«Астана» халықаралық қаржы орталығын басқару жөніндегі кеңес Леди Барбара Джаджты АХҚО-ның Қаржылық қызметтер реттеу жөніндегі комитетінің (Astana Financial Services Authority, бұдан әрі – AFSA) Директорлар кенесінің Төрайымы етіп тағайындады.

Леди Джадж британдық және американдық азаматтығы бар коммерциялық аға басшы, төрайым және атқарушы емес директор ретінде жеке және мемлекеттік секторларда, сондай-ақ, энергетика, инфрақұрылым, өндіріс, бөлшек сауда және қаржылық қызметтер көрсету секторларында зор әрі табысты халықаралық мансапқа ие. Леди Джадж корпоративтік басқару саласында танымал сарапшы болып табылады және осыған орай Ұлыбританияның Директорлар институтының Төрайымы болып сайланған.

Ол сондай-ақ алаяқтық пен қаржылық қылмыстардың алдын алуға маманданған Cifas Ұлыбританияның мүшелік ұйымының Төрайымы болып табылады. Бұған дейін Леди Джадж АҚШ-тың Бағалы қағаздар мен биржа комиссиясының Комиссары (Министрі) және Ұлыбританияның Қаржылық есептілік кеңесінің (корпоративтік басқарудың британдық реттеушісі) Төрайымы қызметтерін атқарған.     

«Бұл лауазымға тағайындалуым мен үшін үлкен абырой. Мен AFSA-ның Директорлар кеңесінің тиімділігін және халықаралық стандарттарға сай келуін қамтамасыз етуге және де АХҚО-ның дамуына өз үлесімді қосуға тырысатын боламын», —  деп, Леди Джадж өзінің тағайындалуы туралы жылы лебізін білдірді.

АХҚО Басқарушысы Қайрат Келімбетов Леди Джаджтың басшылығымен және Директорлар кеңесінің басқа мүшелерінің қолдауымен AFSA айтарлықтай нәтижелерге қол жеткізеді және әлемдік деңгейдегі қаржы реттеушісі болатынына сенім білдірді.

Анықтама ретінде:

АХҚО. 2015 жылғы желтоқсан айында Қазақстан Республикасының Президенті Нұрсұлтан Назарбаев «Астана» халықаралық қаржы орталығын (АХҚО) құру туралы Конституциялық заңға қол қойды. АХҚО-ның мақсаты қаржылық қызметтерді көрсететін халықаралық деңгейдегі жетекші орталық қалыптастыру болып табылады. Посткеңестік кеңістікте тұңғыш рет ағылшын құқығының қағидаттары енгізіледі, қаржы орталығының ресми тілі – ағылшын тілі болады.

АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.

АФСА. «Астана» халықаралық қаржы орталығының Комитеті «Астана» халықаралық қаржы орталығы туралы» Қазақстан Республикасының Конституциялық заңына сәйкес  заңды тұлға және жарғылық орган болып табылады. АФСА-ның негізгі мақсаты – АХҚО аумағындағы қаржы жүйесінің тұрақтылығын, сондай-ақ қаржы нарықтарының АХҚО аумағында ашықтық, әділдік және тиімділік қағидаттарымен жұмыс істеуін  қамтамасыз ету.

АФСА-ның ең жоғарғы органы Төраға басқаратын Директорлар кеңесі болып табылады. АФСА-ның Директорлар кеңесі АФСА-ның Атқарушы органын және АФСА-ның жалпы қызметін қадағалайды, қызметтің стратегиялық бағыттарын айқындайды, АФСА-ның актілерін қабылдайды, сондай-ақ АХҚО-ның басқару жөніндегі кеңестің және/немесе АХҚО Басқарушысының актілерінде белгіленген өзге де өкілеттіктерге ие. 

www.aifc.kz

АХҚО Қаржылық қызметтерді көрсетуді реттеу жөніндегі комитеті және Қытайдың Бағалы қағаздарды реттеу жөніндегі комиссиясы қаржы нарықтары және капитал нарықтары саласындағы ынтымақтастық туралы меморандумға қол қойды.

Құжатқа АХҚО Қаржылық қызметтерді көрсетуді реттеу жөніндегі комитетінің (бұдан әрі — АФСА) Бас директоры Стивен Глинн (Stephen Glynn) мырза және Қытайдың Бағалы қағаздарды реттеу жөніндегі комиссиясының (бұдан әрі – CSRC) Төрағасы  Лю Шиюй мырза (Liu Shiyu) қол қойды. 

Бұл АХҚО Қаржылық қызметтер көрсетуді реттеу жөніндегі комитетінің халықаралық реттеушімен қол қойған тұңғыш меморандумы. Аталмыш құжат екі реттеуші органның өзара әрекеттесу және бағалы қағаздарды реттеу бойынша ақпарат алмасу ниетін бекітеді. CSRC реттеу жөніндегі ақпарат алмасуға белсене қатысуда және 1992 жылы қазан айында құрылған күнінен бастап шетелдік серіктестерімен ынтымақтастықта қызмет етіп келеді.  

«Қытайдың Бағалы қағаздарды реттеу жөніндегі комиссиясы АХҚО-ның маңызды серіктесі болып табылады. АХҚО CSRC қолдауымен Шанхай қор биржасымен әрекеттесуде. Бүгінгі екі реттеуші арасындағы Меморандумға қол қойылуы «Бір белдеу, бір жол» бастамасының дамуына өз үлесін қосатынына сенемін», — деді АХҚО Басқарушысы Қайрат Келімбетов.        

Анықтама ретінде:

АХҚО. 2015 жылғы желтоқсан айында Қазақстан Республикасының Президенті Нұрсұлтан Назарбаев «Астана» халықаралық қаржы орталығын (АХҚО) құру туралы Конституциялық заңға қол қойды. АХҚО-ның мақсаты қаржылық қызметтерді көрсететін халықаралық деңгейдегі жетекші орталық қалыптастыру болып табылады. Посткеңестік кеңістікте тұңғыш рет ағылшын құқығының қағидаттары енгізіледі, қаржы орталығының ресми тілі – ағылшын тілі болады.

АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.

www.aifc.kz

«Астана» халықаралық қаржы орталығының Қаржылық қызметтер көрсетуді реттеу жөніндегі комитеті (АФСА). АХҚО-ның тәуелсіз реттегіші, заңды тұлға және қаржылық қызметтер көрсетуді және «Астана» халықаралық қаржы орталығындағы  олармен байланысты қызметті реттеу мақсатында «Астана» халықаралық қаржы орталығы  туралы»  Конституциялық Заңға сәйкес құрылған Қазақстан Республикасының мемлекеттік құрылымы болып табылады. Осылайша,  АФСА қаржылық компаниялардың және нарықтық мекемелердің рұқсаттамасын, тіркелуін, расталуын және оларды бақылауды қарастыратын АХҚО-ның қағидалары мен ережелерін реттейді. 

Толығырақ  www.aifc.kz сайтында.

Қытайдың бағалы қағаздарды реттеу жөніндегі комиссиясы (China Securities Regulatory Commission) тікелей Мемлекеттік кеңес жанындағы мемлекеттік мекеме, заңдар мен қағидаларға сәйкес бірыңғай реттеуші қызметті атқарады. Толығырақ: http://www.csrc.gov.cn/pub/csrc_en/ сайтында берілген.

Қаржылық қызметтерді реттеу жөніндегі Астана Халықаралық қаржы орталығы комитеті (қысқартылған атауы АФСА) өз қызметінің іске қосылғанын ресми түрде хабарлайды.

АФСА-ның Бас директоры Стивен Глинн (Stephen Glynn) мырза атап өткендей, АФСА қызметінің басталуы Қазақстандағы қаржы саласы мен капитал нарығындағы маңызды оқиға болып табылады. АФСА Еуразиядағы бүкіл әлемге сыйлы қаржылық қызметтер мен нарық каиталын реттеуші болуға ұмтылады.

АФСА -ның мақсаты халықаралық стандарттарға сай келетін және іс-әрекеттің жоғары стандарттарына кепілдік беретін нормативтік-құқықтық базаны ұсыну, сондай-ақ инвесторлардың сенімділігі мен бизнеске деген сенімді қамтамасыз ету үшін қауіпсіз инвестициялық орта құру болып табылады.

АФСА -ның негізгі басымдығы – бизнеске деген достық қарым-қатынас және оның өркендеуі үшін экожүйе құру. Реттеудің жалпы мақсаты – инвесторлар мен тұтынушыларға бірдей қатысты ережелерге сәйкес адалдық пен ашықтық қағидалары негізінде әл-ауқат құру.  

AFSA қаржылық қызметтердің кең шоғырын, соның ішінде инвестициялар мен активтерді басқаруды, privatebanking, қорларды басқару және әкімшілдендіруді, кастодиалды қызметтерді, исламдық қаржыландыруды және басқа да қызмет түрлерін, сондай-ақ өкілдік кеңселерінің жұмысын лицензиялайды.

АФСА, сондай-ақ, қаржылық қызметтер саласына қолдау көрсететін кәсіби қызметтерді де лицензиялайтын болады. Олардың қатарына барлығы бірге көмекші қызметтерді жеткізушілер ұғымына жататын заңгерлер, бухгалтерлер, аудиторлар, несиелік рейтингтік агенттіктер мен кеңесшілер кіреді. Кеңес беру қызметтеріне IT, Қаржылық технологиялар және басқа да қолдау көрсетуші қызметтер жатады. 

Лицензия негізінде қаржылық қызметті іске асырғысы келетін мекемелер тез арада АФСА-ға жүгіне алады.

Қаржылық немесе көмекші қызметтерді жеткізушілер ретінде тіркелетін компаниялар АХҚО-мен жасалған уағдаластыққа сай салықтардан босатылатын болады.

Глинн мырзаның сөзіне сүйенеск, АФСА компанияларды тіркеу орнына айналады, сондықтан АХҚО аумағында компания құрғысы келетін кез-келген адам қазірдің өзінде тіркелу үшін АФСА-ға жүгіне алады. Ол сондай-ақ тіркеу үшін қызмет түрлеріне шектеулер жоқтығын да хабарлады. 

Глинн мырзаның болжауынша, АФСА-да тіркелген компаниялар өзінің аймақтық және халықаралық әріптестерінің сенімі мен құрметін тудыруы тиіс, себебі олар жаһандық деңгейде танылған корпоративтік басқарудың халықаралық стандарттарына сәйкес әрекет ететін болады.

Сенім мен сенімділік АХҚО-ның іргетасын құрайтын Ағылшын Жалпы Құқығына негізделген. Ағылшын Жалпы Құқығы қазіргі уақытта дүниежүзі халқының 30%-ы арқа сүйеп өмір сүріп жатқан ең көп тараған құқықтық жүйе болып табылады.

АХҚО аумағында қызметін жүзеге асыруға мүдделі мекемелер мен жеке тұлғалар бірінші кезекте АФСА-дан лицензия алуы тиіс. Тіркеу, лицензиялау туралы толығырақ ақпаратты, АФСА басқаратын жаңа нормативтік-құқықтық актілер мен ережелерді, сондай-ақ заңнамалық базаны АФСА-ның http://afsa.kz веб-сайтынан таба аласыздар.

Өтінішкерлер +7 (7172) 61 3657 телефоны арқылы немесе [email protected] электронды мекенжайына сұрау жолдау арқылы кеңес ала алады.

___________________________________________________________________________________

АФСА АХҚО-ның тәуелсіз реттеушісі болып табылады. 

АФСА-ның Бас директоры – қаржылық қызметтер мен капитал нарығын реттеу жөніндегі сарапшы Стивен Глинн (Stephen Glynn) болып табылады. Оның құзырет аясына сондай-ақ корпоративтік басқару, капитал нарығы, екіжақты қорлар, комплаенс бақылау, менеджмент тәуекел, ақшаның ізін жасырумен және алаяқтықпен күрес, құнды қағаздар мен қаржылық қызметтерді реттеу де кіреді. Глинн мырзаның ішкі және трансшекаралық реттеу шеңберінде әкімшілік, азаматтық және қылмыстық құқықтық қорғау құралдарын қолдануда бай тәжірибесі бар.

Соңғы 13 жылда Глинн мырза Дубай Халықаралық Қаржы Орталығының (қысқартылған атауы DIFC) қаржылық қызметтерді реттеу жөніндегі комитетінің және DIFC-тің өзінің басқарушы командасында жұмыс істеп, нормативтік базаны жасау жұмыстарына жауап берген. Бұрын ол Австралияның Құнды Қағаздар және Инвестициялар жөніндегі Комиссиясының (Australian Securitiesand Investments Commission) әртүрлі басшы қызметтерінде болған.