Брайан Стайрволт

Брайан Стайрволт – қаржы секторында 40 жылға жуық еңбек өтілі бар тәжірибелі маман. Ол мансабын Валютаны бақылау басқармасында ұлттық банктер саласының сарапшысы ретінде бастады. Кейін BearingPoint компаниясына ауысып, дамушы нарықтағы бірнеше елде жобалар менеджері және дипломат қызметтерін атқарды. Соңғы жылдары Стайрволт мырза Дубай қаржылық қызметтері басқармасының атқарушы директоры қызметін атқарды. Қазіргі таңда ол – Ernst & Young компаниясында Таяу Шығыс және Африка аймағының қаржылық қызметтерін реттеу бөлімінің басшысы.

Жоғарыда аталған қызметтерден басқа, Стайрволт мырза Базельдік банктік қадағалау комитетінде банктік қадағалау және реттеу мәселелері бойынша әлемдік юрисдикциялардың мүдделерін қорғап, Базельдік кеңесшілер тобының тең төрағасы болды. Сонымен қатар ол – Қаржылық қылмыстарға қарсы жаһандық коалицияның белсенді мүшесі.