AFSA

25 September 2024 13:42:53

АХҚО Қаржылық қызметтер көрсетуді реттеу жөніндегі комитеті (AFSA) төлем қызметтерін көрсететін қатысушылардың қызметін реттеуге қатысты консультациялық құжатты нарықтан ұсыныстар алу үшін жариялады.

Төлем қызметтерінің провайдерлері АХҚО мен Қазақстанның қаржы жүйесінде маңызды рөл атқарады. 2024 жылдың 1 қыркүйегіндегі жағдай бойынша AFSA төлем қызметтері провайдерлеріне тек 7 лицензия берді. Ұсынылған реттеу режимі төлем қызметтері провайдерлері үшін нормалардың анықтығын қамтамасыз ететін толыққанды, икемді реттеу режимін құруға бағытталған. Бұдан басқа, төлем қызметтері провайдерлері үшін ұсынылатын реттеуші режим теңгерімді, ол төлемдер мен ақшалай қызметтер саласындағы инновациялардың дамуын, операциялық тұрақтылықты, кибер-қауіпсіздікті, сондай-ақ пайдаланушылардың мүддесін қорғауды қамтамасыз етуге бағытталған шараларды күшейтуді қамтамасыз етуге арналған. Ұсынылған режимнің мақсаты – клиенттер үшін қауіпсіз ортаны қамтамасыз ете отырып, АХҚО-да төлем қызметтері провайдерлерінің санын ұлғайту.

Бұл құжат төлем қызметтері провайдерлері, көмекші қызметтерді ұсынатын компаниялар мен консультанттар сияқты АХҚО-ның қазіргі немесе әлеуетті қатысушылары үшін қызығушылық тудырады.

Жария консультациялар барысында АХҚО-ның қазіргі және әлеуетті қатысушыларына, сондай-ақ басқа да мүдделі тұлғаларға консультациялық құжатта баяндалған мәселелерге түсініктеме беру ұсынылады.

Пікірлер берудің соңғы мерзімі – 2024 жылдың 23 қазаны. Пікірлеріңізді алғаннан кейін біз осы құжатқа қандай да бір нақтылаулар қажет пе екенін қарастырамыз.

AFSA пікірлерді [email protected] электрондық поштасы арқылы алуды жөн көреді.

Консультациялық құжатқа мына сілтеме бойынша қол жеткізуге болады: https://orderly.myafsa.com/articles/consultation-paper-afsa-f-ce-2024-0001-from-23-september-2024-on-on-providing-money-services-framework.

Анықтама үшін: 

АХҚО Қаржылық қызметтер көрсетуді реттеу жөніндегі комитеті (AFSA) – «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығындағы қаржылық қызметтерді және олармен байланысты қызметті реттеу мақсатында құрылған АХҚО-ның тәуелсіз реттеушісі. АХҚО ережелері мен қағидалары қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.

АХҚО-да 82 елден 3000-нан астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО-да ұсынылатын қаржылық қызметтер спектрі Лондон, Гонконг, Сингапур, Дубай және т.б. сияқты әлемнің бұрыннан қалыптасқан қаржы орталықтарында қолжетімді қызметтер тізімімен ұқсас. www.afsa.kz 

«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық, реттеуші ортасы және дамыған инфрақұрылымы бар тәуелсіз юрисдикция. www.aifc.kz  

Байланыс ақпараты:

Жұртшылықпен байланыс және коммуникациялар департаменті

+7 (717) 264 73 43; +7 7172 61-37-45  [email protected]