Ескерту: Kantai Securities Limited атауын алаяқтық мақсатта пайдалану және инвестициялық қызметтерді рұқсатсыз ұсыну
АХҚО Қаржылық қызметтерді реттеу комитеті (AFSA) Kantai Securities Limited және Kantai Wealth Management Ltd. атауларының рұқсатсыз пайдаланылуына байланысты алаяқтық әрекеттерге қатысты осы ескертуді жұртшылық үшін жариялайды.
Kantai Securities Limited (БСН 180740900057) – «Астана» халықаралық қаржы орталығында тіркелген және AFSA лицензиясына ие компания (№ AFSA-A-LA-2021-0003, 2021 жылғы 9 ақпан). Аталған лицензия компанияға инвестициялар бойынша кеңес беру (Advising on Investments) және инвестициялық мәмілелерді ұйымдастыру (Arranging Deals in Investments) қызметтерін көрсетуге мүмкіндік береді.
Компания бұрын Kantai Wealth Management Ltd. атауымен жұмыс істеген, алайда 2024 жылғы 30 мамырда атауын Kantai Securities Limited деп өзгерткен.
Компанияның қазіргі мәртебесі
AFSA компания лицензиясы оған келесі қызмет түрлерін жүзеге асыруға құқық бермейтінін атап көрсетеді:
- Клиенттердің қаражатын қабылдау немесе басқару;
- Клиенттер үшін сауда немесе инвестициялық шоттар ашу және жүргізу;
- Брокерлік қызметтер көрсету;
- Валюталық операцияларды жүзеге асыру;
- Цифрлық активтермен операциялар жүргізу немесе оларды жүзеге асыруға жәрдемдесу.
Алаяқтық әрекеттер және компания атауын пайдалану
AFSA кейбір тұлғалардың аталған компанияның өкілдері ретінде өзін таныстырып, алаяқтық әрекеттерге қатысып жүргенін көрсететін ақпарат пен өтініштер алды.
Аталған әрекеттер мыналарды қамтиды:
- Компанияның бұрынғы және қазіргі атауын пайдалана отырып, «инвестициялық келісімдер» деп аталатын құжаттарды жасасу;
- Инвестициялық мүмкіндіктерді ұсыну сылтауымен жеке тұлғалардан қаражат тарту;
- Төлемдерді «қайырымдылық» ретінде көрсету;
- Қаражатты қайтарудан бас тарту немесе оларды шешіп алу үшін қосымша талаптар қою;
- Жеке тұлғаларды криптовалюталық әмияндар мен биржаларды қоса алғанда, реттелмейтін платформаларды пайдалануға мәжбүрлеу;
- Клиенттердің қаражатын шығарып алуына кедергі келтіру мақсатында психологиялық қысым көрсету және айлашарғы жасау.
AFSA азаматтарға қатаң түрде мыналарды ұсынады:
- Әсіресе цифрлық активтерге немесе кепілдендірілген табысқа қатысты сұратылмаған инвестициялық ұсыныстарға ерекше сақтықпен қарау;
- АХҚО лицензиясына ие компаниялар клиенттерге қысым көрсетпейтінін, жеке шоттарға төлем жіберуді сұрамайтынын және қаражатты шығару үшін реттелмейтін үшінші тарап платформаларын пайдалануды талап етпейтінін есте сақтау.
Бұзушылықтар туралы хабарлау және одан арғы іс-қимылдар
Егер сізге осындай ұсыныстар түскен болса немесе күмәнді инвестициялық қызметке не жарнамаға қатысты алаңдаушылығыңыз болса, бұл туралы дереу AFSA-ға [email protected] электрондық поштасы арқылы хабарлауыңызды сұраймыз.
AFSA қаржылық қызметтерді AFSA лицензиясы негізінде көрсететінін мәлімдейтін ұйымдармен өзара әрекеттесу кезінде барынша сақ болуға шақырады және кез келген ұйымның мәртебесін AFSA-ның Жария тізілімі арқылы тексеруге кеңес береді. Жария тізілімде AFSA тарапынан авторизацияланған және/немесе тіркелген барлық ұйымдар туралы ақпарат қамтылған.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
AFSA жыл сайынғы қадағалау алымдарын қолдану жөніндегі Нұсқаулықты жариялады
АХҚО Қаржылық қызметтерді реттеу комитеті (AFSA) жыл сайынғы қадағалау алымдарын қолдану жөніндегі Нұсқаулықты жариялады. Құжат реттелетін қызмет түрлерін немесе нарықтық қызметті жүзеге асыруға арналған әртүрлі лицензияларды біріктіру жағдайларында AFSA-ның жыл сайынғы қадағалау алымдарын есептеу тәртібін түсіндіреді.
Нұсқаулық АХҚО-ның Алымдар туралы қағидаларында (Fees Rules) белгіленген жыл сайынғы қадағалау алымдары жүйесі аясында әзірленді. Қағидалардың 3.1.5(c) және 3.1.5(d) тармақтары авторизацияланған тұлға бірнеше реттелетін қызмет түрін немесе нарықтық қызметті жүзеге асырған жағдайда жыл сайынғы қадағалау алымдарын есептеу әдістемесін белгілейді.
Қағидалардың 3.1.5(e) тармағына сәйкес AFSA белгілі бір реттелетін қызмет түрлерінің немесе нарықтық қызметтердің комбинациялары есептеу мақсатында жеткілікті дәрежеде өзара байланысты немесе сипаты жағынан бір-бірімен қабаттасатын болып саналуы мүмкін жағдайларды айқындайтын Нұсқаулық шығаруға құқылы. Мұндай жағдайларда АХҚО қатысушылары тек ең жоғары қолданылатын алымды төлейді.
Нұсқаулықта сондай-ақ жеткілікті дәрежеде өзара байланысты немесе сипаты жағынан бір-бірімен қабаттасатын болып саналуы мүмкін жиі кездесетін қызмет түрлері комбинацияларының мысалдары қамтылған. Бұл тізбе толық болып табылмайды.
Нұсқаулықпен келесі сілтеме арқылы танысуға болады: https://orderly.myafsa.com/articles/aifc-guidance-on-application-of-annual-supervision-fees.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
AFSA жыл сайынғы қадағалау алымдарын қолдану жөніндегі Нұсқаулықты жариялады
АХҚО Қаржылық қызметтерді реттеу комитеті (AFSA) жыл сайынғы қадағалау алымдарын қолдану жөніндегі Нұсқаулықты жариялады. Құжат реттелетін қызмет түрлерін немесе нарықтық қызметті жүзеге асыруға арналған әртүрлі лицензияларды біріктіру жағдайларында AFSA-ның жыл сайынғы қадағалау алымдарын есептеу тәртібін түсіндіреді.
Нұсқаулық АХҚО-ның Алымдар туралы қағидаларында (Fees Rules) белгіленген жыл сайынғы қадағалау алымдары жүйесі аясында әзірленді. Қағидалардың 3.1.5(c) және 3.1.5(d) тармақтары авторизацияланған тұлға бірнеше реттелетін қызмет түрін немесе нарықтық қызметті жүзеге асырған жағдайда жыл сайынғы қадағалау алымдарын есептеу әдістемесін белгілейді.
Қағидалардың 3.1.5(e) тармағына сәйкес AFSA белгілі бір реттелетін қызмет түрлерінің немесе нарықтық қызметтердің комбинациялары есептеу мақсатында жеткілікті дәрежеде өзара байланысты немесе сипаты жағынан бір-бірімен қабаттасатын болып саналуы мүмкін жағдайларды айқындайтын Нұсқаулық шығаруға құқылы. Мұндай жағдайларда АХҚО қатысушылары тек ең жоғары қолданылатын алымды төлейді.
Нұсқаулықта сондай-ақ жеткілікті дәрежеде өзара байланысты немесе сипаты жағынан бір-бірімен қабаттасатын болып саналуы мүмкін жиі кездесетін қызмет түрлері комбинацияларының мысалдары қамтылған. Бұл тізбе толық болып табылмайды.
Нұсқаулықпен келесі сілтеме арқылы танысуға болады: https://orderly.myafsa.com/articles/aifc-guidance-on-application-of-annual-supervision-fees.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты — «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) — бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
AFSA Verum Payments Limited компаниясына айыппұл салды
АХҚО Қаржылық қызметтерді реттеу комитеті (AFSA) жүргізген тергеу барысында анықталған және тараптардың келісімі арқылы реттелген реттеушілік талаптарды бұзуға байланысты Verum Payments Limited компаниясына («Компания») қаржылық санкция қолданды.
Анықталған бұзушылықтарды реттеу нәтижесінде Verum Payments Limited компаниясына 21 854 АҚШ доллары мөлшерінде айыппұл салынды.
Компания AFSA жасаған қорытындыларды мойындап, AFSA белгілеген мөлшердегі қаржылық санкцияны қабылдау арқылы мәселені реттеуге келісті. Сонымен қатар Компания анықталған бұзушылықтарды жою мақсатында түзету шараларын енгізу бойынша белсенді қадамдар жасады. Осыған байланысты AFSA өзінің Құқық қолдану саясатының (AFSA Enforcement Policy) 7.7.1-тармағына сәйкес айыппұл сомасына 30% мөлшерінде жеңілдік беру құқығын пайдаланды. Жоғарыда көрсетілген айыппұл мөлшері аталған жеңілдікті ескере отырып есептелген.
Бұзушылықтардың қысқаша сипаттамасы
Verum Payments Limited компаниясы авторизация алғаннан кейін орындалуға тиіс міндетті шарттарды толық орындамай тұрып реттелетін қызметті (Regulated Activity) жүзеге асырған және қаржылық жарнамалауды (Financial Promotions) жүргізген.
AFSA жүргізген тергеу нәтижесінде Verum Payments Limited компаниясы анықталған бұзушылықтарды жоюға және олардың қайталануына жол бермеуге бағытталған кешенді іс-қимыл жоспарын әзірледі.
Келісім нәтижелерін жариялау
Осы құқық қолдану ісі реттелген кезде AFSA-ның Құқық қолдану саясаты (AFSA Enforcement Policy) келісім арқылы реттелген істер бойынша Шешім туралы хабарламаларды (Decision Notices) міндетті түрде жариялауды талап етпеген.
Кейіннен AFSA өз қызметінің ашықтығын арттыру мақсатында барлық құқық қолдану өндірістерінің нәтижелерін жариялауды көздейтін жаңартылған тәсілді енгізді.
Аталған іс ақпаратты жариялаудың жаңартылған тәртібіне көшу кезеңінде тергеліп, реттеліп және аяқталғандықтан, ол жариялауды талап етпеген бұрынғы тәртіпке сәйкес қаралды. Осыған байланысты бұл іс бойынша Шешім туралы хабарлама (Decision Notice) жарияланбайды.
Осыған орай AFSA халықаралық деңгейде мойындалған стандарттар мен құқық бұзушылықтардың алдын алуға бағытталған тәжірибеге сәйкес қабылданған құқық қолдану шаралары туралы ақпаратты жария түрде ашудың жеткілікті әрі тиісті тәсілі ретінде осы баспасөз хабарламасын жариялауды орынды деп санайды.
Болашақта AFSA құқық қолдану шараларының нәтижесінде қабылданатын Шешім туралы хабарламалар (Decision Notices) AFSA Құқық қолдану саясатының (AFSA Enforcement Policy) 7.5.1 және 8.3.1-тармақтарына сәйкес жарияланатын болады.
AFSA Компанияның АХҚО реттеушілік талаптарын тұрақты түрде сақтауын қамтамасыз ету мақсатында түзету шараларын іске асыру барысын бақылауды жалғастырады.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
AFSA Veritas Group Limited және S1LK PAY Ltd. компанияларына айыппұл салды
АХҚО Қаржылық қызметтерді реттеу комитеті (AFSA) жүргізген тергеулер барысында анықталған және тараптардың келісімі арқылы реттелген реттеушілік талаптарды бұзуға байланысты Veritas Group Limited және S1LK PAY Ltd. компанияларына (бұдан әрі жеке-жеке — «Компания», бірге — «Компаниялар», олардың бір топқа кірмейтіні атап өтіледі) қаржылық санкциялар қолданды.
Тиісті бұзушылықтарды реттеу нәтижесінде AFSA Veritas Group Limited компаниясына 18 072 АҚШ доллары, ал S1LK PAY Ltd. компаниясына 19 224 АҚШ доллары мөлшерінде айыппұл салды.
Әрбір Компания бір-бірінен тәуелсіз түрде AFSA жасаған қорытындыларды мойындап, AFSA белгілеген мөлшердегі қаржылық санкцияны қабылдау арқылы тиісті істі реттеуге келісті. Сонымен қатар әрбір Компания анықталған бұзушылықтарды жою мақсатында түзету шараларын енгізу бойынша белсенді қадамдар жасады. Осыған байланысты AFSA өзінің Құқық қолдану саясатының (AFSA Enforcement Policy) 7.7.1-тармағына сәйкес айыппұл сомасына 30% мөлшерінде жеңілдік беру құқығын пайдаланды. Жоғарыда көрсетілген айыппұл мөлшерлері аталған жеңілдікті ескере отырып есептелген.
Бұзушылықтардың қысқаша сипаттамасы
Тиісті кезең ішінде Veritas Group Limited компаниясы AFSA берген тиісті лицензияға ие болмай тұрып, АХҚО-ның реттеушілік базасына сәйкес авторизацияны талап ететін қызметті жүзеге асырған. Сонымен қатар Компания қолданыстағы реттеушілік талаптарды бұза отырып қаржылық жарнамалауды (Financial Promotions) жүргізген. AFSA талаптарына сәйкес Компания барлық рұқсат етілмеген қызметін тоқтатып, онымен байланысты барлық жарнамалық және маркетингтік материалдарды кері қайтарып алды.
S1LK PAY Ltd. компаниясына қатысты жүргізілген тергеу барысында қолданыстағы АХҚО құқығында (Acting Law of the AIFC) белгіленген реттеушілік талаптар мен Негізгі қағидаттардың (Fundamental Principles) тұрақты сақталуын қамтамасыз етуге қатысты ішкі бақылау және басқару жүйесіндегі жекелеген кемшіліктер анықталды. S1LK PAY Ltd. AFSA-мен ынтымақтастық орнатып, анықталған кемшіліктерді жою жөніндегі іс-шаралар жоспарын әзірледі.
Келісім нәтижелерін жариялау
Осы құқық қолдану істері реттелген кезде AFSA-ның Құқық қолдану саясаты (AFSA Enforcement Policy) келісім арқылы реттелген барлық істер бойынша Шешім туралы хабарламаларды (Decision Notices) міндетті түрде жариялауды талап етпеген.
Кейіннен AFSA өз қызметінің ашықтығын арттыру мақсатында барлық құқық қолдану өндірістерінің нәтижелерін жариялауды көздейтін жаңартылған тәсілді енгізді.
Аталған екі іс те ақпаратты жариялаудың жаңартылған тәртібіне көшу кезеңінде тергеліп, реттеліп және аяқталғандықтан, олар жариялауды талап етпеген бұрынғы тәртіпке сәйкес қаралды. Осыған байланысты бұл істер бойынша Шешім туралы хабарламалар (Decision Notices) жарияланбайды.
Осыған орай AFSA халықаралық деңгейде мойындалған стандарттар мен құқық бұзушылықтардың алдын алуға бағытталған тәжірибеге сәйкес қабылданған құқық қолдану шаралары туралы ақпаратты жария түрде ашудың жеткілікті әрі тиісті тәсілі ретінде осы баспасөз хабарламасын жариялауды орынды деп санайды.
Болашақта AFSA құқық қолдану шараларының нәтижесінде қабылданатын Шешім туралы хабарламалар (Decision Notices) AFSA Құқық қолдану саясатының (AFSA Enforcement Policy) 7.5.1 және 8.3.1-тармақтарына сәйкес жарияланатын болады.
AFSA әрбір Компанияның АХҚО реттеушілік талаптарын тұрақты түрде сақтауын қамтамасыз ету мақсатында түзету шараларын іске асыру барысын бақылауды жалғастырады.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
AFSA туынды қаржы құралдарымен сауда жасау жөніндегі Нұсқаулықты жариялады
АХҚО Қаржылық қызметтерді реттеу комитеті (AFSA) «Астана» халықаралық қаржы орталығының юрисдикциясындағы деривативтерді реттеуге қатысты жаңа нұсқаулықты (Guidance) жариялады.
Нұсқаулық АХҚО-ның Бизнес жүргізу қағидаларына (Conduct of Business Rules) сәйкес бөлшек клиенттердің позицияларын қамтамасыз етуге (маржаға) қойылатын талаптарды түсіндіреді. Құжатта қолдану тәсілдерінің бірізділігін және кредиттік иіннің пропорционалды деңгейін қамтамасыз ету мақсатында базалық активтердің әртүрлі санаттары бойынша маржалық қамтамасыз етудің ең төменгі параметрлері белгіленген.
Аталған өзгерістер инвесторларды қорғауды күшейтуге, кредиттік иінді пайдалана отырып сауда жасауға байланысты тәуекелдерді төмендетуге, сондай-ақ АХҚО-да теңгерімді әрі пропорционалды реттеуші ортаны сақтай отырып, нарықтың тұтастығын қамтамасыз етуге бағытталған тәуекелге бағдарланған тәсілді енгізеді.
Нұсқаулық AIFC Guidance on Margin Requirements for Retail Clients in Relation to Derivatives сілтемесі бойынша қолжетімді.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
Ескерту: Unilive Central Asia Ltd. атауын пайдалана отырып, инвестициялық қызметтер мен цифрлық активтермен байланысты қызметтерді заңсыз ілгерілету
АХҚО Қаржылық қызметтерді реттеу комитеті (AFSA) Unilive Central Asia Ltd. компаниясының («Компания») реттеушілік мәртебесіне және осы Компанияның атауын пайдалана отырып, инвестициялық қызметтер мен цифрлық активтермен байланысты қызметтерді ілгерілетуге қатысты мән-жайларға байланысты жұртшылық үшін осы ескертуді жариялайды.
Компания 2026 жылғы 26 ақпанда Астана халықаралық қаржы орталығында («АХҚО») БСН 260240901514 нөмірімен топтағы компаниялардағы қатысу үлестерін иелену және басқару мақсатындағы холдингтік компания ретінде тіркелді. Бастапқыда Компания «Unimex Exchange Central Asia Ltd.» атауымен тіркелген болатын, ал 2026 жылғы 10 сәуірде атауын «Unilive Central Asia Ltd.» деп өзгертті.
AFSA әлеуметтік желілерде жекелеген тұлғалар тарапынан Unilive Central Asia Ltd.-ке қатысты инвестициялық сипаттағы материалдардың таратылып жатқанын анықтады. Бұл материалдарда кепілдендірілген табыс, соның ішінде күнделікті пайда табу және қаражатты кез келген уақытта шығарып алу мүмкіндігі жарнамаланады, сондай-ақ цифрлық активтерге байланысты қызмет туралы мәліметтер қамтылған.
Осыған байланысты AFSA Компанияның тиісті лицензиясы жоқ екенін және оған AFSA тарапынан қаржылық қызметтер көрсетуге, оның ішінде цифрлық активтерге байланысты реттелетін қызметті жүзеге асыруға, сондай-ақ АХҚО юрисдикциясы шегінде немесе одан тыс осындай қаржылық қызметтерді қаржылық ілгерілетуге (Financial Promotions) өкілеттік берілмегенін түсіндіреді.
Жұртшылық пен әлеуетті инвесторларға Компаниямен өзара әрекеттесу немесе онымен қандай да бір ынтымақтастық мүмкіндігін қарастыру кезінде жоғарыда көрсетілген ақпаратты ескеру ұсынылады.
AFSA жұртшылық өкілдеріне мыналарды қатаң түрде ұсынады:
- Кепілдендірілген немесе күнделікті инвестициялық табыс уәде ететін ұсыныстарды алған кезде, әсіресе олар цифрлық активтермен байланысты болған жағдайда, ерекше сақтық таныту қажет;
- Кез келген компанияның қаржылық қызметтері мен өнімдерін пайдаланбас бұрын, оларды AFSA-ның жария тізілімі арқылы оның мәртебесін тексерген жөн. Бұл тізілімде AFSA тарапынан авторизацияланған және/немесе тіркелген АХҚО-ның барлық қатысушылары туралы өзекті ақпарат қамтылған.
Егер сіз осындай ұсыныстар алған болсаңыз немесе заңсыз қаржылық қызметтер не қаржылық ілгерілетуге қатысты алаңдаушылығыңыз болса, бұл туралы AFSA-ға [email protected] электрондық поштасы арқылы хабарлауыңызды сұраймыз.
Анықтама үшін:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған АХҚО-ның тәуелсіз реттеушісі. Оның мақсаты – «Астана» халықаралық қаржы орталығында қаржылық қызметтерді және оларға байланысты қызметті реттеу. АХҚО актілері мен қағидаларында қаржы компаниялары және нарықтық институттарды лицензиялау, тіркеу, аккредиттеу мен қадағалау мәселелерін көзделген. afsa.kz
«Астана» халықаралық қаржы орталығы (АХҚО) – бизнесті халықаралық стандарттарға сай ашық әрі тиімді жүргізуге, инвестиция тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе. aifc.kz
AFSA Жұртшылықпен байланыс және коммуникациялар департаменті [email protected]
AFSA және Дубайдың Виртуалды активтерді реттеу басқармасы (VARA) цифрлық активтерді реттеу саласындағы ынтымақтастықты күшейту үшін Өзара түсіністік туралы меморандумға қол қойды
АХҚО Қаржылық қызметтерді реттеу комитеті (AFSA) және Дубайдың Виртуалды активтерді реттеу басқармасы (VARA) Өзара түсіністік туралы меморандумға (MoU) қол қойды. Бұл құжат тараптардың өз юрисдикцияларында цифрлық және виртуалды активтерге қатысты қызмет саласында ынтымақтастықты нығайтуға, өзара көмек көрсетуге және ақпарат алмасуға бағытталған.
Меморандум лицензиялау, қадағалау, құқық қолдану және комплаенс мәселелері бойынша екі реттеуші орган арасындағы өзара іс-қимылдың ресми негізін қалыптастырады. Құжат қаржылық қызметтердің қарқынды дамып келе жатқан саласында тиімді трансшекаралық реттеушілік ынтымақтастықты дамытуға деген AFSA мен VARA-ның ортақ ұмтылысын көрсетеді. Ол қадағалауды үйлестіруді қолдауға, реттеушілік тәжірибе мен үздік практикалармен алмасуға, сондай-ақ цифрлық активтер нарығының тұтастығын, ашықтығын және тұрақтылығын нығайтуға бағытталған.
AFSA бас директоры Евгения Богданова:
«Біз цифрлық активтер үшін неғұрлым өзара байланысқан әрі үйлестірілген реттеуші ортаны қалыптастырып жатырмыз. VARA-мен әріптестігіміз реттеуші айырмашылықтарды азайтып, трансшекаралық өзара іс-қимылды жақсартуға мүмкіндік береді, бұл өз кезегінде нарықтағы сенімді арттыруға ықпал етеді. Мұндай ынтымақтастық реттеудің тиімділігін арттырып қана қоймай, инновациялардың дамуына да серпін береді, нарық қатысушылары үшін әртүрлі юрисдикциялардағы талаптардың анықтығы мен үйлесімділігін қамтамасыз етеді».
Анықтамалық ақпарат:
АХҚО Қаржылық қызметтерді реттеу комитеті (AFSA) – Қазақстан Республикасының «Астана» халықаралық қаржы орталығы туралы Конституциялық заңына сәйкес құрылған АХҚО-ның тәуелсіз реттеушісі. Ол «Астана» халықаралық қаржы орталығында қаржылық қызметтерді және онымен байланысты қызмет түрлерін реттейді. АХҚО-ның ережелері мен қағидалары қаржылық компаниялар мен нарық институттарын лицензиялау, тіркеу, аккредитациялау және қадағалау мәселелерін қамтиды.
afsa.kz
«Астана» халықаралық қаржы орталығы (АХҚО) – халықаралық стандарттарға сай ашық әрі тиімді бизнес жүргізуге, инвестициялар тартуға және жаңа өнімдер мен қызметтерді енгізу арқылы елдің қаржы нарығын дамытуға арналған экожүйе.
aifc.kz
Жұртшылықпен байланыс және коммуникациялар департаменті,
[email protected]
AFSA реттеуші базаны дамытудың 2026 жылға арналған жоспарлары туралы хабарлайды
АХҚО Қаржылық қызметтерді реттеу комитеті (AFSA) нарық қатысушыларын АХҚО-ның реттеу базасын дамыту жөніндегі 2026 жылға арналған жоспарлары, сондай-ақ реттеушілік дамудың 2027-2028 жылдарға арналған әлеуетті бағыттары туралы хабардар етеді.
АХҚО-ның реттеуші базасы нарықтың өсуі мен жетілуіне қарай дамып отырды. Бұл процесс тұрақты реттеуші негізді қалыптастыруды, сондай-ақ нарықтың өсуі мен әртараптандырылуын қолдауға бағытталған мамандандырылған реттеуші режимдерді енгізуді қамтыды.
AFSA қол жеткізілген нәтижелерге сүйене отырып, сапаға, теңгерімділік пен қолданыстағы реттеуші режимдердің практикалық қолданылуына бағдарланған реттеуші базаны одан әрі дамытуды көздейді. Реттеуші база қадағалау тәжірибесі мен нарық қатысушыларының кері байланысын ескере отырып, итеративтік негізде жетіле түсуде, сондай-ақ жаңа халықаралық стандарттарға, жаһандық трендтерге және қалыптасып жатқан нарықтарға бейімделуде.
2026 жылы AFSA-ның реттеуші күн тәртібі келесі бағыттарға шоғырланады:
- Активтерді басқару. Мамандандырылған қорлар қызметінің мәселелерін, қорларды құрудың жаңа құрылымдары мен тәсілдерін, сондай-ақ қорлардың операциялық қызметіне және инвесторларды қорғауға байланысты практикалық мәселелерді қоса алғанда, активтерді басқару саласындағы қолданыстағы реттеуші базаны одан әрі жетілдіру.
- FinTech. FinTech Lab режимін оның тиімділігі мен өзектілігін арттыру, сондай-ақ жауапты инновацияларды қолдау және жаңа бизнес-модельдерді тестілеу мақсатында жетілдіру.
- Нақты түзетулер. Дәл өзгерістер әртүрлі қолданыстағы реттеуші режимдердегі анықталған олқылықтар мен тиімсіздіктерді жоюға бағытталатын болады. Алдын ала күн тәртібіне сақтандыру секторы мен исламдық қаржы енгізілген, бұл ретте басқа да бағыттар қамтылуы мүмкін.
- Нұсқаулықтар. Лицензиялар мен алымдардың кейбір ауыспалы компоненттерінің жиынтығы бөлігінде алымдар мәселелері жөнінде жаңа нұсқаулықты әзірлеу, сондай-ақ қолданыстағы АЖ/ТҚ бойынша нұсқаулықтарды жаңарту.
2027-2028 жылдар кезеңінде AFSA реттеуші базаны дамытудың бірқатар әлеуетті бағыттарын қарастыруда, бұл бағыттар қажеттілігіне қарай қайта қаралуы мүмкін. Олардың қатарында тану режимі (Recognition Framework) бойынша реттеуші базаға ықтимал өзгерістер, АХҚО-ның әртүрлі реттеуші режимдері шеңберінде мүшелікке өтуге және клиенттерге қойылатын талаптарды үйлестіру, сондай-ақ токенизация саласындағы реттеуді одан әрі дамыту бар.
Бұдан басқа, көпжақты және ұйымдастырылған сауда алаңдарын (Multilateral and Organised Trading Facilities) реттеуге өзгерістер енгізу ықтималдығы, кәсіби жарамдылық және адалдық жөніндегі нұсқаулықтарды (Guidance on Fitness and Propriety) жаңарту, туынды құралдар бойынша реттеу базасына түзетулер енгізу, тағайындалған өкілдер режимін (Appointed Representative Framework) әзірлеу, сондай-ақ реттеу периметрі бойынша нұсқаулықты жаңарту қарастырылуда.
AFSA реттеуші режимдерді жетілдіру және оларды қолданудың практикалық мәселелерін бірлесіп пысықтау мақсатында нарық қатысушыларымен тұрақты өзара іс-қимыл жасауға ерекше мән береді.
Жария консультациялар реттеуші базаны дамыту процесінің стандартты элементі болып қалуда. Жақында AFSA қолданыстағы реттеуді одан әрі жетілдіру жөнінде ұсыныстар қалыптасқанға дейін оның тиімділігі туралы нарықтан пікірлерді ерте жинау құралы ретінде активтерді басқару саласындағы реттеуші база бойынша Call for Evidence-ті алғаш рет іске қосты.
Нарықпен коммуникацияны нығайту үшін AFSA сонымен қатар жария кеңес беру нәтижелерін (Feedback Statements) жариялай бастады. Өткен жылы Feedback Statements капитал нарықтары, цифрлық активтер және краудфандинг салаларындағы жария консультациялардың қорытындылары бойынша жарияланды, бұл консультациялар нәтижелерінің ашықтығы мен айқындылығын арттырды.
Нарық қатысушылары өз ұсыныстарын тұрақты негізде жолдай алады және Call for Evidence пен жария консультацияларға белсенді қатыса алады, өйткені нарықтан кері байланыс – реттеуші базаны дамытудың маңызды элементі.
AFSA АХҚО-ның реттеуші базасын дамытудың 2026-2028 жылдарға арналған жобалары жөніндегі ұсыныстарға, сондай-ақ оны одан әрі дамыту мен жетілдіру бойынша басқа да түсініктемелер мен ұсыныстарды қуана қабылдайды, оларды [email protected] мекенжайына жіберуге болады.
Анықтамалық ақпарат:
АХҚО қаржы қызметтерін реттеу комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында көрсетілетін қаржы қызметтерін және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидаларында қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелері көзделген.. afsa.kz
«Астана» халықаралық қаржы орталығы (АХҚО) – бұл жаңа өнімдер мен қызметтерді енгізу есебінен халықаралық стандарттар бойынша бизнесті ашық әрі тиімді жүргізуге, инвестициялар тартуға және елдің Қаржы нарығын дамытуға арналған экожүйе. aifc.kz
Жұртшылықпен байланыс және коммуникациялар департаменті, [email protected]
