растайды. АХҚО-ның қолданыстағы реттеуі шеңберіндегі ұжымдық инвестициялық схемалар (Collective Investment Scheme) құрылымына сәйкес, реттелетін қызметті жүзеге асыруға лицензияны қордың өзі емес, қорды басқарушы компания иеленуге тиіс. Jade Capital OEIC Ltd. АХҚО-да инвестициялық қор ретінде тіркелген және өзінің лицензиясы жоқ. Барлық реттелетін қызметті қорды басқарушы жүзеге асырады.
AFSA қоғамды AFSA лицензиясы негізінде қаржылық қызмет көрсететінін мәлімдейтін ұйымдармен өзара әрекеттесу кезінде барынша сақ болуға шақырады және кез келген осындай ұйымның мәртебесін AFSA Жария тізілімі арқылы тексеруді ұсынады. Бұл тізілімде AFSA тарапынан авторизацияланған және/немесе тіркелген барлық ұйымдар туралы ақпарат қамтылған.
Төменде азаматтарға AFSA берген лицензия ретінде заңсыз ұсынылып жүрген жалған лицензияның үлгісі қоса беріледі.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
Фанг Хонг Лим AFSA директорлар кеңесінің мүшесі болып сайланды
2026 жылғы 23 мамырдан бастап Фанг Хонг Лим АХҚО Қаржылық қызметтерді реттеу комитеті (AFSA) директорлар кеңесінің атқарушы емес мүшесі және Аудит және тәуекелдер жөніндегі комитетінің төрағасы ретінде құрамына енді. Тиісті шешімді «Астана» халықаралық қаржы орталығының басқарушысы 2026 жылғы 22 мамырда мақұлдады.
AFSA Директорлар кеңесінің төрайымы Анджела Найт былай деп пікір білдірді: «Біз Лим мырзаның AFSA директорлар кеңесінің құрамына қосылғанына қуаныштымыз. Оның қызмет мансабы қаржы секторын қадағалау, корпоративтік тәуекелдерді басқару және өңірлік нарықтық интеграция салаларында мемлекеттік және жеке сектордағы тәжірибенің бірегей үйлесімін көрсетеді. Әсіресе оның әлемдегі жетекші қаржы орталықтарының бірі – Сингапурдағы мол жұмыс тәжірибесін ескерсек, оның тағайындалуы AFSA-ның халықаралық перспективасын одан әрі нығайтып, директорлар кеңесінің географиялық алуандылығын кеңейтеді».
Фанг Хонг Лим – тәуекелдерді басқару және қаржылық қадағалау саласындағы халықаралық деңгейде танылған маман, оның жаһандық қаржы институттары мен реттеуші органдардағы жұмыс тәжірибесі қырық жылдан асады. Фанг Хонг Лим Сингапурдың Ақша-кредит басқармасының (MAS) директоры лауазымын атқарған кезеңде реттеу және қадағалау саласында елеулі тәжірибе жинақтап, Азия қаржы дағдарысынан кейінгі қаржылық қадағалау жүйесін нығайтуға үлес қосты.
Фанг Хонг Лимнің тәуекелдерді басқару саласындағы мол тәжірибесі, соның ішінде CIMB Group компаниясында тәуекелдер жөніндегі бас директор және Deutsche Bank-та басқарушы директор ретінде қызметтер атқаруы қадағалау тиімділігін арттыруға қосымша құндылық әкеледі. Сонымен қатар, Лим мырза Toronto Centre ұйымында аға директор лауазымын атқарады, онда ол әлем бойынша реттеушілер мен қадағалау органдарының әлеуетін кеңейтуге қолдау көрсетеді. Бұл AFSA-ға заманауи қадағалау әдістері, қаржылық тұрақтылық және жүйелік тәуекелдерді қадағалау жөніндегі қосымша деректерге қол жеткізуге мүмкіндік береді.
Сонымен қатар, директорлар кеңесінің атқарушы емес мүшесі мен аудит және тәуекелдер жөніндегі комитетінің төрағасы Мұхтар Бөбеев өкілеттік мерзімінің аяқталуына байланысты кеңес құрамынан шығады.
Анджела Найт былай деп пікір білдірді: «AFSA директорлар кеңесінің атынан Мұхтар Бөбеевке оның жұмысы мен ісіне адалдығы үшін шынайы алғысымды білдіргім келеді. АХҚО-дағы тоғыз жыл ішінде Мұхтар Бөбеев ерекше сарапшылық білімін, адалдығын және көшбасшылық қасиеттерін көрсетті, соның ішінде аудит және тәуекелдер жөніндегі комитеттің төрағасы лауазымын атқарды. Оның саясаттарды әзірлеу және реттеу саласындағы бай тәжірибесі AFSA-ның нормативтік-құқықтық базасы мен тәуекелдерді басқару жүйесін нығайту, сондай-ақ АХҚО-ның бүкіл экожүйесін дамыту ісінде маңызды рөл атқарды. Біз AFSA-ның қалыптасқан әрі халықаралық деңгейде танылған реттеуші ретінде орнығуына ықпал еткен елеулі үлесі үшін ризашылығымызды білдіреміз және алдағы қызметіне табыс тілейміз».
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
Реттеуді дамыту және қадағалау нәтижелері: AFSA 2025 жылғы жұмысының есебін жариялады
АХҚО Қаржылық қызметтерді реттеу комитеті (АХҚО Комитеті, AFSA) 2025 жылға арналған жылдық есебін жариялады. Есепте есепті кезеңдегі реттеуді дамыту және қадағалау қызметінің негізгі нәтижелері, сондай-ақ институционалдық жетістіктер баяндалған. Есепте AFSA-ның «Астана» халықаралық қаржы орталығы (АХҚО) аясында нарықтың тұтастығын сақтау, инвесторларды қорғау және қаржылық тұрақтылықты қамтамасыз ету мәселелеріне баса назар аударуды жалғастырып отырғаны, сондай-ақ тәуекелдерді бағалауға негізделген және халықаралық стандарттарға сәйкес келетін ашық нормативтік-құқықтық базаны дамыту арқылы нарықтың жауапты өсуін қолдайтыны атап өтілген.
AFSA бас атқарушы директоры Евгения Богданова: «2025 жыл біз үшін институционалдық базаны нығайту, орнықтыру және AFSA мен біздің нарықтарымызға деген халықаралық сенім артқан жыл болды. Алдағы уақытта да AFSA тұрақты реттеу, тиімді қадағалау және нарықпен ашық өзара іс-қимыл арқылы сенімді нығайтуға бейілді болып қала береді. Біз АХҚО дамуының келесі кезеңіне сеніммен, жауапкершілікпен және айқын мақсаттарымызбен қадам басып отырмыз», – деп атап өтті.
Есепте AFSA-ның нарықтың әртүрлі секторларындағы (капитал нарықтары, активтерді басқару, цифрлық активтер, банк ісі және сақтандыру) және реттеуші функцияларындағы (тіркеу, авторизациялау, қадағалау, құқық қолдану, реттеуді дамыту және халықаралық ынтымақтастық) қызметіне жан-жақты шолу ұсынылған. Бұл реттеушінің ашық, болжамды әрі сенімді нормативтік-құқықтық ортаны қолдауға бейілдігін көрсетеді.
Тіркеу
2025 жылы AFSA 1 467 жаңа компанияны тіркеді, бұл 2024 жылмен салыстырғанда 25%-ға артық. Нәтижесінде АХҚО қатысушыларының жалпы саны 91 елден келген 4 954 компанияға жетті, бұл Орталықтың халықаралық әртараптандырылуының жалғасып жатқанын көрсетеді. 2025 жылы орта есеппен аптасына 28 компания тіркеліп отырды, бұл АХҚО юрисдикциясына деген елеулі қызығушылықты білдіреді.
Авторизациялау және қаржы секторының өсуі
2025 жылы қаржы экожүйесіне қатысушылар саны өсуді жалғастырып, қаржылық қызмет көрсететін компанияларды, инвестициялық қорларды, танылған мекемелерді және FinTech Lab қатысушыларын қоса алғанда, 510 ұйымға жетті. 2025 жылы AFSA инвестициялық қызметке, атап айтқанда қорларды басқару, брокерлік қызметтер және консультациялық қызметтерге қызығушылық танытқан қаржылық қызмет көрсететін 29 компанияға лицензия берді. Лицензиялау талаптары тұрғысынан қаралғаннан кейін кейбір өтінімдер келесі кезеңге өтпей қалған жағдайлар да тіркелді. AFSA жоғары стандарттарды сақтау бағытындағы жұмысын жалғастыруда.
Цифрлық активтер
Цифрлық активтер секторы АХҚО-дағы нарықты дамытудың басым бағыттарының бірі болып табылады. 2025 жылы Орталық юрисдикциясы IOSCO тарапынан криптовалюта және цифрлық активтер нарықтарына арналған жаһандық стандарттарды енгізген жетекші юрисдикциялардың бірі ретінде танылды.
AFSA толық реттеу режимі шеңберінде цифрлық активтер қызметтерін ұсынушы (ЦАҚҰ) 9 ұйымды қадағалауды жалғастырды, ал 19 ЦАҚҰ FinTech Lab шеңберінде жұмыс істеді. 2025 жылы ЦАҚҰ-лардың жалпы транзакциялар көлемі 10,58 млрд АҚШ долларын құрады, ал клиенттік база шамамен 215 мың пайдаланушыға жетті, бұл нарықтағы белсенділіктің айтарлықтай өскенін көрсетеді.
FinTech Lab-тың «реттеуші құм алаңы» инновациялар үшін тиімді арна ретінде қызметін жалғастырып, компанияларға толық реттеу режиміне көшкенге дейін цифрлық активтер саласындағы шешімдерді тестілеу және ауқымдау үшін жағдай жасады.
Активтер мен қорларды басқару
2025 жылы АХҚО-дағы активтерді басқару секторы айтарлықтай өсті, бұл нарықтағы белсенділіктің артуын және инвесторлардың кәсіби басқарылатын инвестициялық құралдарға деген сұранысының ұлғаюын көрсетеді. Басқарудағы активтер көлемі (AUM) 5,4 млрд АҚШ долларынан асты, ал активтер мен қорларды басқарушы инвестициялық қорлар саны 71-ден 177-ге жетті. Бұл сектор АХҚО-дағы ең қарқынды дамып келе жатқан секторлардың бірі болып қалып отыр және хедж-қорлар, тікелей инвестициялар, венчурлық капитал және басқа да мамандандырылған қор құрылымдары сегменттеріндегі әртараптандырудың артып келе жатқанын көрсетеді.
Капитал нарықтары
Есепті кезең ішінде AFSA 7 нарық институтының, соның ішінде инвестициялық биржалардың, клирингтік палаталардың және краудфандинг платформаларының, сондай-ақ екі көпжақты сауда алаңының (MTF) қызметіне қадағалау жүргізді. Инвестициялық делдалдар нарығына AFSA лицензиялаған 30 брокер мен дилер, сондай-ақ AFSA таныған 55 шетелдік брокер мен дилер кірді. АХҚО реттеушісінің лицензиясы бар брокерлік-дилерлік фирмалардың балансындағы клиент активтері 10,1 млрд АҚШ долларына жетті, ал клиенттер саны 300 мыңнан асты.
2025 жылы АХҚО-дағы жалғыз лицензияланған биржа операторы – Astana International Exchange Limited (AIX) 81,5 млрд АҚШ доллары көлеміндегі нарықтық капитализацияға және 2,1 млрд АҚШ доллары көлеміндегі сауда айналымына қол жеткізді, сондай-ақ 215 жаңа орналастыру жүзеге асырылды.
AFSA лицензиясын алған алғашқы көпфункционалды сауда платформасы (MTF) – International Trading System (ITS) акцияларды, депозитарлық қолхаттарды және биржалық қорларды қоса алғанда, саудаланатын құралдар санын 3 200-ден астамға дейін кеңейтті. Жалпы сауда көлемі 14 млрд АҚШ долларынан асты.
Мұндай даму АХҚО капитал нарықтары экожүйесіндегі өтімділік пен әртараптандырудың артып келе жатқанын көрсетеді.
Халықаралық танылу және ынтымақтастық
AFSA жаһандық реттеуші органдармен халықаралық өзара іс-қимыл мен ынтымақтастықты нығайтуды жалғастырды. Жыл ішінде AFSA жаһандық және қазақстандық реттеушілер қауымдастығымен белсенді өзара іс-қимыл жасады: 15-тен астам конференцияға қатысты, стейкхолдерлермен өзара іс-қимыл бойынша, финтехке, цифрлық активтерге, капитал нарықтарына және ақшаны жылыстатуға және терроризмді қаржыландыруға қарсы іс-қимылды қадағалауға арналған 10-нан астам іс-шараны ұйымдастырды немесе оларға қатысуды қамтамасыз етті.
2025 жылы AFSA IOSCO-ның Бағалы қағаздар мен тауарлар туралы халықаралық ескерту желісіне (I-SCAN) қосылды. Бұл – реттеуші органдарға инвестициялар саласындағы онлайн-алаяқтықпен және заңсыз қаржылық қызметпен күрес бойынша ақпарат алмасуға және іс-қимылдарды үйлестіруге мүмкіндік беретін жаһандық платформа. I-SCAN жүйесіне қатысу AFSA-ға өзінің жария ескертулерін жаһандық ескерту жүйесіне енгізуге мүмкіндік береді және инвесторларды қорғау қабілетін арттырады.
Есептің толық нұсқасы осы сілтеме бойынша қолжетімді.
Анықтамалық ақпарат:
АХҚО Қаржылық қызметтерді реттеу комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары мен нарық институттарын лицензиялау, тіркеу, аккредиттеу және қадағалау мәселелері қамтылған. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA жұртшылықпен байланыс және коммуникациялар департаменті, [email protected]
AFSA лицензиясы жоқ цифрлық активтер платформалары туралы ескертеді
«Астана» халықаралық қаржы орталығының Қаржылық қызметтерді реттеу комитеті (AFSA) Қазақстан Республикасының «Қазақстан Республикасындағы цифрлық активтер туралы» Заңының 11-бабының 5-тармағына сәйкес «Астана» халықаралық қаржы орталығының қолданыстағы құқығына немесе Қазақстан Республикасының заңнамасына сәйкес берілген тиісті лицензия немесе рұқсат болмаған жағдайда Қазақстан Республикасы аумағында цифрлық активтердің айналымын ұйымдастыруға тыйым салынатынын еске салады.
Осыған байланысты AFSA нарық қатысушыларын Қазақстан Республикасы азаматтарына АХҚО және Қазақстан Республикасының қолданыстағы реттеуі шеңберінде тиісті рұқсат, лицензия немесе тану мәртебесі болмастан өз қызметтерін жарнамалайтын немесе ілгерілететін крипто- немесе цифрлық активтер саудасына арналған лицензиясы жоқ платформаларды пайдаланумен байланысты тәуекелдер туралы ескертеді.
Аталған ескерту, атап айтқанда, келесі атаулармен, брендтермен немесе тауар белгілерімен белгілі платформаларға* қатысты*:
AFSA тек AFSA лицензиясын алған ұйымдар ғана АХҚО аумағында немесе одан тыс жерлерде реттелетін қызметті, оның ішінде цифрлық активтермен байланысты қызметтерді заңды түрде жүзеге асыруға құқылы екенін еске салады.
Тұтынушылар үшін негізгі тәуекелдер
Лицензиясы жоқ цифрлық активтер платформаларын пайдалану келесі тәуекелдерге әкелуі мүмкін:
- лицензиясы жоқ платформаларға қатысты реттеуші бақылаудың болмауына байланысты құқықтары мен мүдделерін қорғаудың құқықтық тетіктерінің болмауы;
- мұндай платформаларда ақшаны жылыстатуға және терроризмді қаржыландыруға қарсы (АЖ/ТҚҚ) шаралардың жеткіліксіз болуына байланысты адал инвесторлардың алаяқтық схемаларға және заңсыз цифрлық актив айналымына тартылу тәуекелі;
- жаңылыстыратын немесе агрессивті жарнама (онлайн-промо, бонустық бағдарламалар, рефералдық науқандар) негізінде қабылданған инвестициялық шешімдер салдарынан инвестицияларды жоғалту тәуекелінің жоғарылауы;
- дербес деректердің таралуы, активтердің жоғалуы және оларды қадағалаудың қиындауы, сондай-ақ киберқауіпсіздік талаптарының сақталмауы салдарынан алаяқтықтың құрбаны болу, техникалық ақауларға тап болу немесе өз қаражатын шығара алмау тәуекелдерінің артуы.
Лицензиясы жоқ платформалар спот сауда, маржиналдық сауда, фьючерстер, опциондар, стейкинг, P2P қызметтері сияқты өнімдер мен қызметтерге, сондай-ақ жоғары құбылмалы немесе сапасы төмен цифрлық активтерді листингке шығару мүмкіндігін көбінесе реттелетін ұйымдарға тән қорғаныс тетіктерінсіз ұсынуы мүмкін.
Тұтынушылар үшін маңызды ақпарат
Платформаның:
- халықаралық деңгейде танымал болуы;
- веб-сайтының болуы;
- мобильді қосымшасының болуы;
- әлеуметтік желілерде белсенді болуы;
- кеңінен жарнамалануы
оның AFSA тарапынан лицензияланғанын немесе АХҚО шеңберінде реттелетін қызмет көрсетуге құқылы екенін білдірмейді.
Лицензиясы жоқ компаниялармен жұмыс істейтін тұлғалар реттелетін ұйымдарға берілетін қорғау, стандарттар мен кепілдіктерге ие болмайды.
Күмәнді немесе жаңылыстыратын жарнама анықталған жағдайда AFSA күмәнді сілтемелерге өтпеуді, ақша аудармауды және компанияның реттеушілік мәртебесі тексерілгенге дейін жеке немесе төлем деректерін ұсынбауды ұсынады.
AFSA ұсынымдары
Цифрлық активтер платформасын пайдаланар алдында AFSA келесілерді ұсынады:
- компанияның AFSA лицензиясы бар екенін немесе Қазақстан Республикасының заңнамасына сәйкес рұқсаты бар екенін тексеру;
- ұсынылатын өнімдер мен қызметтерді және оларға байланысты тәуекелдерді мұқият зерделеу;
- реттеушілік мәртебесі анық емес немесе расталмаған компанияларға ақша немесе цифрлық активтер аудармау;
- жеке басын куәландыратын құжаттарды, банк деректерін, крипто әмияндарға қолжетімділікті немесе бір реттік кодтарды үшінші тұлғаларға бермеу;
- жоғары табыс уәде ететін, жоғары левередж ұсынатын немесе инвестицияны «төмен тәуекелді» немесе «кепілдендірілген» деп көрсететін платформаларға ерекше сақтықпен қарау;
- күмәнді жарнама анықталған жағдайда дәлелдерді (скриншот, сілтеме) сақтап, ресми арналар арқылы уәкілетті органдарға жүгіну.
Егер платформа АХҚО юрисдикциясында тіркелген немесе солай көрсетілсе, келесі байланыс арналары: [email protected] немесе AFSA сайтындағы тұтынушылар бөлімі арқылы хабарласуға болады.
Қазақстан Республикасы аумағындағы күмәнді жарнама бойынша ақпаратты ҚР Мәдениет және ақпарат министрлігіне eOtinish порталы арқылы немесе басқа қолжетімді тәсілдермен жолдау қажет.
AFSA сондай-ақ компанияның реттеушілік мәртебесін AFSA ресми Жария тізілімі арқылы тексеруді ұсынады: https://publicreg.myafsa.com
Цифрлық активтер айналымын реттеу Қазақстан Республикасында AFSA қадағалауы аясында да, сондай-ақ Қазақстан Республикасының заңнамасына сәйкес ұлттық реттеушілердің (Қазақстан Республикасының Ұлттық Банкі, Қаржы нарығын реттеу және дамыту агенттігі) қатысуымен жүзеге асырылатынын ескеру қажет.
Бұл хабарлама тек ақпараттық сипатқа ие және заңдық, қаржылық немесе инвестициялық кеңес болып табылмайды, сондай-ақ қандай да бір тұлғаның немесе ұйымның реттеушілік мәртебесіне баға бермейді.
* AFSA тыйым салынған платформалардың тізімін жүргізбейді. Компанияның Жария тізілімде болмауы оның АХҚО аумағында немесе одан тыс реттелетін қызметті жүзеге асыруға AFSA тарапынан лицензияланбағанын білдіреді, алайда оның Қазақстан Республикасындағы мәртебесін уәкілетті мемлекеттік органдар айқындайды.
Анықтамалық ақпарат:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы Конституциялық заңына сәйкес құрылған АХҚО-ның тәуелсіз реттеушісі. Ол «Астана» халықаралық қаржы орталығында қаржылық қызметтерді және онымен байланысты қызмет түрлерін реттейді. АХҚО-ның ережелері мен қағидалары қаржылық компаниялар мен нарық институттарын лицензиялау, тіркеу, аккредитациялау және қадағалау мәселелерін қамтиды.
afsa.kz
«Астана» халықаралық қаржы орталығы (АХҚО) – халықаралық стандарттарға сай ашық әрі тиімді бизнес жүргізуге, инвестициялар тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе.
aifc.kz
Жұртшылықпен байланыс және коммуникациялар департаменті,
[email protected]
AFSA және Дубайдың Виртуалды активтерді реттеу басқармасы (VARA) цифрлық активтерді реттеу саласындағы ынтымақтастықты күшейту үшін Өзара түсіністік туралы меморандумға қол қойды
АХҚО Қаржылық қызметтерді реттеу комитеті (AFSA) және Дубайдың Виртуалды активтерді реттеу басқармасы (VARA) Өзара түсіністік туралы меморандумға (MoU) қол қойды. Бұл құжат тараптардың өз юрисдикцияларында цифрлық және виртуалды активтерге қатысты қызмет саласында ынтымақтастықты нығайтуға, өзара көмек көрсетуге және ақпарат алмасуға бағытталған.
Меморандум лицензиялау, қадағалау, құқық қолдану және комплаенс мәселелері бойынша екі реттеуші орган арасындағы өзара іс-қимылдың ресми негізін қалыптастырады. Құжат қаржылық қызметтердің қарқынды дамып келе жатқан саласында тиімді трансшекаралық реттеушілік ынтымақтастықты дамытуға деген AFSA мен VARA-ның ортақ ұмтылысын көрсетеді. Ол қадағалауды үйлестіруді қолдауға, реттеушілік тәжірибе мен үздік практикалармен алмасуға, сондай-ақ цифрлық активтер нарығының тұтастығын, ашықтығын және тұрақтылығын нығайтуға бағытталған.
AFSA бас директоры Евгения Богданова:
«Біз цифрлық активтер үшін неғұрлым өзара байланысқан әрі үйлестірілген реттеуші ортаны қалыптастырып жатырмыз. VARA-мен әріптестігіміз реттеуші айырмашылықтарды азайтып, трансшекаралық өзара іс-қимылды жақсартуға мүмкіндік береді, бұл өз кезегінде нарықтағы сенімді арттыруға ықпал етеді. Мұндай ынтымақтастық реттеудің тиімділігін арттырып қана қоймай, инновациялардың дамуына да серпін береді, нарық қатысушылары үшін әртүрлі юрисдикциялардағы талаптардың анықтығы мен үйлесімділігін қамтамасыз етеді».
Анықтамалық ақпарат:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы Конституциялық заңына сәйкес құрылған АХҚО-ның тәуелсіз реттеушісі. Ол «Астана» халықаралық қаржы орталығында қаржылық қызметтерді және онымен байланысты қызмет түрлерін реттейді. АХҚО-ның ережелері мен қағидалары қаржылық компаниялар мен нарық институттарын лицензиялау, тіркеу, аккредитациялау және қадағалау мәселелерін қамтиды.
afsa.kz
«Астана» халықаралық қаржы орталығы (АХҚО) – халықаралық стандарттарға сай ашық әрі тиімді бизнес жүргізуге, инвестициялар тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе.
aifc.kz
Жұртшылықпен байланыс және коммуникациялар департаменті,
[email protected]
AFSA FinTech Lab әлеуетті қатысушыларын авторизациялау тәсілін өзгертеді
АХҚО Қаржылық қызметтерді реттеу комитеті (AFSA) реттеушілік «құмсалғышта» қаржылық технологияларды тестілеуді жоспарлаған FinTech Lab әлеуетті қатысушыларын авторизациялаудың жаңа тәсілін енгізу туралы хабарлайды.
Бұрын өтінім беру екі кезеңнен тұрды: Pre-application және Application. Бірінші кезеңде бизнес-модельдің инновациялық сипаты және қаржылық ресурстардың бар-жоғы тексерілетін. Екінші кезеңде әлеуетті қатысушылардың жеткілікті қаржылық және қаржылық емес ресурстары бағаланып, ішкі бақылау жүйелері талданып, технологияларды тестілеу жоспары әзірленіп, бекітілетін.
Соңғы өзгерістер рәсімді жеңілдетіп, өтінімдерді қарау мерзімін едәуір қысқартуға мүмкіндік береді. 16 ақпаннан бастап FinTech Lab қатысушылары бір кезеңде бағаланады. Бұл кезең мыналарды қамтиды: бизнес-жоспарды талдау; қаржыландыру көздері мен капиталды бағалау; негізгі функцияларға үміткерлерді қарастыру; клиенттік келісімді бағалау; қаржылық болжамдар; шығу стратегиясы; тестілеу жоспарын әзірлеу.
Сонымен қатар кандидаттар ақшаны жылыстатуға және терроризмді қаржыландыруға қарсы іс-қимыл (AML/CFT) саясаты мен рәсімдерінің бар екенін растауы тиіс.
Бұл AFSA-ға тестілеуге сәйкестікті және нормативтік талаптарға сай келуді анықтауға мүмкіндік береді, сонымен бірге саясаттар мен рәсімдерді толық тексеру арқылы процесті шамадан тыс күрделендірмейді.
Маңызды түсініктеме: FinTech Lab қатысушылары қызметтерді қадағалау кезеңінде тек AFSA талаптарына сәйкес келетін тиісті ішкі бақылау шаралары енгізілгеннен кейін ғана ұсына алады.
FinTech Lab авторизациясының жаңа моделі инновацияларды тестілеуді жоспарлаған өтінім берушілер үшін қолжетімділіктің қарапайымдылығы қағидатын сақтай отырып, тәуекелге негізделген тәсілді жалғастырады. Аталған өзгерістер AFSA өз қызметінің тұтынушыларына аса назар аударып, процестер тиімділігін арттыруға айрықша көңіл бөлетінін көрсетеді.
Авторизациялау процесіне енгізілген өзгерістер туралы хабарлама келесі сілтеме бойынша қолжетімді: https://orderly.myafsa.com/articles/afsa—notice—no.-afsa—atd—not-2026-0007-on—modification
Өтінім беру процесі бойынша қосымша сұрақтар: [email protected]
FinTech Lab туралы қосымша ақпарат: https://afsa.aifc.kz/fintech/authorisation-process/
Анықтамалық ақпарат:
АХҚО қаржы қызметтерін реттеу комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында көрсетілетін қаржы қызметтерін және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидаларында қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелері көзделген. afsa.kz
«Астана» халықаралық қаржы орталығы (АХҚО) – бұл жаңа өнімдер мен қызметтерді енгізу есебінен халықаралық стандарттар бойынша бизнесті ашық әрі тиімді жүргізуге, инвестициялар тартуға және елдің Қаржы нарығын дамытуға арналған экожүйе. aifc.kz
Жұртшылықпен байланыс және коммуникациялар департаменті. pr@afsa.kz
AFSA реттеуші базаны дамытудың 2026 жылға арналған жоспарлары туралы хабарлайды
АХҚО Қаржылық қызметтерді реттеу комитеті (AFSA) нарық қатысушыларын АХҚО-ның реттеу базасын дамыту жөніндегі 2026 жылға арналған жоспарлары, сондай-ақ реттеушілік дамудың 2027-2028 жылдарға арналған әлеуетті бағыттары туралы хабардар етеді.
АХҚО-ның реттеуші базасы нарықтың өсуі мен жетілуіне қарай дамып отырды. Бұл процесс тұрақты реттеуші негізді қалыптастыруды, сондай-ақ нарықтың өсуі мен әртараптандырылуын қолдауға бағытталған мамандандырылған реттеуші режимдерді енгізуді қамтыды.
AFSA қол жеткізілген нәтижелерге сүйене отырып, сапаға, теңгерімділік пен қолданыстағы реттеуші режимдердің практикалық қолданылуына бағдарланған реттеуші базаны одан әрі дамытуды көздейді. Реттеуші база қадағалау тәжірибесі мен нарық қатысушыларының кері байланысын ескере отырып, итеративтік негізде жетіле түсуде, сондай-ақ жаңа халықаралық стандарттарға, жаһандық трендтерге және қалыптасып жатқан нарықтарға бейімделуде.
2026 жылы AFSA-ның реттеуші күн тәртібі келесі бағыттарға шоғырланады:
- Активтерді басқару. Мамандандырылған қорлар қызметінің мәселелерін, қорларды құрудың жаңа құрылымдары мен тәсілдерін, сондай-ақ қорлардың операциялық қызметіне және инвесторларды қорғауға байланысты практикалық мәселелерді қоса алғанда, активтерді басқару саласындағы қолданыстағы реттеуші базаны одан әрі жетілдіру.
- FinTech. FinTech Lab режимін оның тиімділігі мен өзектілігін арттыру, сондай-ақ жауапты инновацияларды қолдау және жаңа бизнес-модельдерді тестілеу мақсатында жетілдіру.
- Нақты түзетулер. Дәл өзгерістер әртүрлі қолданыстағы реттеуші режимдердегі анықталған олқылықтар мен тиімсіздіктерді жоюға бағытталатын болады. Алдын ала күн тәртібіне сақтандыру секторы мен исламдық қаржы енгізілген, бұл ретте басқа да бағыттар қамтылуы мүмкін.
- Нұсқаулықтар. Лицензиялар мен алымдардың кейбір ауыспалы компоненттерінің жиынтығы бөлігінде алымдар мәселелері жөнінде жаңа нұсқаулықты әзірлеу, сондай-ақ қолданыстағы АЖ/ТҚ бойынша нұсқаулықтарды жаңарту.
2027-2028 жылдар кезеңінде AFSA реттеуші базаны дамытудың бірқатар әлеуетті бағыттарын қарастыруда, бұл бағыттар қажеттілігіне қарай қайта қаралуы мүмкін. Олардың қатарында тану режимі (Recognition Framework) бойынша реттеуші базаға ықтимал өзгерістер, АХҚО-ның әртүрлі реттеуші режимдері шеңберінде мүшелікке өтуге және клиенттерге қойылатын талаптарды үйлестіру, сондай-ақ токенизация саласындағы реттеуді одан әрі дамыту бар.
Бұдан басқа, көпжақты және ұйымдастырылған сауда алаңдарын (Multilateral and Organised Trading Facilities) реттеуге өзгерістер енгізу ықтималдығы, кәсіби жарамдылық және адалдық жөніндегі нұсқаулықтарды (Guidance on Fitness and Propriety) жаңарту, туынды құралдар бойынша реттеу базасына түзетулер енгізу, тағайындалған өкілдер режимін (Appointed Representative Framework) әзірлеу, сондай-ақ реттеу периметрі бойынша нұсқаулықты жаңарту қарастырылуда.
AFSA реттеуші режимдерді жетілдіру және оларды қолданудың практикалық мәселелерін бірлесіп пысықтау мақсатында нарық қатысушыларымен тұрақты өзара іс-қимыл жасауға ерекше мән береді.
Жария консультациялар реттеуші базаны дамыту процесінің стандартты элементі болып қалуда. Жақында AFSA қолданыстағы реттеуді одан әрі жетілдіру жөнінде ұсыныстар қалыптасқанға дейін оның тиімділігі туралы нарықтан пікірлерді ерте жинау құралы ретінде активтерді басқару саласындағы реттеуші база бойынша Call for Evidence-ті алғаш рет іске қосты.
Нарықпен коммуникацияны нығайту үшін AFSA сонымен қатар жария кеңес беру нәтижелерін (Feedback Statements) жариялай бастады. Өткен жылы Feedback Statements капитал нарықтары, цифрлық активтер және краудфандинг салаларындағы жария консультациялардың қорытындылары бойынша жарияланды, бұл консультациялар нәтижелерінің ашықтығы мен айқындылығын арттырды.
Нарық қатысушылары өз ұсыныстарын тұрақты негізде жолдай алады және Call for Evidence пен жария консультацияларға белсенді қатыса алады, өйткені нарықтан кері байланыс – реттеуші базаны дамытудың маңызды элементі.
AFSA АХҚО-ның реттеуші базасын дамытудың 2026-2028 жылдарға арналған жобалары жөніндегі ұсыныстарға, сондай-ақ оны одан әрі дамыту мен жетілдіру бойынша басқа да түсініктемелер мен ұсыныстарды қуана қабылдайды, оларды [email protected] мекенжайына жіберуге болады.
Анықтамалық ақпарат:
АХҚО қаржы қызметтерін реттеу комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында көрсетілетін қаржы қызметтерін және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидаларында қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелері көзделген.. afsa.kz
«Астана» халықаралық қаржы орталығы (АХҚО) – бұл жаңа өнімдер мен қызметтерді енгізу есебінен халықаралық стандарттар бойынша бизнесті ашық әрі тиімді жүргізуге, инвестициялар тартуға және елдің Қаржы нарығын дамытуға арналған экожүйе. aifc.kz
Жұртшылықпен байланыс және коммуникациялар департаменті, [email protected]
