Посты с тэгом: AFSA
AFSA АХҚО-ның Алымдар туралы қағидаларына өзгерістер енгізеді
2025 жылғы 2 қазаннан 2 қарашаға дейін жүргізілген қоғамдық талқылау нәтижесінде АХҚО Қаржылық қызметтерді реттеу жөніндегі комитеті (AFSA) АХҚО-ның Алымдар туралы қағидаларына өзгерістер енгізеді. Өзгерістердің басым бөлігі 2025 жылғы 1 желтоқсаннан бастап, ал жекелеген нормалар – кейінірек күшіне енеді.
Алымдар туралы қағидалар алғаш рет 2017 жылғы желтоқсанда бекітілгеннен бері оларға реттеу режимінің эволюциясын және нарық динамикасын көрсету мақсатында тек жекелеген өзгерістер енгізілді. Соған қарамастан, қолданыстағы алымдардың базалық деңгейлері осы уақытқа дейін өзгеріссіз қалып келді. Бұрынғы түзетулер негізінен тіркеу мен қадағалау алымдарына қатысты тар ауқымды және пропорционалды болды.
АХҚО экожүйесінің дамуының неғұрлым жетілген сатысына өтуіне байланысты жаңа түзетулер алымдардың құрылымын елеулі түрде қайта қарауды көздейді. Қаржы ұйымдары санының өсуі және олардың қызметінің күрделенуі AFSA-дан реттеу және қадағалау қызметтерін неғұрлым кешенді әрі технологиялық тұрғыда дамыған деңгейде көрсетуді талап етеді. Бұған SupTech[1]-шешімдерді, жасанды интеллектіні және аналитикалық құралдарды кеңінен енгізу арқылы қадағалау әлеуетін нығайту және реттеудің сапасын арттыру жатады. Жаңартылған Алымдар туралы қағидалар АХҚО экожүйесінің орнықты дамуын қамтамасыз ету үшін жоғары реттеу стандарттарын қолдауға бағытталған.
2025 жылғы 2 қазанда AFSA Алымдар туралы қағидаларға өзгерістер енгізу жөніндегі ұсыныстар топтамасын жария талқылауға шығарып, нарық қатысушыларынан көптеген пікір алды. Нарық өкілдері алымдарды қайта қараудың өзектілігін негізінен қолдағанымен, бірқатар мәселелер бойынша түсініктемелер мен нақтылаулар сұралды. AFSA барлық пікірлерді мұқият талдап шықты.
Бастапқы ұсыныстардың басым бөлігі өзгеріссіз қалдырылды, себебі олардың пропорционалдығы мен негізділігі қайта қарау барысында расталды және олар консультация барысында көтерілген мәселелердің бір бөлігін алдын ала ескерген болатын. Сонымен қатар, жекелеген пікірлер мен реттелетін ұйымдардың практикалық жағдайларын ескере отырып, AFSA кейбір ұсыныстарды нақтылады.
АХҚО-ның Алымдар туралы қағидаларына енгізілетін негізгі өзгерістер:
- Лицензиялау кезеңіндегі нақты реттеу шығындарын дәлірек көрсету мақсатында реттелетін қызмет түрлеріне, нарықтық қызметке, қосалқы қызметтерге лицензия алу, сондай-ақ АХҚО-ға қатысушы емес нарық институттарын және шетелдік қорларды басқаратын ұйымдарды тану бойынша алымдар консультациялық құжаттағы ұсыныстарға сәйкес әртүрлі деңгейде ұлғайтылды.
- Жаңартылған алымдар құрылымына сәйкес, бірден бірнеше реттелетін немесе нарықтық қызмет түріне лицензия алуға өтінім берген компаниялар ең жоғары қолданылатын алымды және әрбір қосымша қызмет үшін қосымша 50% мөлшерінде төлем жасайды.
Бұл тәсіл бірнеше қызмет түрін қамтитын өтінімдердің күрделілігін неғұрлым дәл көрсетеді және реттеушілік шығындарды әділ бөлуге мүмкіндік береді.
- Нақты қадағалау шығындарын өтеу мақсатында реттелетін және нарықтық қызмет түрлеріне, қосалқы қызметтерге, сондай-ақ АХҚО қатысушылары емес нарық институттарын тануға арналған жылдық тұрақты қадағалау алымдары консультациялық құжатта ұсынылған түзетулерге сәйкес ұлғайтылды. Сонымен қатар, бұрын мұндай алымдарға жатпайтын бірқатар исламдық қаржы компанияларының лицензиялары үшін де қадағалау алымдары енгізілді. Бұл талап саланың өзі үшін жаңашылдық болғанын және компанияларға бейімделу үшін қосымша уақыт қажет болуы мүмкін екенін ескере отырып, AFSA аталған қадағалау алымдарының күшіне енуін бір жылға кейінге қалдыру туралы шешім қабылдады.
- Ұжымдық инвестициялар схемасын басқару, инвестицияларды басқару, инвестициялармен агент ретінде операцияларды жүзеге асыру, қорды әкімшілендіру қызметтерін көрсету, төлем қызметтерін көрсету сияқты реттелетін қызметтің бес санаты, сондай-ақ нарықтық қызметтің бір санаты (краудфандинг платформасын басқару) үшін алымдардың неғұрлым жетілген және үйлесімді құрылымын қалыптастыруға бағытталған жаңа айнымалы компоненттер енгізілді. Айнымалы алымдар консультациялық құжатта ұсынылғандай тиісті қаржылық көрсеткіштер негізінде есептеледі және белгіленген шекті мәннен асқанда ғана қолданылады. Қолданыстағы айнымалы алымдар салыстырмалы түрде таяуда енгізілгендіктен, осы кезеңде жекелеген реттелетін және нарықтық қызмет түрлері үшін қолданыстағы айнымалы алымдарға өзгерістер енгізу жоспарланбайды.
Консультациялар қорытындысы бойынша активтер көлеміне негізделген төрт реттелетін қызмет түрі үшін айнымалы алымдарды есептеу әдістемесіне түзетулер енгізілді – орташа күндік мәндердің орнына тоқсан соңындағы көрсеткіштер қолданылатын болды. Сонымен қатар, төлем қызметтерін көрсету лицензиялары бойынша айнымалы алымдарды есептеу тәсілдеріне қатысты (әсіресе қандай компоненттер транзакциялар көлеміне енгізілуі немесе енгізілмеуі тиіс екеніне қатысты) қосымша түсіндіруді талап ететін сұрақтар көп екенін ескере отырып, AFSA бұл жаңа алымның күшіне енуін бір жылға кейінге қалдыру туралы шешім қабылдады. Осы кезең ішінде реттеуші орган нарық қатысушыларымен бірлесіп практикалық ұсынымдар әзірлейді және олардың қадағалау есептілігі талаптарымен толық сәйкестігін қамтамасыз ету бойынша шаралар қабылдайды.
- Қолданыстағы айнымалы алымдарға қосымша жаңа айнымалы алымдардың енгізілуіне байланысты, AFSA бұл алымдар қолданылатын барлық реттелетін және нарықтық қызмет түрлері үшін бірыңғай лимит (шекті мөлшер) белгіледі. Бұған дейін мұндай лимит тек Digital Asset Trading Facility лицензиясына ғана қолданылып, 1 млн АҚШ долларын құраған болатын – дәл осы көрсеткіш бастапқы ұсыныстың негізі ретінде алынған. Консультациялар нәтижесінде бұл лимит 250 000 АҚШ долларына дейін төмендетілді. Бұл шешім шығындардың болжамдылығын қамтамасыз етуге және нарықтың қазіргі ауқымын дәлірек көрсетуге мүмкіндік береді.
- Сондай-ақ бірнеше лицензиясы бар компанияларға қатысты бастапқы қадағалау алымы және кейінгі жылдық қадағалау алымдарын есептеу тәртібіне өзгерістер енгізілді. Енді бастапқы жылдық қадағалау алымы қызметті бастау күніне емес, лицензия берілген күннен бастап 21 күн ішінде төленуге тиіс. Бұл шешім елеулі қадағалау ресурстарын талап ететін Тәуекелдерді төмендету бағдарламасы (Risk Mitigation Programme) кезеңін қамтуға мүмкіндік береді. Жаңа тәсілге сәйкес, кейінгі жыл сайынғы қадағалау алымдары ең жоғары белгіленген тіркелген қадағалау алымына қосымша әрбір қосымша лицензия үшін 50% мөлшерінде есептеледі. Айнымалы алымдары бар қызмет түрлері бойынша айнымалы компонент әр қызмет түріне толық көлемде төленеді.
Сонымен бірге, осы ұсыныс бойынша келіп түскен пікірлердің көптігін және оның бірнеше лицензиясы бар компаниялардың қадағалау алымдарының жалпы мөлшеріне тікелей әсерін, сондай-ақ кейбір лицензиялар комбинациясы өзара тығыз байланысты немесе қиылысатын қызмет түрлерінен туындауы мүмкін екенін ескере отырып, AFSA жаңа әдістемені енгізуді бір жылға кейінге қалдыру туралы шешім қабылдады. 2026 жыл үшін компаниялар тек ең жоғары тіркелген қадағалау алымын және (қажет болған жағдайда) ең жоғары айнымалы бөлігін төлейтін болады. Бұл өтпелі кезең нарық қатысушыларына бейімделуге және қадағалау шығындарын алдын ала жоспарлауға мүмкіндік береді. Жаңа әдістеме күшіне енгенге дейін AFSA лицензиялар комбинациясын қадағалау алымын есептеу кезінде ескерудің тәсілін түсіндіретін қосымша нұсқаулық жариялайтын болады.
- AFSA сондай-ақ консультациялық құжатта ұсынылғандай, реттелетін және нарықтық қызмет түрлері бойынша, сондай-ақ қосалқы қызметтер бойынша лицензияны өзгертуге қатысты алымдарға деген көзқарасты қайта қарады. Лицензияны өзгерту (модификациялау) іс жүзінде толық лицензиялау процесіне теңестіріледі және лицензия алуға өтінім берген кездегідей талдау мен бағалаудың бірдей деңгейін талап етеді.
- Өтініш беру және лицензияланған тұлғаларды өзгерту жөніндегі алым да қайта қаралып, нақты реттеушілік шығындарды дәлірек көрсету және негізгі тұлғаларды ауыстыру жиілігін төмендету мақсатында ұлғайтылды.
Нарықтың пікірлерін ескере отырып, алымды 1 000 АҚШ долларына дейін арттыру туралы бастапқы ұсыныс қайта қаралды: қазіргі жағдайда толық режим үшін алым 500 АҚШ долларын, ал FinTech Lab шеңберіндегі өтінімдер үшін 200 АҚШ долларын құрайды.
- FinTech Lab бойынша өзге де алымдарға қатысты: консультациялық құжатта ұсынылғандай, FinTech Lab шеңберіндегі өтініш беру және қадағалау алымдары ұлғайтылды, сондай-ақ бақылауды өзгертуге және цифрлық активтерді саудаға жіберуге қатысты жаңа алымдар енгізілді.
- Сонымен қатар, AFSA лицензиялау және қадағалау саласына қатысты бірқатар басқа да алымдарға өзгерістер енгізеді. Бұл өзгерістерге цифрлық активтермен қызметті жүзеге асыруға өтініш беру алымдары, бақылауды өзгерту алымы, Non-Exempt және Exempt қорлар бойынша тіркеу немесе хабарлау алымдары, сондай-ақ Non-Exempt қорлардың Жарғысына және Ұсыныс материалдарына өзгерістер енгізу алымдары кіреді. Аталған алымдар консультациялық құжатта ұсынылған түзетулерге сәйкес ұлғайтылды. Қосымша ретінде, қосалқы қызметтерді көрсетушілер үшін жаңа алым санаты енгізілді – оған АЖ/ТҚҚІ (ақша жылыстатуға және терроризмді қаржыландыруға қарсы іс-қимыл) жөніндегі жауапты тұлғаларды өзгерту, сондай-ақ Audit Principal функцияларын орындайтын аудиторларды өзгерту немесе тағайындау бойынша алымдар кіреді.
- Тіркеушіге төленетін тіркеу алымдары мен тану алымдары барлық заңды тұлғалар санаттары үшін қайта қаралды. Түзетулер жалпы алымдардың қайта қаралуын да, жекелеген өзгерістерді де қамтиды. Арнайы мақсаттағы компаниялар мен инвестициялық қорлар сияқты жекелеген санаттар үшін олардың кең қолданылуы мүмкін инвестициялық құралдар ретіндегі рөліне байланысты алым мөлшерлері төмендетілді. Сонымен қатар, консультациялық құжатта ұсынылған өзгерістерге сәйкес, Тіркеушіге төленетін әкімшілік алымдарға және жыл сайынғы есептерді тапсыру алымдарына да түзетулер енгізілді.
- AFSA мен Тіркеушіге төленетін мерзімді өткізіп алу бойынша айыппұлдардың мөлшері ұлғайтылды. Сонымен бірге FinTech Lab қатысушыларына қолданылатын айыппұлдар өзгеріссіз қалады.
Енгізілу күні – 2025 жылғы 1 желтоқсан, кейінге қалдыру көзделген жекелеген ережелерді қоспағанда, бұл жайт жаңартылған АХҚО алымдары қағидаларында көрсетілген.
АХҚО алымдары қағидаларына енгізілген тиісті өзгерістермен мына жерден танысуға болады: https://orderly.myafsa.com/articles/feesrules.
Қоғамдық талқылау барысында келіп түскен жиі қойылатын сұрақтардың негізінде дайындалған «Сұрақ-жауап» бөлімі мына сілтеме бойынша қолжетімді: https://afsa.aifc.kz/31302-2/.
Компанияларда бұрын жіберілген түсініктемелер мен ұсыныстарға қатысты қосымша сұрақтар туындаған жағдайда, олар [email protected] мекенжайына хабарласа алады немесе өз кураторымен байланыса алады.
Компания қандай да бір мәселелерді неғұрлым егжей-тегжейлі талқылауды қаласа, Комитет қоңырау немесе кездесу ұйымдастыруға дайын.
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 88 астам елден 4700-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
[1] SupTech (Supervisory Technology) — қадағалау тиімділігін арттыру үшін реттеуші органдар қолданатын технологиялар. Оларға үлкен деректерді талдау, есептілікті автоматтандыру, жасанды интеллектті және тәуекелдерді мониторингілеу мен бағалауға арналған өзге де цифрлық құралдарды пайдалану кіреді.
Компаниялар тіркеушісі тізілімді өзектілендіру және АХҚО-ның қатысушы компанияларын бақылау жұмысын күшейтеді
АХҚО Қаржылық қызметтерді реттеу комитеті (AFSA) құрылған сәттен бастап Орталық қатысушыларын тіркеу мен қадағалауды қоса алғанда, өз өкілеттіктері шеңберінде міндеттерді белсенді орындауда. 2017 жылдан бастап АХҚО-да 4 600-ден астам компания тіркелген.
Жалпы құқық қағидаттарына негізделген АХҚО-ның құқықтық ортасы оны қаржылық және қаржылық емес компаниялар үшін тартымды етеді. Қатысушылар арасында ірі операциялық компанияларды, IT-стартаптарды, тау-кен өндіру және мұнай-газ секторы компанияларын, эндаумент-қорларды және басқа салалардағы ұйымдарды атап өтуге болады.
Сонымен қатар, басқа халықаралық юрисдикциялардағыдай, АХҚО-ның Жария тізіліміне операциялық қызметі шектеулі компаниялар қатыса алады. Бұл компаниялар әртүрлі әкімшілік мақсаттар үшін құрылуы мүмкін. АХҚО реттеушісінің міндеті — Жария тізілімдегі деректердің өзектілігі мен компаниялардың нақты мәртебесін көрсетуін қамтамасыз ету, бұл АХҚО экожүйесінің ашықтығы мен оған деген сенімді арттырады.
Осыған байланысты АХҚО Компаниялар тіркеушісі деректерді өзектілендіру және компаниялардың белсенділігін растау бойынша жоспарлы жұмысты бастайды. Бұл жұмысқа жылдық есептердің уақтылы тапсырылуын және тіркеу деректерінің өзектілігін тексеру; құжаттармен расталатын нақты операциялық қызметтің болуы; қолданыстағы лицензиялардың бар-жоғын тексеру; АХҚО актілерінің талаптары мен есептілік мерзімдерінің сақталуы кіреді.
Мәртебесін нақтылау қажеттілігі анықталатын барлық компанияларға олардың операциялық қызметін растау жөніндегі түсіндірмелері мен ұсынымдары бар ресми хабарламалар жіберілетін болады.
Белсенділікті растауды ұсынбаған компаниялар «Компаниялар туралы» АХҚО актісінің (AIFC Companies Regulations) 167-бабына сәйкес тізілімнен (strike off) шығарылуы мүмкін.
Strike off рәсімі Сингапур, Ұлыбритания, Делавэр, Австралия және т.б. қоса алғанда, жетекші юрисдикцияларда қолданылатын стандартты халықаралық практика болып табылады.
Бұл бастаманы іске асыру Жария тізілімнің өзектілігі мен ашықтығын қолдауға, АХҚО іскерлік беделін нығайтуға, сондай-ақ ақшаны жылыстатуға және терроризмді қаржыландыруға қарсы іс-қимыл (AML/CFT) саласындағы халықаралық стандарттарға сәйкестікті қамтамасыз етуге бағытталған.
АХҚО-ның белсенді қатысушы-компаниялары үшін бұл жұмыс қиындық туғызбайды. Жүргізілген талдау нәтижелері бойынша анықталған компанияларға нақты нұсқаулықтар мен қажет ақпаратты ұсыну үшін жеткілікті мерзім берілетін болады.
Анықтамалық ақпарат:
АХҚО Қаржылық қызметтерді реттеу комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 88 елден 4600-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
АХҚО IOSCO халықаралық стандарттарын енгізу бойынша әлемдік көшбасшылар қатарына енді
Астана халықаралық қаржы орталығы (АХҚО) Бағалы қағаздар жөніндегі халықаралық ұйым (IOSCO) әзірлеген крипто және цифрлық активтерді реттеу жөніндегі халықаралық стандарттарды іске асыруда әлемнің жетекші юрисдикцияларының бірі ретінде танылды.
Бұл нәтиже IOSCO-ның 2025 жылғы қазан айында жарияланған «Крипто және цифрлық активтер нарықтары үшін IOSCO ұсынымдарының іске асырылуын бағалау» (Assessing the Implementation of IOSCO Recommendations for Crypto and Digital Asset Markets) атты Тақырыптық шолуда атап өтілді.
IOSCO құрамындағы 130-дан астам юрисдикцияның ішінен осы шолуға қатысу үшін инвесторларды қорғау, нарықтың адалдығын қамтамасыз ету және жауапты инновацияларды дамыту саласындағы ең дамыған реттеу тәсілдері бар 20 ел іріктелді.
АХҚОның Басқарушысы Ренат Бектұров: «АХҚО цифрлық активтерді реттеу саласында IOSCO ұсынымдарын табысты енгізіп жатқан әлемнің төрт жетекші юрисдикциясының қатарына енді. Біз бұл бағытты жүйелі түрде дамытуды жалғастырамыз. Басты мақсатымыз — цифрлық активтер пайдаланушылары үшін барынша қолайлы, ашық әрі қауіпсіз жағдай жасау».
АХҚО қатысушылар арасында ең жоғары нәтиже көрсетіп, 2025 жылғы 31 шілдеде жарияланған IOSCO-ның он басым ұсынымының барлығын іске асырды. Бұл жетістік Қазақстанның цифрлық активтерді реттеу бойынша ашық және қауіпсіз жүйе құруда әлемдік көшбасшылар қатарына енгенін дәлелдейді.
IOSCO есебінде АХҚО-ның цифрлық активтер саласындағы реттеуші базасына қатысты 30-дан астам оң пікір келтірілген, оның ішінде бес жағдайда АХҚО халықаралық үздік тәжірибе ретінде көрсетілген.
АХҚО-ның негізгі жетістіктері:
- цифрлық активтер қызметтерін көрсетушілер (ЦАҚК) үшін корпоративтік басқарудың сенімді стандарттарын енгізген он юрисдикцияның бірі;
- ЦАҚК -тардың рөлі мен мүдделер қақтығысы туралы ақпаратты толық ашуды қамтамасыз еткен он бір юрисдикцияның бірі;
- алаяқтықтың, нарықтық манипуляциялардың және инсайдерлік сауданың алдын алу шараларын толық енгізген он екі юрисдикцияның қатарына кіреді;
- жаһандық реттеушілермен және IOSCO құрылымдарымен 60-тан астам өзара түсіністік туралы меморандум жасасқан, халықаралық ынтымақтастықты кеңінен қолдайтын он тоғыз юрисдикцияның бірі;
- клиенттік активтерді сақтау бойынша барлық ұсынымдарды, соның ішінде күнделікті салыстыру мен стейблкоин резервтерінің жыл сайынғы тәуелсіз аудитін толық іске асырған санаулы юрисдикциялардың бірі;
- бөлшек клиенттерді қорғау жөніндегі барлық шараларды толық іске асырып, ЦАҚК-тарға клиенттердің инвестициялық сәйкестігін бағалау мен шағымдарды ашық қарауды міндеттеген сегіз юрисдикцияның бірі.
Реттеуші құмсалғышының (FinTech Lab), сондай-ақ АХҚО актілерімен әзірленген кешенді және прогрессивті реттеушілік базаның арқасында АХҚО-ның Қаржы қызметтерді реттеу жөніндегі комитеті (AFSA) инвесторларды қорғаудың жоғары стандарттарын және нарықтың тұрақтылығын сақтай отырып, қаржылық инновацияларды дамытуға ықпал ететін теңгерімді орта қалыптастырды.
Бұл жетістік Қазақстан мен АХҚО-ның цифрлық активтердің әділ, ашық және инновацияға бағытталған экожүйесін қалыптастырудағы әлемдік көшбасшылар қатарындағы орнын нығайтып, елдің Еуразия аймағындағы сенімді реттеуші хаб ретіндегі рөлін растайды.
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 85 астам елден 4500-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
AFSA токенизацияланған шикізат тауарларын реттеу үшін АХҚО заңнамасына түзетулерді қабылдады
АХҚО Қаржылық қызметтер көрсетуді реттеу жөніндегі комитеті (AFSA) токенизацияланған шикізат тауарларын реттеу үшін АХҚО заңнамасына түзетулерді (Tokenised Commodities framework) қабылдады.
Түзетулер инвестициялық токендер санатына кіретін және биржада орналастырылуы мүмкін тауарлық деривативтер токендерімен және көміртегі нарығы құралдарының токендерімен сауда-саттыққа бағытталған. Бұдан басқа, заңнама цифрлық активтермен сауда платформаларында саудалана алатын тауарлық стейблкоиндер шығаруға мүмкіндік береді.
Токенизацияланған тауарларға арналған жаңа реттеу режимі AFSA-ның қаржылық және тауар нарықтары үшін сенімді инфрақұрылымды құру жөніндегі күш-жігерінің жалғасы. Тауарлармен байланысты токенизацияланған құралдарды қамту үшін өзінің реттеуші шекараларын кеңейте отырып, бұл режим нарықтағы инновацияларды ынталандырады, құралдардың жаңа түрлерімен сауданы жеңілдетеді және цифрлық активтер мен инвестициялар саудасына арналған платформаларға кеңірек қатысуға ықпал етеді. Бұл қадам АХҚО-ның финтех және тауар саудасы үшін жетекші орталық ретіндегі позициясын одан әрі нығайтады.
АХҚО-ның мынадай актілеріне өзгерістер енгізілді:
Жоғарыда аталған актілерге түзетулер 2024 жылғы 18 қазанда күшіне енеді.
Анықтама үшін:
Анықтамалық ақпарат:
АХҚО Қаржылық қызметтер көрсетуді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 82 елден 3200-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
AFSA ATAIX Eurasia Ltd компаниясына толық реттеу және қадағалау режимінде қызмет жүргізу лицензиясын берді
АХҚО Қаржылық қызметтерді реттеу комитеті (AFSA) ATAIX Eurasia Ltd (Ataix) компаниясына толық авторизация және қадағалау режимі аясында қызметті жүзеге асыруға лицензия берді.
Бұған дейін компания қаржылық қызметтер саласындағы инновацияларды дамытуға бағытталған АХҚО-ның реттеуші құмсалғышына (FinTech Lab Sandbox) қатысқан болатын. Айта кетсек, ATAIX — Қазақстанның екінші деңгейлі банктерімен өзара іс-қимыл жасау бойынша криптобиржаларға арналған пилоттық жобаның алғашқы қатысушыларының бірі болды.
Лицензия алу арқылы ATAIX реттеуші құмсалғыштағы қатысуын аяқтап, АХҚО-ның цифрлық активтер қызметтерін көрсетушілерге арналған реттеу базасына сәйкес толық реттеу және қадағалау режимінде қызмет жүргізуге көшті. Бұл база инновацияларды дамытуға, нарықтың тұтастығын қамтамасыз етуге және клиенттердің мүдделерін қорғауға бағытталған.
Қазіргі уақытта ATAIX Eurasia Қазақстан мен өңірде өсіп келе жатқан клиенттік базасына қызмет көрсетіп, цифрлық активтермен байланысты кең ауқымды өнімдер мен қызметтерге қолжетімділік ұсынады. Толық лицензия және қадағалау режимі аясында компанияға келесі реттелетін қызмет түрлерін жүзеге асыруға рұқсат берілді:
- цифрлық активтер сауда алаңын ұйымдастыру (Operating a Digital Asset Trading Facility);
- инвестициялармен өз атынан операциялар жүргізу (Dealing in Investments as Principal);
- инвестициялармен клиент атынан операциялар жүргізу (Dealing in Investments as Agent);
- активтерді сақтау қызметтерін көрсету (Providing Custody).
Толық режимде жұмыс істеудің негізгі артықшылықтарының бірі — AFSA—мен алдын ала келісусіз өз платформасында цифрлық активтерді (АХҚО—да шығарылмаған стейблкойндардан басқа) саудаға жіберу құқығының берілуі. Бұл құқық АХҚО актілерінің талаптарына сәйкес әзірленген цифрлық активтерді саудаға жіберу жөніндегі ішкі ережелер шеңберінде жүзеге асырылады. Мұндай тәсіл операциялық процестерді жеңілдетіп, нарықтағы өзгерістерге икемді әрекет етуге мүмкіндік береді.
Криптобиржалардың толық реттеу режиміне көшуі — Қазақстан мен АХҚО-ның цифрлық активтер экожүйесінің дамуы мен институционалдануының маңызды кезеңі болып табылады.
Цифрлық активтер қызметтерін көрсетушілердің тіркеу мәртебесін тексеру үшін төмендегі сілтемелерді пайдаланыңыз:
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 85 елден 4400-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
AFSA жаңартылған құқық қолдану саясатын қабылдады
АХҚО Қаржылық қызметтерді реттеу жөніндегі комитеті (AFSA) 2019 жылғы
13 қазаннан бастап қолданыста болған нұсқаның орнына жаңартылған Құқық қолдану саясатының қабылданғанын хабарлайды.
Жаңартылған Саясат ресми түрде күшіне енді. Саясат реттеу тәжірибесіндегі өзгерістерді, халықаралық стандарттарға сәйкестікті және AFSA-ның құқық қолдану өкілеттіктерін іске асыру кезінде ашықтық пен анықтық қағидаттарына бейілділігін көрсетеді.
Негізгі жетілдірулерге мыналар кіреді:
- тергеу жүргізу барысындағы процестердің анықтығын арттыру;
- санкциялар мен қаржылық айыппұлдарды айқындау тәсілдерін жетілдіру;
- залалды қайтару және шығынды өтеу бойынша жаңа ережелер;
- AFSA заңнамасымен көзделген өкілеттіктерге сәйкестікті күшейту.
AFSA нарық қатысушыларын жаңартылған Саясатпен танысуға шақырады, бұл бизнес жүргізудің саналы әрі жауапты тәсілін қолдауға мүмкіндік береді. Жаңа тәсілді білу АХҚО-да немесе АХҚО аумағынан тыс қызмет жүргізетін Тұлғаларға реттеушінің талаптарына сай болуға, ішкі процестерді жетілдіруге және Орталық экожүйесінің дамуына үлес қосуға көмектеседі.
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 85 елден 4400-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
AFSA алғаш рет реттеушілік алымды стейблкойнда қабылдады
“Астана” халықаралық қаржы орталығының Қаржылық қызметтерді реттеу жөніндегі комитеті (AFSA) пилоттық жобаны іске асырудағы маңызды кезең – реттеушілік алым алғаш рет АҚШ долларына (USDT) байланған стейблкойн түрінде төленгені туралы хабарлайды.
Жоба АХҚО қатысушыларына, сондай-ақ АХҚО-да лицензия алу немесе тіркеуден өтуге өтініш беруді жоспарлап жүрген ұйымдарға реттеушілік алымдарды АҚШ долларына байланған стейблкойндармен төлеу мүмкіндігін ұсынады.
АХҚО-ның лицензияланған цифрлық активтер қызметтерін жеткізушісі және реттеушілік құмсалғыш (FinTech Lab) қатысушысы болып табылатын SkyBridge Digital Finance Ltd. компаниясы осы пилоттық жоба аясында реттеушілік алымды стейблкойнмен төлеген алғашқы ұйым болды.
Astana Finance Days 2025 шеңберінде іске қосылған пилоттық жоба есеп айырысудың баламалы тетігін ұсынып, АХҚО экожүйесінің қатысушылары үшін реттеушілік төлемдерді жүргізудің жаңа мүмкіндіктерін ашады. Бұл – өңірдегі алғашқы осындай реттеушілік бастама бола отырып, Қазақстанның АХҚО-ны цифрлық қаржы мен инновациялардың өңірлік хабына айналдыруға ұмтылысын көрсетеді. Сонымен қатар, бұл бастама стейблкойндарды пайдалануға қатысты жаһандық үрдістерге сай келеді.
Bybit Limited компаниясы AFSA-мен Көпжақты өзара түсіністік туралы меморандумға (MMoU) алғашқы болып қол қойған ұйым ретінде Провайдер рөлін атқарып, AFSA пайдасына реттеушілік алым бойынша алғашқы төлемнің жүзеге асырылуын қамтамасыз етті.
Осы сәттен бастап АХҚО қатысушылары мен АХҚО-да компанияны тіркеуге немесе лицензия алуға ниетті өтініш берушілер реттеушілік алымдарды AFSA-ға верификациядан өткен Провайдерлер арқылы стейблкойнмен төлей алады. Провайдерлер тізімі AFSA-ның ресми сайтында жарияланады.
Жобаның талаптарына сәйкес, AFSA-дан келесі екі қызметке лицензиясы бар цифрлық активтермен жұмыс істейтін қызмет көрсетушілер – Цифрлық активтермен сауда платформасын басқару және Цифрлық активтермен төлем қызметтерін көрсету жобасында Провайдер ретінде қатыса алады. Олар Төлеушілердің агенттері ретінде әрекет етіп, стейблкойн түріндегі төлемдерді қабылдайды және олардың эквивалентін AFSA көрсеткен банк шотына фиат валютасында аударады.
Жобаға Провайдер ретінде қатысуға мүдделі компаниялар тиісті ниет хатын [email protected] электрондық поштасына жолдауы қажет.
AFSA Бас директоры Евгения Богданова бұл жөнінде былай деді:
«Біз қабылдаған алғашқы стейблкойн төлемі – болашаққа бағытталған қаржы экожүйесін құру жолындағы маңызды қадам. Бұл бастама AFSA-ның инновацияларды ілгерілетуге және жаһандық өзгерістерге бейімделетін сенімді, ашық және икемді реттеушілік тетіктерді қалыптастыруға деген ұмтылысын айқын көрсетеді».
«Bybit Kazakhstan компаниясы реттеушілік алымды төлеудің алғашқы сәтті төлемін қамтамасыз ету мақсатында AFSA-мен ынтымақтастығына мақтанышпен қарайды. SkyBridge Digital Finance Ltd. компаниясы жүзеге асырған бұл алғашқы төлем — AFSA-ның озық көзқарасын және талаптарға сай, ашық әрі инновациялық төлем шешімдерін дамыту жолындағы ортақ ұмтылысымызды көрсететін маңызды кезең болып табылады. Бұл қадам Қазақстанның қаржы экожүйесін нығайтуға сеп болады», — деді Bybit Kazakhstan басшысы Аблайхан Аубакир.
«Бүкіләлемдік қаржы жүйесінің болашағын қалыптастыратын оқиғаға қатысу – біздің командамыз үшін зор мәртебе. USDT арқылы реттеушілік алымды төлеу маңызы бойынша магниттік жолақты карта арқылы жасалған алғашқы төлеммен тең тарихи прецедент болды. Бұл қадам қаржылық қызметтерді қолжетімді етіп, бұрын банктік құралдарға қолы жетпеген адамдарды экономикаға тартуға ықпал етеді», – деді SkyBridge Digital Finance Ltd. компаниясының аға атқарушы директоры Есенгелді Рахымбеков.
Стейблкойндар секторы жаһандық қаржы жүйесінде барған сайын маңызды рөл атқарып келеді. CoinMarketCap[i] деректері бойынша, 2025 жылғы қыркүйекте стейблкойндардың жиынтық нарықтық капитализациясы тарихи ең жоғары көрсеткіш – 307,6 миллиард АҚШ долларына жетті, бұл ретте сауданың негізгі бөлігі фиат валюталарымен қамтамасыз етілген стейблкойндарға тиесілі.
Маңызды:
Бұл жоба тек АХҚО аумағында жүзеге асырылатын қызметке байланысты AFSA реттеушілік алымдарына қатысты. Бұл бастама Қазақстан Республикасындағы салықтарға немесе басқа мемлекеттік төлемдерге қолданылмайды. Қазақстан Республикасының ресми төлем құралы – теңге (KZT) болып табылады.
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 85 елден 4400-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
[i] Top Stablecoin Tokens by Market Capitalization | CoinMarketCap
AFSA реттеушілік алымдарға ұсынылған өзгерістерді талқылауға шығарады
АХҚО Қаржылық қызметтерді реттеу жөніндегі комитеті (AFSA) АХҚО шеңберінде реттеуші алымдарды жаңарту жөніндегі ұсыныстарды талқылауға шығарады.
Ұсынылып отырған өзгерістер алымдар жүйесінің пропорционалдығын, ашықтығын және АХҚО-ның орнықты дамуын қолдауға бағытталған. Атап айтқанда, кейбір қызмет түрлері бойынша тіркелген алымдарды қайта қарау және айнымалы компоненттерді енгізу жоспарлануда. Бұл өзгерістер қаржы нарықтарының өсуі мен күрделене түсуіне байланысты қолға алынып жатыр.
Аталған өзгерістер AFSA-ның жоғары деңгейдегі реттеушілік қадағалауды қолдауы және нарықтың тұрақтылығы мен сенімділігін одан әрі нығайту мақсатында заманауи қаржы технологиялары мен SupTech[1] сияқты жаңа тәсілдерді жетілдіруі үшін маңызды болмақ.
AFSA реттеуші алымдарды соңғы рет 2017 жылы жаңартқан еді. Сол уақыттан бері AFSA өкілеттіктері едәуір кеңейді. Бүгінгі таңда АХҚО-да 85 елден 4 400-ден астам компания мен ұйым тіркелген. 2025 жылдың бірінші жартыжылдығында AFSA реттейтін компаниялардың басқаруындағы активтер көлемі 1,85 млрд АҚШ долларын құрады.
«АХҚО дамыған қаржылық экожүйеге айналды. Тұтынушыларды қорғау, киберқауіпсіздік пен қаржылық қылмыстар сияқты жаңа тәуекелдерді ескеру, сондай-ақ қадағалаудың жоғары деңгейін сақтау үшін қаржыландыру моделіміз нарық шындығына сай болуы аса маңызды. Бұл қоғамдық талқылау мүдделі тараптарға әділ әрі ашық жүйені қалыптастыруға өз үлесін қосуға мүмкіндік береді», — деді AFSA Бас директоры Евгения Богданова.
AFSA барлық мүдделі тараптарды сілтемесі бойынша консультациялық құжатпен танысуға және 2025 жылғы 2 қарашаға дейін [email protected] электрондық мекенжайына пікірлерін жолдауға шақырады. Барлық ұсыныстар түзетулердің түпкілікті нұсқасын бекітер алдында мұқият қаралады.
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 85 елден 4400-ге жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
[1] Қаржы нарықтары мен институттарын бақылау және қадағалау үдерістерін жақсарту мақсатында қаржылық реттеуші және қадағалаушы органдардың инновациялық технологияларды қолдануы.
AFSA мен Қаржылық мониторинг агенттігі қаржы секторының ақшаны жылыстату және терроризмді қаржыландыру тәуекелдерінен қорғалуын қамтамасыз етуге бағытталған бірлескен шараларды әзірлеуде
Қаржылық мониторинг агенттігі мен АХҚО Қаржылық қызметтерді реттеу комитеті (AFSA) ұлттық қылмыстық жолмен алынған кірістерді жылыстатуға қарсы жүйені нығайту мәселелеріне арналған Комплаенс кеңесінің кезекті отырысын өткізді.
Кездесу барысында жаңа қаржылық технологиялар мен цифрлық активтердің дамуы аясында тәуекелдерді басқарудың өзекті тәсілдері, сондай-ақ АХҚО шеңберінде тиісті инфрақұрылымды одан әрі нығайту шаралары талқыланды. ФАТФ-тың 15-ұсынымы бойынша Қазақстанның рейтингін арттыруға бағытталған басым қадамдарды іске асыруға ерекше назар аударылды.
Ішкі мониторинг механизмдерін жетілдірудің, соның ішінде клиенттерді тексеру және бенефициарлық меншік иелерін анықтау рәсімдерінің сапасын арттырудың маңыздылығы атап өтілді.
Отырыс қорытындысы бойынша Агенттік пен АХҚО Комитеті арасындағы өзара іс-қимылды одан әрі күшейту, ұлттық қаржы жүйесінің тұрақтылығын арттыру және қаржы алаңдарын заңсыз мақсаттарда пайдалануға жол бермеу жөнінде бірлескен шаралар қабылдау туралы шешім қабылданды.
Анықтамалық ақпарат:
АХҚО Қаржылық қызметтерді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
АХҚО-да 85 елден 4300-ға жуық қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. afsa.aifc.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz
Байланыс ақпараты:
Жұртшылықпен байланыс және коммуникациялар департаменті
+7 (717) 264 73 43; +7 7172 61-37-45
[email protected]
