Binance, әлемдегі ең ірі криптовалюта биржасы, АХҚО Қаржылық қызметтерді реттеу жөніндегі комитетінен (AFSA) «Астана» халықаралық қаржы орталығында (АХҚО) цифрлық активтер платформасын басқару және кастодиандық қызметтер көрсету бойынша қағидаттық мақұлдауға ие болды. АХҚО — Binance-пен жұмыс істей бастаған Тәуелсіз Мемлекеттер Достастығындағы (ТМД) бірінші қаржы орталығы. 

AFSA «Астана» халықаралық қаржы орталығының тәуелсіз реттегіші және Қазақстан мен ТМД-дағы цифрлық активтерге байланысты қызметті реттейтін бірегей орган болып табылады. Финтех саласын реттейтін AFSA-ның сенімді нормативтік-құқықтық базасы АХҚО-ға өзін цифрлық активтерге байланысты қызметтерді әзірлеуге арналған жетекші өңірлік платформа ретінде танытуға көмектесті.

“Жаңа нарықтар іздейтін ірі инвесторларға нақты әрі жақсы жолға қойылған ережелер, сондай-ақ реттеу практикасының жоғары стандарттары қажет. Реттеуші осы талаптарға сай болған кезде, ойыншылар қауіпсіз және тиімді жұмыс істей алатын экожүйені қамтамасыз ете отырып, сенімге негізделген ынтымақтастық жасайды. Біз Binance-тің жұмысы жергілікті және аймақтық деңгейде сандық активтер индустриясының осы динамикалық экожүйесін одан әрі дамытуға ықпал етеді деп сенеміз”, — деді AFSA Бас директоры Нұрхат Көшімов.

AFSA-ның қаржылық технологиялар саласындағы ережелері жеке тұлғалар мен мекемелер адал жұмыс істейтін әділ және ашық қаржы нарықтары мен капитал нарықтарын қамтамасыз ететін ортаны құру үшін кешенді нормативтік-құқықтық базамен үйлестіре отырып, инновациялық бизнес шешімдерін ынталандыруға арналған.

Binance өзінің бай тәжірибесімен, технологияларымен және мүмкіндіктерімен Қазақстанда цифрлық активтер нарығын дамытуға ықпал етеді және елді өңірдің криптохабы ретінде одан әрі бекітуге үлкен серпін береді.

“Қазақстан Орталық Азияда криптовалютаны қабылдау мен реттеудегі алғашқы қадамын көрсетті, — деді Чанпэн Чжао (CZ), Binance компаниясының негізін қалаушы және бас директоры. “Бұл Binance талаптарын сақтауға бағытталған биржа болуға және бүкіл әлем бойынша қауіпсіз және жақсы реттелетін ортада өнімдер мен қызметтерді ұсынуға деген ұмтылысын тағы бір рет көрсетеді”.

“Бұл Қазақстандағы Binance үшін айтулы жетістік. Біз «Астана» халықаралық қаржы орталығына Binance Kazakhstan-ға лицензияны осы қағидатты мақұлдауды ұсыну кезіндегі олардың қолдауы мен пайымы үшін алғысымызды білдіреміз”, — деді Binance-тің Азия аймағы бойынша Өңірлік директоры Глеб Костарев.

Қағидатты мақұлдау — бұл АХҚО-да лицензия алу қадамдарының бірі. Лицензия алуға өтінім беру сәтті аяқталғаннан кейін, Binance «Астана» халықаралық қаржы орталығында цифрлық активтер платформасы үшін алаңның операторы және кастодиандық қызметтерді жеткізуші ретінде өз қызметтерін ұсына алады.

Анықтамалық ақпарат:

АХҚО қаржылық қызметтерді реттеу жөніндегі комитеті (AFSA) «Астана» Халықаралық қаржы орталығы туралы» Қазақстан Республикасы Конституциялық Заңына сай құрылған АХҚО тәуелсіз реттеушісі. АХҚО-дағы қаржы қызметтерін реттеумен айналысады. АХҚО Ережелері қаржылық компаниялар мен нарықтық мекемелерге лицензия беру, тіркеу, аккредитация секілді мәселелерді қамтиды.

АХҚО-да 64 елден 1400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО ұсынатын қаржылық қызметтер спектрін Лондон, Гонконг, Сингапур, Дубай сияқты және өзге де сынды әлемнің бұрыннан қалыптасқан қаржы орталықтарындағы қызметтер тізімімен салыстыруға болады. www.afsa.kz

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi. www.aifc.kz

Binance қаржы өнімдерінің жиынтығы бар әлемдегі жетекші cryptocurrency инфрақұрылымын жеткізуші болып табылады, оның ішінде сандық активтермен сауда-саттықтың ең үлкен биржасы. Әлемдегі миллиондаған адамдар сенетін Binance платформасы пайдаланушылар үшін ақша еркіндігін арттыруға арналған және сауда мен қаржы, Білім, деректер мен зерттеулер, қайырымдылық, инвестициялар мен инкубация, орталықсыздандыру және басқаларын қоса алғанда, cryptocurrency өнімдері мен ұсыныстарының теңдессіз портфелін ұсынады. Қосымша ақпарат алу үшін https://www.binance.com  кіріңіз.

Экономикалық ынтымақтастық және даму Ұйымы (ЭЫДҰ) өзі жариялаған есебінде «Астана» халықаралық қаржы орталығының (АХҚО) салық режимінің салық ашықтығының жаһандық стандарттарына сәйкестігін хабарлады. Бұл АХҚО-ның салықтық ашықтық бойынша ғаламдық талаптарға сай екендігін аңғартады.

ОЭСР мәліметтеріне қарағанда, пайданы салықтан жалтарту және ішкі салықтық базаны көрсетпеу жолындағы әрекеттердің  (Base Erosion and Profit Shifting, или «BEPS») кесірінен әлем елдері жылына 100–240 миллиард АҚШ долларынан қағылады, ал бұл дегеніңіз корпорациялардың табыстан алынатын салығының әлемдік табысының 4–10%-на тең. Бұл – елдердің  салық жүйелері арасындағы сәйкессіздік пен ақтаңдақтарды теріс пайдаланудың  кесірі.

Осы мәселелерді шешу үшін 2016 жылы ОЭСР G20 елдерімен бірлесе отырып, пайданы салықтан жалтарту және ішкі салықтық базаны көрсетпеу жолындағы әрекеттермен күресу үшін Инклюзивтік бағдарлама дайындады.

Қазіргі күні Бағдарлама аясында 135 ел мен арнайы құзыретке ие орталықтар  салық төлеуден жалтарумен күресте 15 іс-шараны жүргізіп отыр. Бұл іс-шаралар халықаралық салық ережелері арасындағы ымыраны арттыруға, барынша ашық салық жүйе жасауға, және экономиканы цифрландыру кезінде кезігетін салықтық мәселелерді шешуге бағытталған.

ОЭСР Қазақстанның (BEPS) талаптарына сай болуы үшін АХҚО-ға «экономикалық қатысу» енгізуге ұсыным жасады. Осыған орай  АХҚО қаржылық қызметтер көрсетуді реттеу жөніндегі комитеті (AFSA) Қазақстан Республикасы Қаржы министрлігімен бірлесе отырып,  корпоративтік табыс салығын, қосылған құн салығын төлеу бойынша салықтық жеңілдіктерді қолданатын АХҚО қатысушыларының қатысы туралы Ережелер қабылдаған. Ережелерге сәйкес, корпоративтік табыс салығын, қосылған құн салығын төлеу бойынша жеңілдіктердің әсерін көріп отырған АХҚО қатысушылары өздерінің АХҚО-да қатысушы екенін растаулары тиіс. Ол үшін қатысушылар өз іс-әрекеттері арқылы АХҚО-ға табыс әкелетін қызмет түрлеріне қатысты талаптардың орындалуын, сондай-ақ келтірілген шығындар мен жұмылдырылған штаттық қызметкерлердің саны қызмет көлеміне сәйкес болуын растаулары қажет.

Анықтамалық ақпарат:

АХҚО қаржылық қызметтер көрсетуді реттеу жөніндегі комитеті (AFSA) «Астана» Халықаралық қаржы орталығы туралы» Қазақстан Республикасы Конституциялық Заңына сай құрылған АХҚО тәуелсіз реттеушісі. АХҚО-дағы қаржы қызметтерін реттеумен айналысады. АХҚО Ережелері қаржылық компаниялар мен нарықтық мекемелерге лицензия беру, тіркеу, аккредитация секілді мәселелерді қамтиды.

АХҚО-да 64 елден 1400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО ұсынатын қаржылық қызметтер спектрін Лондон, Гонконг, Сингапур, Дубай сияқты және өзге де сынды әлемнің бұрыннан қалыптасқан қаржы орталықтарындағы қызметтер тізімімен салыстыруға болады. www.afsa.kz

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi. www.aifc.kz 

«Астана» халықаралық қаржы орталығының қаржылық қызметтер көрсетуді реттеу жөніндегі Комитеті” (AFSA) АХҚО-да тіркелген Hitbeat Music INC.  Representative Office (“Hitbeat Music”) қоғамда өзінің AFSA лицензиясына ие, инвестиция тарту және басқаруға, демек, реттелетін қызмет түрлерін көрсетуге құзіреті бар деген ақпараттарды тарату арқылы әлеуметті алдастыру қаупі туындағанын ескертеді. 

Олардың www.xetrade.mu веб-парақшасында АҚШ Қор нарығындағы жоғары қайтымы бар инвестиция тартуға ұсыныстар бар. Мұндай іс- шараларды жасау үшін бұл Hitbeat Music компаниясының АХҚО-да еш құзыреті жоқ. Өзінің жарнамаларында компания AFSA-ны «серіктес» ретінде суреттеді, бұл жалған ақпарат.

AFSA бұған дейін компанияларға олардың қоғамға шығатын ақпарат көздерін реттеуді сұраған.  Алайда ақпараттың әрі қарай да жалғасып отырғанын ескере отырып, AFSA бұл ақпаратты жариялап, әрі АХҚО қауымдастығының мүддесін қорғауды жөн деп шешті.

Hitbeat Music компаниясына қатысты тұтынушы сұрақтары болса, https://afsa.aifc.kz/submit-your-complaint немесе [email protected].эл.поштасына хабарласуға болады.

AFSA тұтынушылардан АХҚО-мен байланысы бар деп жариялайтын және AFSA-дан тиісті лицензиясыз немесе рұқсатсыз криптовалюталарға инвестиция және басқа да инвестициялар сұрайтын компаниялармен жұмыс істегенде сақтық танытуды сұрайды. AFSA тұтынушыларды абай болуға және тек AFSA-мен тиісті түрде реттелетін лицензиясы бар компанияларға жұмыс істеуге шақырады. AFSA-ның реттелетін қаржылық қызмет көрсетуге рұқсат беретін лицензиясыз АХҚО Қатысушысының мәртебесі қаржылық қызметтерді ұсынуға мүмкіндік бермейтінін атап өткен жөн. Сондай-ақ, тұтынушылардың АХҚО-да тіркелген/құрылған заңды тұлға мен реттелетін қызметті немесе басқа рұқсат етілген қаржылық қызметті жүзеге асыруға лицензиясы бар заңды тұлғаны ажырата білуі де өте маңызды. Тұтынушыларға AFSA веб-сайтындағы   https://publicreg.myafsa.com/authorised/  мекенжайы бойынша лицензиясын тексеруге және AFSA лайықты рұқсатсыз қызметтерін жүзеге асырып, оны жарнамалап жүрген компаниялармен байланысудан аулақ болуға кеңес береді.

Анықтамалық ақпарат:

АХҚО қаржылық қызметтер көрсетуді реттеу жөніндегі комитеті (AFSA) «Астана» Халықаралық қаржы орталығы туралы» Қазақстан Республикасы Конституциялық Заңына сай құрылған АХҚО тәуелсіз реттеушісі. АХҚО-дағы қаржы қызметтерін реттеумен айналысады. АХҚО Ережелері қаржылық компаниялар мен нарықтық мекемелерге лицензия беру, тіркеу, аккредитация секілді мәселелерді қамтиды.

АХҚО-да 64 елден 1400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО ұсынатын қаржылық қызметтер спектрін Лондон, Гонконг, Сингапур, Дубай сияқты және өзге де сынды әлемнің бұрыннан қалыптасқан қаржы орталықтарындағы қызметтер тізімімен салыстыруға болады. www.afsa.kz

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi. www.aifc.kz

Доктор Иен Савиль 2017 жылдың сәуірінен 2021 жылдың желтоқсанына дейін AFSA директорлар кеңесінің мүшесі болды. Біз оның осы қызметтегі ерен еңбегі үшін шын жүректен алғыс айтамыз. Доктор Савиль AFSA-да «Астана» халықаралық қаржы орталығының қаржылық реттеушісі ретінде құрылған күннен бастап Директорлар кеңесінің мүшесі және оның барлық комитеттерінің (Аудит және тәуекел комитеті, Тағайындаулар және сыйақылар жөніндегі комитет және Заң шығару комитеті) мүшесі ретінде жұмыс істеді.

AFSA-ның жетістіктері, негізінен, доктор Савильдің көшбасшылығы, еңбекқорлығы және жұмыста жоғары сапа талаптарына адалдығымен байланысты болды деп айта аламыз.

Қазақстан Республикасының Президенті Қасым-Жомарт Тоқаев «Қазақстан Республикасының сақтандыру нарығын реттеу және дамыту, құнды қағаздар нарығы және банкі ісі нарықтары туралы кейбір заң актілеріне өзгерістер мен толықтырулар енгізу туралы» Қазақстан Республикасының Заңына қол қойды.

Өзгерістер «Сақтандыру қызметі туралы», «Құнды қағаздар нарығы турлы», «Қаржы нарығы мен қаржы ұйымдарын мемлекеттік реттеу, бақылау және қадағалау туралы», «Мемлекеттік  мүлік туралы»,  «Қазақстан Республикасы Ұлттық банкі туралы», «Төлем мен төлем жүйелері туралы» Заңдарды қамтиды.

Заң бойынша АХҚО мүшелері — сақтандыру және қайта сақтандырудағы компаниялардың қызметтері кеңейетін болады, АХҚО қатысушылары – банктеріне Қазақстанның екінші дәрежелі банктерінде корреспонденттік  есеп-шоттарды ашу мүмкіндігі беріледі.

“Астана” халықаралық қаржы орталығының қаржылық қызметтер көрсетуді реттеу жөніндегі Комитеті” (AFSA) Банк қызметін пруденциалдық реттеу жөніндегі ережелеріне түзетулер жобасына ұсыныстарды қабылдау үшін № AFSA-P-CE-2022-0004 консультация құжатын жариялап отыр.  

Консультациялық құжатқа ұсынылатын түзетулер АХҚО-да немесе одан тыс жерде, әсіресе несие беруші ретінде коммерциялық іс-әрекет жүргізуге мүдделі АХҚО-ның қазіргі және болашақ қатысушыларына қатысты болмақ.

Ұсынылып отырған түзетулер несиелік ұйымдардың банктерден айырмашылығын ескере отырып, олардың қызметін тиімді және әділ пруденциалдық реттеуді қамтамасыз етеді. Бұған қоса, бұл консультативтік құжатта АХҚО-дағы кэптивті қаржылық компанияларының ережелері, әдетте еншілес компаниялардың өздерінің орталық компаниясындағы жабдықтарды сатып алуды қаржыландыруы туралы ережелер көрсетілген.

https://aifc.kz/legal-framework/afsa-/

https://afsa.orderly.kz/articles/consultation-paper-on-proposed-amendments-to-the-aifc-banking-business-framework

Барлық ескертулер жазбаша түрде немесе келесі мекенжайларға электрондық пошта арқылы жіберілуі керек:

Саясат және стратегия департаменті

АХҚО-ның Қаржылық қызметтерді реттеу жөніндегі комитеті (AFSA)

Мәңгілік Ел 55/17, C3.2, Қазақстан

Электрондық пошта: [email protected]

Пікірлерді жіберудің соңғы мерзімі – 2022 жылғы 8 тамыз.

Пікірлер жіберу кезінде тақырып жолында келесіну көрсетуді сұраймыз: «Consultation paper #AFSA-P-CE-2022-0004». Қаласауыңыз бойынша, хатта өкілдік ететін ұйымды көрсетуіңізге болады. AFSA, егер басқаша талап етілмесе, сіз берген кез келген түсініктемелерді, соның ішінде өз веб-сайтында жариялау құқығын өзіне қалдырады. Аргументтермен расталған пікірлердің AFSA-да талқылау процесінде көбірек салмағы болады.

2022 жылғы 1 шілдеден бастап АХҚО-ның заң қызметтерін көрсетуге лицензия алуға қойылатын талаптарға қатысты жалпы қағидаларына толықтырулар күшіне енеді. Сондай-ақ Глоссарийге «заң кеңесшісі» және «АХҚО заң қызметтерін реттеу жөніндегі кеңесі» ұғымдары енгізілді.

Енді AFSA-ның заң қызметтерін көрсетуге арналған лицензиясын алу үшін компанияларға АХҚО заң қызметтерін реттеу жөніндегі кеңесінің жанынан заң консультанты ретінде кемінде бір қызметкерді тіркеу қажет болады.

2023 жылғы 3 мамырдан бастап бұл талап 2022 жылғы 1 шілдеге дейін заң қызметтерін көрсетуге AFSA лицензиясын алған АХҚО-ның жұмыс істеп тұрған қатысушыларына қатысты да қолданылатын болады.

Айта кетейік, бұл түзетулер АХҚО-да заң қызметтерін реттеу режимін енгізуге бағытталған құқықтық базаның бір бөлігі болып табылады. 2022 жылғы 3 мамырда АХҚО-ның заң қызметтері туралы актісі қабылданғанын, сондай-ақ АХҚО-ның жалпы қағидаларына, АХҚО-ның бизнес жүргізу туралы қағидаларына және глоссарийге АХҚО-да заң қызметтерін көрсетуге AFSA лицензиясын алуға және сақтауға қатысты толықтырулар енгізілгенін еске саламыз.

Қосымша ақпарат алу үшін мына сілтеме бойынша өтіңіз: https://aifc.kz/legal-services-regulation/

Анықтамалық ақпарат:

«Астана» халықаралық қаржы орталығы» Қазақстан Республикасы Конституциялық Заңына сай құрылған АХҚО тәуелсіз реттеушісі. АХҚО-дағы қаржы қызметтерін реттеумен айналысады. АХҚО Ережелері қаржылық компаниялар мен нарықтық мекемелерге лицензия беру, тіркеу, аккредитация секілді мәселелерді қамтиды.

АХҚО-да 64 елден 1400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО ұсынатын қаржылық қызметтер спектрін Лондон, Гонконг, Сингапур, Дубай сияқты және өзге де сынды әлемнің бұрыннан қалыптасқан қаржы орталықтарындағы қызметтер тізімімен салыстыруға болады. www.afsa.kz

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi. www.aifc.kz 

Пилоттық жобаның ресми түрде іске қосылу рәсіміне ҚР Ұлттық банкі, ҚР қаржылық мониторинг жасау Агенттігі, ҚР Цифрлық дамыту, инновациялар және аэроғарыштық өнеркәсіп министрлігі, «Астана» Халықаралық қаржы орталығы (АХҚО), Қазақстан Қаржыгерлер Қауымдастығы өкілдері қатысты. Әрі осы жобада үлесі бар банктер — Еуразиялық банк, Халық банкі, Altyn Bank өкілдері, АХҚО құрамында тіркелген криптобиржалар және әлемдік, қазақстандық крипто-ойыншылар қатысты.

Ресми рәсімге негізделіп ұйымдастырылған панельдік сессияға АХҚО Әкімшілігі Басқарма Төрағасының орынбасары Қайрат Қалиев модераторлық жасады.

Естеріңізге салсақ, криптоиндустрия мен блокчейн-технологияларды дамыту іс-шаралары аясындағы арнайы жұмыс тобы АХҚО криптобиржалары мен қазақстандық екінші деңгейлі банктердің ынтымақтастық Ережелерін бекіткен еді.

ҚР Цифрлық дамыту, инновациялар және аэроғарыштық өнеркәсіп министрлігі цифрлық технологиялармен белсенді түрде айналысып отырған мемлекеттік орган.

Цифрлық дамыту вице министрі Жаслан Мадиевтің айтуынша, Қазақстанның криптохаб болуға мүмкіндігі жоғары.

«Мемлекет басшысының тапсырмаларын орындау мақсатында қазір Министрлік  ҚР Мәжіліс депутаттары бастама етіп көтерген «Цифрлық активтер туралы» заң жобасымен жұмыс істеп жатыр. Бұл заң жобасы Пилоттық жобаның барлық артықшылықтары мен кемшіліктерін ескеріп, цифрлық экожүйенің кешенді дамуы жолындағы жағымды реттеуге жағдай жасамақ. Біздің елде осы бағыттағы адами капитал өте дамып келеді. Біз сонымен қатар блокчейн технологияларды белсенді түрде алға жылжытып отырмыз. Қазір омемлекеттік қызмет көрсету саласына блокчейнді енгізіп жатырмыз» —деді Жаслан Мадиев.

АХҚО криптобиржалары мен қазақстандық екінші деңгейлі банктердің ынтымақтастығы пилоттық жоба, ол Қазақстанның аймақтық криптохаб ретінде дамуы әлеуетін дамыту үшін арнайы регуляторлық база құруға бағытталған.

Жоба 2022 жылы пилоттық режимде жұмыс істейді.  Бұл жобаға АХҚО Қаржы ұйымдарын реттеу Комитетінің (AFSA), цифрлық активтері платформасын басқарудағы арнайы лицензияға ие  криптобиржалар екінші дәрежелі банктермен серіктесе отырып қатыса алады.

ҚР қаржылық мониторинг жасау Агенттігі субъектілермен қаржылық мониторинг жұмысы жөніндегі департамент басшысы Ғабит Лесбековтің айтуынша, цифрлық технологиялар орталықсыздандырылған жаңа технологиялар, сондықтан да қаржыны жымқыруға қатысты жоғарғы тәуекелмен байланысты, ал банк саласы болса, қаржыны жымқырумен күресте өте белсенді қатысушылардың бірі.

«Бүкіл күдікті операциялар туралы ақпараттың 95% біз екінші дәрежелі банктерден аламыз. Олардың осы мәселе бойынша тексеру жүйесі өте сапалы түрде жақсылап жолға қойылған. Тек оларға цифрлық технологиялардың ерекшеліктерін түсіну керек. Сондықтан, біздің талаптарды жіті қадағалау арқылы операцияларды жүзеге асыратынына еш күмәніміз жоқ. Бұл пилоттық жоба криптоиндустрияның әрі қарайғы дамуына және Қазақстанның инвестициялық тартымдылығын арттыруға жақсы мүмкіндік береді деп сенеміз» — деді Ғабит Лесбеков.

Пилоттық жобаның жағымды жағы Қазақстан Республикасы реттеу алаңында цифрлық активтерді саудалау ұйымдастырылады. Ал ол дегеніңіз жеке және кәсіби инвесторлардың құқығы тиісінше қорғалады деген сөз. Пилоттық жобаны жүзеге асыру сәтті болып жатса, қазақстандық заңдылыққа және АХҚО актілеріне өзгерістер енгізіледі. 

АХҚО Қаржы ұйымдарын реттеу Комитеті (AFSA) Бас директоры Нұрхат Көшімовтің айтуынша, криптобиржаларды іске қосу кезінде мемлекеттік органдар мен қаржы реттеушілері өте ынтымақтаса жұмыс істеді, ал бұл дегеніңіз сәттілікке апаратын негізгі жол.

«Банк индустриясы криптоиндустрияны сапалы комплаенс және жүйелермен қамтамасыз етеді. Криптобиржалар мен банктер барынша тиімді екенін көрсетуі керек. Цифрлық активтер өте жас индустрия, сондықтан біз әріптестерімізбен үнемі пікір алмасып, серіктесіп жұмыс істеуге әзірміз. Ал реттеуге келер болсақ, бізге әрине, реттеу керек, бірақ нарықты да уыстан шығарып алмауымыз қажет, біз осы саладағы ірі ойыншылардың Қазақстанда болуы және халықаралық деңгейдегі жаңа ойыншыларды тарту үшін жұмыс істеу керек. Хаб болу үшін жұмыс істеген ләзім. Тек ғана біздің елдің майнерлерін емес, сонымен қатар, өзге де елдердің майнерлерін біздің қаржылық экожүйеге тартып, қазақстандық экономиканы қосымша инвестициялар, қаржы және импортпен қамтамасыз етуіміз тиіс» — деді AFSA Бас директоры Нұрхат Көшімов

Анықтамалық ақпарат:

АХҚО қаржылық қызметтерді реттеу комитеті (AFSA) «Астана» Халықаралық қаржы орталығы туралы» Қазақстан Республикасы Конституциялық Заңына сай құрылған АХҚО тәуелсіз реттеушісі. АХҚО-дағы қаржы қызметтерін реттеумен айналысады. АХҚО Ережелері қаржылық компаниялар мен нарықтық мекемелерге лицензия беру, тіркеу, аккредитация секілді мәселелерді қамтиды.

АХҚО-да 64 елден 1400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО ұсынатын қаржылық қызметтер спектрін Лондон, Гонконг, Сингапур, Дубай сияқты және өзге де сынды әлемнің бұрыннан қалыптасқан қаржы орталықтарындағы қызметтер тізімімен салыстыруға болады. www.afsa.kz

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi. www.aifc.kz

Astana Finance Days 2022 аясында «Қаржыны жымқыруға қарсы іс шаралар: қаржы индустриясының тезірек дамуындағы артықшылықтар мен қиындықтар» атты сессия өтті. Панельдік сессияның ұйымдастырушысы АХҚО Қаржы қызметтерін реттеу Комитеті (AFSA). Халықаралық және қазақстандық сарапшылар қаржыны жымқыруға қатысты салада қандай ғаламдық тенденциялар бар екендігіне шолу жасады, криптовалютамен аударымдарды бақылау ережелерін қалай сақтау қажеттігі, қаржы саласындағы өсімді жеделдетудегі қаржылық транзакциялардың ашықтығы, анонимдікті сақтау механизмдерімен күрес және өзге де мәселелерді талқылады.

Сессияның қатысушылары: АХҚО Қаржы қызметтерін реттеу Комитеті Бас директорының орынбасары және реттеу мәселелері бойынша басқарушы директор Гарет Линг, қылмыстық табысты заңдастыруға қарсы және терроризмді қаржыландыруға қарсы Еуразиялық топтың атқарушы Хатшысы Сергей Тетеруков, XReg Consulting Серіктесі Эрнест Лима, «Elliptic» компаниясы азия-тынық мұхиты аймағындағы саясат бойынша бас Кеңесші  Тунг Ли, Refinitiv компаниясы клиенттерінің тәуекелін талдау тобы тәуекелді басқару стратегиясы бойынша Маманы Рената Гальвао қатысты.

АХҚО, халықаралық бизнес аумағы ретінде FATF талаптарын (қаржыны жымқыруға қарсы күреске қатысты қаржылық іс-шараларды дайындау Тобы) қадағалайды, ал АХҚО-ның реттеудегі тиімді жүйесі қаржыны жымқыруға қатысты салада қаржылық қызметтерді реттеудегі халықаралық талаптарды пайдалану арқылы күресуге мүмкіндік береді.

«Қазір барлық әлемде ұйымдар бенефициарлық меншіктің ашық болуына мән береді. АХҚО ең басынан бастап өз қызметінде  соңғы бенефициардың атын атап, түстеуге назар аударды, өйткені, бұл АХҚО арқылы заңсыз қаржы ағымының өтуіне тосқауыл болады. Бизнестің ашық және тәуекелсіз жұмыс істеуі халықаралық компаниялар үшін өте маңызды. АХҚО шетел компанияларының жоғарғы талаптарды сенімді түрде жүзеге асыра алатын орны» — деді AFSA бас директорының орынбасары Гаррет Линг.

Естеріңізге салсақ, қылмыстық табысты заңдастыруға қарсы және терроризмді қаржыландыруға қарсы Еуразиялық топ биыл Қаржыны жымқыруға және терроризмді қаржыландыруға қарсы күреске Қазақстан Республикасы заңдарының техникалық сәйкес болуын өзара бағалаудың екінші жиынын өткізеді.

Анықтамалық ақпарат:

АХҚО қаржылық қызметтерді реттеу комитеті (AFSA) «Астана» Халықаралық қаржы орталығы туралы» Қазақстан Республикасы Конституциялық Заңына сай құрылған АХҚО тәуелсіз реттеушісі. АХҚО-дағы қаржы қызметтерін реттеумен айналысады. АХҚО Ережелері қаржылық компаниялар мен нарықтық мекемелерге лицензия беру, тіркеу, аккредитация секілді мәселелерді қамтиды.

АХҚО-да 64 елден 1400-ден астам қатысушы компания тіркелген. Бұл компаниялар банктік, сақтандыру, инвестициялық, кәсіби және басқа қызметтерді ұсынады. АХҚО ұсынатын қаржылық қызметтер спектрін Лондон, Гонконг, Сингапур, Дубай сияқты және өзге де сынды әлемнің бұрыннан қалыптасқан қаржы орталықтарындағы қызметтер тізімімен салыстыруға болады. www.afsa.kz

Астана халықаралық қаржы орталығы (АХҚО) 2018 жылы жұмысын бастаған тәуелсіз юрисдикция. 2025 жылға дейінгі Даму Cтратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде бекiтiлуi. www.aifc.kz