АХҚО қатысушыларын тіркеу ережелеріне өзгерістер енгізілді
«Астана» халықаралық қаржы орталығы АХҚО қатысушыларын тіркеу ережелеріне өзгерістер енгізді.
Аталған өзгерістерді «Астана» халықаралық қаржы орталығында қаржылық қызметті және олармен байланысты қызметтерді реттейтін, сонымен қатар Орталықтағы заңды тұрғаларды тіркейтін, лицензияны рәсімдейтін және аккредитациядан өткізетін АХҚО тәуелсіз реттеушісі болып табылатын АХҚО Қаржылық қызметтерді реттеу комитеті (АФСА) ұсынды.
АХҚО актілеріне енгізілген өзгерістерге сәйкес коммерциялық лицензия және соған қатысты алымдар мен процедуралар жоққа шығарылады. Сонымен қатар, тіркеу және аккредиттеу рәсімі үшін біржолғы ақы енгізіледі. Бұған дейін АХҚО қатысушылары коммерциялық лицензияны алып және оны ұзарту үшін жыл сайын 100 АҚШ доллары мөлшерінде белгіленген соманы төлеуге тиіс болды. Қазір болса, тіркеуден өтуге немесе аккредитация алуға ниет білдірген өтініш беруші (компания, серіктестік немесе коммерциялық емес ұйым) 300 АҚШ доллары мөлшерінде біржолғы ақы төлеуге міндетті.
2018 жылдың 5 шілдесінен бастап 2019 жылдың 5 шілдесіне дейін тіркелген немесе аккредиттелген қатысушылар тіркеуі немесе аккредиттеу күнінен бастап 12 ай ішінде 100 АҚШ доллары мөлшерінде біржолғы төлем жасауы керек. 2019 жылдың 5 шілдесінен бастап 2020 жылдың 5 шілдесіне дейін тіркелген немесе аккредиттелген қатысушылар үшін біржолғы төленетін төлем 300 АҚШ доллары мөлшерінде белгіленеді. Өтінім берушілер өтыныш тапсырылған күні 200 АҚШ доллары көлемінде төлем жасап, қалған 100 АҚШ доллары сомасын тіркеуі немесе аккредиттеу күнінен бастап 12 ай ішінде төлеуге мүмкіндік алады.
Енгізілген өзгерістер, сондай-ақ, жаңа әкімшілік алымдарды көздейді: тіркеуден кейінгі процедуралар үшін 50 АҚШ доллары көлемінде және сұранымдарды өңдеу үшін 20 АҚШ доллары көлемінде төлемдер енгізіледі.
Анықтамалық ақпарат:
АХҚО Қазақстан Республикасының Президенті Нұрсұлтан Назарбаевтың бастамасымен құрылды. Орталық 2015 жылғы желтоқсан айында қабылданған «Астана» халықаралық қаржы орталығын (АХҚО) құру туралы Конституциялық заңға сәйкес қызмет етеді. АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.
www.aifc.kz
АФСА АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді.
www.afsa.kz
АХҚО Соты өзінің алғашқы сот шешімін шығарды
АХҚО Соты өзінің алғашқы сот шешімін шығарды. Ол АХҚО Соттың ресми сайтында орналастырылған.
АХҚО инвестициялық және несиелік қаражат жинау (краудфандинг) бойынша жаңа ережені қабылдады
2019 жылдың 24 маусымда «Астана» халықаралық қаржы орталығының Қаржылық қызметтерді реттеу комитеті (АФСА) Еуропалық қайта құру және даму банкінің қолдауымен өңірдегі тұңғыш инвестициялық және несиелік қаражат жинақтау (краудфандинг) бойынша ережені әзірледі.
Краудфандинг интернет-платформа арқылы кең ауқымды инвесторлар қатарынан шағын және орта бизнеске кішігірім несие және инвестицияларды тартуға мүмкіндік береді.
Краудфандинг — Қазақстан мен өңірдің экономикалық дамуында маңызды рөл атқаратын қаражатты тартудың банк арқылы емес баламалы әдісі.
Инвестицияларды және несиелерді жинақтауды реттеу АХҚО дамуының негізгі бағыттарының бірі – инвесторларды қорғау мен нарықтың тұтастығын сақтауға арналған саланың соңғы үрдістеріне және жетекші қаржы орталықтарының тәжірибесіне сәйкес қаржы секторындағы инновацияларды дамытуға, АХҚО нормативтік базасын құруға қолдау көрсету.
АФСА қаржылық технологиялар жөніндегі басқарушы директоры Асылбек Давлетов айтуы бойынша: «Краудфандинг стартаптарды, кіші және орта бизнесті қолдауда және қаржыландыруда пайдалы балама болып, өркендеу, экономикалық өсім және жаңа жұмыс орындарын құруда маңызды рөл атқарады. Осылайша, АХҚО краудфандинг бойынша реттеу ережелерін қабылдау өңірдегі динамикалық кәсіпкерлік экожүйені құру жолындағы тағы бір қадам болып табылады».
Краудфандинг платформаларының инвесторлары мен клиенттерін қорғау мақсатында АХҚО икемді тәуекелдерді назарға алатын реттеу тәсілін ұсынады. Бір сөзбен айтқанда, инвестициялық және несиелік краудфандинг бойынша ережелерге келесілер жатады: (1) «инвестициялық краудфандингтік платформаны басқару» және «несиелік краудфандингтік платформаны басқару» жаңа реттелетін (нарықтық) қызметтің екі түрі; (2) пруденциялдық талаптар және краудфандинг платформалар операторларына қатысты бизнес жүргізу ережелері, атап айтқанда, Ақша жасыруға және терроризмді қаржыландыруға қарсы талаптар, қарыз қаражатының ең көп сомасына шектеулер, жүйелер мен бақылаулар, мүдделер қайшылығының қатері туралы ақпаратты ашу, краудфандинг платформалары сервистерін пайдаланатын кәсіпорындарда тексеріс жүргізу міндеттері.
АХҚО-дағы краудфандингті реттеу туралы толық ақпаратты келесі сілтеме арқылы алуға болады.
Қосымша ақпарат:
АХҚО Қазақстан Республикасының Тұңғыш Президенті Нұрсұлтан Назарбаевтың бастамасымен құрылды. Орталық 2015 жылғы желтоқсан айында қабылданған «Астана» халықаралық қаржы орталығын (АХҚО) құру туралы Конституциялық заңға сәйкес қызмет етеді. АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.
www.aifc.kz
АФСА АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді.
www.afsa.kz
ФинТех Лаб — жаңа қаржы қызметтер мен технологияларды тестілеу және шектеулі реттеу талаптарын орындау негізінде ФинТех бизнесін дамыту үшін құрылған арнайы нормативтік орта. ФинТех Лаб мүмкіндік береді:
- Лицензиясы бар шетелдік финтех компанияларға өңірлік нарықтарды «тестілеуге»;
- Финтех стартаптарға АХҚО—да реттелетін қызмет етуге;
Жеке реттеуші талаптарға сай жаңа реттелмейтін қаржылық қызметтер көрсетуге мен технологияларды пайдалануға
АХҚО Қаржылық қызметтерді реттеу комитеті Бағалы қағаздар жөніндегі халықаралық комиссияның көпжақты меморандумына қол қойды
«Астана» халықаралық қаржы орталығының Қаржылық қызметтерді реттеу комитеті (АФСА) Бағалы қағаздар жөніндегі халықаралық комиссияның консультациялар, ынтымақтастық және ақпарат алмасу туралы көп жақты түсіністік туралы меморандумына (IOSCO меморандумы) қол қойды.
Қол қойылған меморандумның мәртебесі қаржылық қызметтерді реттеу саласында АХҚО нормативтік базасы капитал нарықтарындағы трансшекаралық қаржы қызметі саласындағы және ақпараттың құпиялылығын қорғау саласындағы ақпарат алмасудың жаһандық стандарттарына сәйкес келетінін растайды. Өзінің жаңа мүмкіндіктерімен АФСА нарықтың тұтастығы мен тұрақтылығын қамтамасыз ету мақсатында трансшекаралық бағалы қағаздармен мәмілелерді қадағалауды жүзеге асыруды айтарлықтай кеңейтеді, сондай-ақ АХҚО актілері мен ережелеріне сәйкестікті бақылауға көмектеседі.
Жаһанды қор нарығында IOSCO Меморандумы реттеушілер арасында қаржы саласында тиімді ынтымақтастық үшін маңызды құралдар ұсынады. АФСА үшін IOSCO меморандумына қол қою жаханды қор нарығының ажырағысыз бөлігі болып табылатын және Меморандумға қол қойған 123 реттеу мекемелерімен шекарааралық қадағалау бойынша ынтымақтасуға мүмкіндік береді.
АФСА Бас директорының міндетін атқарушы Мұхтар Бөбеев: «IOSCO Меморандумына қол қою АХҚО нормативтік базасының қалыптасуы және қор нарығының дамыуында маңызды белес. Біз IOSCO Меморандумына қол қойған үлкен топтың бір бөлігі болуға және халықаралық қаржылық реттеу органдарының ынтымақтастығына біздің міндеттемемізді көрсетуге мақтан тұтамыз».
Анықтамалық ақпарат:
«Астана» халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен 2015 жылы «Бес институционалдық реформаны іске асыру бойынша 100 нақты қадам» Ұлт жоспары аясында құрылды. Орталық өз қызметін «Астана» халықаралық қаржы орталығы туралы» Қазақстан Республикасының 2015 жылғы 7 желтоқсандағы № 438-V Конституциялық заңына сәйкес жүзеге асырады. АХҚО-ның мақсаты шикізат емес секторға баса назар аудара отырып, Қазақстанға шетелдік инвестициялардың ағынын ұлғайту, капиталдың ішкі нарығын дамыту, перспективалы қаржы салаларында жеке сараптама жасау болып табылады.
www.aifc.kz
АХҚО құзырында 200-ден астам компаниялар тіркелген
Қаржы қызметтерді реттеу жөніндегі АХҚО комитеті (AFSA) 200 компанияны АХҚО-да тіркеді. Бұл оқиға Astana Finance Days, шілденің басында қалыптасқан дәстүр бойынша әлемдік сарапшылар мен мемлекет қайраткерлерін, іскер және ғылыми орта өкілдерін жинаған жыл сайынғы қаржылық конференцияны өткізумен тұспа-тұс келді.
АХҚО тіркелген қатысушыларының географиясы Қазақстан, Ресей, Эстония, Латвия, Біріккен Корольдік, Италия, Финляндия, АҚШ, Қытай, Гонконг, Сингапур, Малайзия, Үндістан, БАӘ, Түркия сияқты 20-дан астам елдерді қамтиды. АХҚО қатысушылары банктік қызмет, қор нарығы, активтерді басқару, жеке банкинг, ислам қаржылары, кредиттік-рейтингтік қызмет және басқа салаларда жүзеге асырады.
Қаржылық және қосымша қызметтер көрсететін ең ірі компаниялардың қатарына Қытай құрылыс банкінің филиалы (Қытай), Altyn Bank (Қазақстан), Қытайдың даму банкінің өкілдігі (Қытай), Paladigm Capital Pte (Сингапур), Wood and Co (Чехия), Shinhan Investment Corporation (Оңтүстік Корея), Russell Bedford (АҚШ), Renaissance Capital (Кипр), Аналитикалық кредиттік-рейтинг агенттігі (Ресей) кіреді.
АХҚО Биржасында өз қызметін Қазақстан, Қытай, Ресей, Оңтүстік Корея және Еуропадан – брокерлер мен дилерлер жүзеге асырады. Қырықтан астам компания қосалқы қызметтерді, атап айтқанда заңгерлік, аудиторлық, бухгалтерлік, консалтингтік және рейтингтік қызметтерді көрсетеді.
АХҚО қатысушысы болу үшін тіркелу және қандай да бір қызметтерді жүргізуге лицензия алу қажет. Тіркеу рәсімі туралы толығырақ АХҚО Комитетінің www.afsa.kz сайтынан білуге болады.
Қытай құрылыс банкі АХҚО лицензиясын алды
Қытай құрылыс банкі (China Construction Bank, CCB) «Астана» халықаралық қаржы орталығында қаржылық қызмет көрсетуге лицензия алды. CCB АХҚО аумағындағы өз филиалы арқылы банк қызметтері мен капитал нарығы саласындағы қызметпен айналысатын болады. China Construction Bank активтер көлемі бойынша әлемдегі екінші банк және АХҚО-дағы шетелдік банктің алғашқы лицензияланған филиалы.
АХҚО қаржылық қызметтерді реттеу жөніндегі комитетінің (AFSA) лицензиясын банк өкілдеріне АХҚО Басқарушысы Қайрат Келімбетовпен Пекин қаласындағы «Белдеу және жол» екінші форумының алаңында табыс етілді.
Қ. Келімбетов: «Біз жаңа Жібек жолы мен компанияларға тартымды реттеуіш режимді ұсына отырып, «Белдеу және жол» бастамасы шеңберіндегі географиялық орналасуымызды толық көлемде пайдалануға ниеттіміз. Еуропа мен Қытай арасындағы стратегиялық орналасуының арқасында АХҚО Еуразия аумағындағы жобалар үшін қаржылық қызметтер хабына айналмақ».
AFSA бас директорының міндетін атқарушы Мұхтар Бубеев АФSA қатысушылары арасында CCB-ны қарсы алуға қуанышты екенін атап өтті.
CCB басқарма төрағасы Тянь Голи: «Белдеу және жол» бастамасы алғаш рет Жаңа Жібек жолы бойындағы ең маңызды елдердің бірі Қазақстанда ұсынылған болатын. «Астана» филиалының ашылуы – аталған бастамаға ССВ жауабы», — деп атап өтті.
Банк төрағасы, сонымен қатар, «Астана» филиалы Қытай мен Қазақстан арасындағы сауда-инвестициялық ынтымақтастықты қолдау мақсатында CCB тобының бар мүмкіндіктеріне ие болады. Филиал «Белдеу және жол» бастамасының жүзеге асырылуына себептесіп, Қытай мен Қазақстан өндірістік қуаттарының дамуы мен өзара ықпалдасуы мақсатында жоғары стандартты қаржылық ұсыныстар көрсетеді. Сонымен қатар, CCB АХҚО-да Қытай мен Орталық Азия елдері арасындағы қаржы ынтымақтастығының жаңа платформасын құруды көздейді», — деді.
Сұраулар:
АХҚО. «Астана» халықаралық қаржы орталығы (АХҚО) Қазақстан Республикасының Президенті Нұрсұлтан Назарбаевтың бастамасымен құрылды. Орталық өз қызметін 2015 жылғы желтоқсанда қабылданған «Астана» халықаралық қаржы орталығы туралы» Қазақстан Республикасының Конституциялық заңына сәйкес жүзеге асырады. АХҚО мақсаты қаржы қызметтері мен капитал нарықтары саласында, бағалы қағаздарды, банктік қызметтерді және исламдық қаржыландыруды қоса алғанда, инвестициялау үшін тартымды орта құру жолымен ел экономикасына инвестициялар тарту болып табылады.
www.aifc.kz
АХҚО қаржылық қызметтерді реттеу жөніндегі комитеті (AFSA) «Астана» халықаралық қаржы орталығы туралы» Қазақстан Республикасының Конституциялық заңына сәйкес құрылған, «Астана» халықаралық қаржы орталығында қаржылық қызметтерді және олармен байланысты қызметті реттеу мақсатында құрылған заңды тұлға болып табылады. AFSA АХҚО ережелері мен ережелерін жүзеге асырады, олар қаржы компаниялары мен нарықтық мекемелерді лицензиялауды, тіркеуді, аккредиттеуді және қадағалауды көздейді.
www.afsa.kz
China Construction Bank (CCB) Corporation 1954 жылдың қазан айында құрылған, штаб-пәтері ҚХР, Пекин қаласында орналасқан. Компания қаржылық және банктік қызметтерді ұсынады. Қытайдың ірі банктерінің бірі ССВ ҚХР-ның мемлекет иелігіндегі үлкен коммерциялық төрт банкінің қатарына кіреді. China Construction Bank желісі құрлықтық Қытай аумағында 15 000 жуық бөлімшеден тұрады. «Астана» филиалынан басқа Банктің әлемнің 29 елінде филиал мен бөлімшелері бар: Гонконг, Сингапур, Йоханнесбург, Токио, Сеул, Нью-Йорк, Сидней, Люксембург, Куала-Лумпур және т.б.
http://en.ccb.com/en/home/indexv3.html
АХҚО Қаржы қызметтерін реттеу жөніндегі комитеті мен Қазақстан Республикасының Ұлттық Банкі көмек көрсету және ынтымақтастық туралы келісімге қол қойды
АХҚО Қаржы қызметтерін реттеу жөніндегі комитеті (АХҚО Комитеті) мен Қазақстан Республикасының Ұлттық Банкі (ҚР ҰБ) жәрдем көрсету және өзара ынтымақтастық туралы келісім жасасты.
Келісімнің мақсаты екі реттеуіштің өзара іс-қимылы, оның ішінде ақпарат алмасу және қадағалау жөніндегі функцияларды іске асыруға жәрдемдесу үшін негіздемелік жағдайлар жасау. Атап айтқанда, ол реттеушілердің алдына қойылған міндеттерді орындау үшін ақпарат алмасуға мүмкіндік береді және өзара мүддені білдіретін мәселелерді талқылау үшін тетіктер құруды көздейді.
Келісім қаржы қызметтері секторларының өсуін ынталандыру мақсатында түрлі салалардағы ынтымақтастықты орнату және кеңейту үшін стратегиялық тұғырнама болады.
АХҚО бағалы қағаздар нарығын, сақтандыру және банк қызметтерін, Ислам қаржыларын және FinTech дамыту бойынша мақсаттарды көздейді. Қазақстанның Ұлттық Банкімен тиімді ынтымақтастық АХҚО Комитеті үшін маңызды басымдық. ҚР Ұлттық Банкімен ынтымақтастық екі реттеушіге өз функцияларын тиімді орындауға мүмкіндік береді деп күтілуде.
Сұраулар:
АХҚО Қазақстан Республикасының Президенті Нұрсұлтан Назарбаевтың бастамасымен құрылды. Орталық 2015 жылғы желтоқсан айында қабылданған «Астана» халықаралық қаржы орталығын (АХҚО) құру туралы Конституциялық заңға сәйкес қызмет етеді. АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді. www.aifc.kz
AFSA АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді. www.afsa.kz
Қазақстан Республикасының Ұлттық Банкі (бұдан әрі — ҚРҰБ) Қазақстан Республикасының Ұлттық Банкі (бұдан әрі — Ұлттық Банк) Қазақстан Республикасының орталық банкі болып табылады және Қазақстан Республикасы банк жүйесінің жоғарғы (бірінші) деңгейін білдіреді. Ерекше құқықтық мәртебесі бар Қазақстанның, барлық өзге банктер банк жүйесінің төменгі (екінші) деңгейін білдіреді. Ұлттық Банк өзінің құзыреті шегінде басқа елдердің орталық банктерімен және банктерімен қарым-қатынастарда, халықаралық банктерде және өзге қаржы-кредиттік ұйымдарда Қазақстан Республикасының мүддесін білдіреді. Ұлттық Банктің негізгі мақсаты Қазақстан Республикасында баға, қаржы жүйесінің тұрақтылығын және валюталық реттеуді және валюталық бақылауды жүзеге асыру болып табылады. https://nationalbank.kz
АХҚО Қаржылық қызметтерді реттеу комитеті Түркияның банктік реттеу және қадағалау агенттігімен Өзара түсіністік туралы меморандумға қол қойды
АХҚО Қаржылық қызметтерді реттеу комитеті (AFSA) Түркияның банктік реттеу және қадағалау агенттігімен (BDDK) банк саласында реттеу бойынша ынтымақтастықты қолдау мақсатында өзара түсіністік туралы меморандумға қол қойды.
Меморандумға Қаржылық қызметтерді реттеу комитеті (AFSA) бас директорының міндетін атқарушысы Мұхтар Бөбеев және BDDK Төрағасы Мехмет Али Акбен қол қойды.
Мұхтар Бөбеев «Меморандум AFSA мен BDDK арасында ақпарат алмасуға және банктік қадағалау салаларында ынтымақтасуға жол береді. Бұл – реттеушілердің екі жақты ынтымақтастығының жаңа сатысының белгісі» – деп атап өтті.
Мехмет Али Акбен «Осы меморандумға қол қоя отырып, BDDK және AFSA арасында тиімді және ұзақ мерзімді ынтымақтастықтың дамуына қажетті негіздеме қалыптастырады,» – деді.
Меморандум AFSA және BDDK трансшекаралық қызметті іске асыруға және оны қадағалауға негіздеме беріп, қаржылық қызметтер бойынша заңнама саласындағы ақпаратпен, реттеу тәжірибесімен алмасуға жағдай туғызады. Тараптар, сонымен қатар, әлеуетті арттыру мен қадағалаудың сенімді тәжірибесін нығайту бойынша бастамаларды қолдауға және екі ел қаржылық нарықтарының өсіміне септігін тигізеді.
Қосымша ақпарат:
АХҚО Қазақстан Республикасының Президенті Нұрсұлтан Назарбаевтың бастамасымен құрылды. Орталық 2015 жылғы желтоқсан айында қабылданған «Астана» халықаралық қаржы орталығын (АХҚО) құру туралы Конституциялық заңға сәйкес қызмет етеді. АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.
www.aifc.kz
AFSA АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді.
Түркияның банктік реттеу және қадағалау агенттігі (BDDK) әкімшілік және қаржы дербестігі бар қоғамдық ұйым. Агенттік 2005 жылғы № 5411 Банктер туралы Түркия Респуликасының заңына сәйкес қызмет етеді. Агенттік банктерді, қаржылық компаниялар мен холдингтерді қадағалау және реттеуге өкілетті.
http://www.bddk.org.tr
АХҚО Комитеті «Жаһандық Құмсалғыш» бағдарламасын іске қосты
Қаржылық инновациялардың жаһандық желісі (Global Financial Innovation Network, бұдан әрі – GFIN) — бұл Ұлыбританияның қаржылық қызметін бақылау жөніндегі басқаруды, Халықаралық валюта қорын, Дүниежүзілік банк тобын және қаржы қызметтерін реттеу жөніндегі АХҚО комитетін қоса алғанда, 29 әлемдік қаржылық реттеуіштер мен ұйымдардан тұратын бірлестік. GFIN инновация саласында ынтымақтастық және тәжірибе алмасу; реттеуші технологиялармен (RegTech) байланысты мәселелер бойынша білім алмасу; компанияларға бір мезгілде Қазақстан, Ұлыбритания, АҚШ және басқа да юрисдикцияларды қоса алғанда, бірнеше елдерде инновациялық өнімдерді, қызметтерді немесе бизнес-модельдерді тестілеуге мүмкіндік беру мақсатында құрылған.
«Біз осы бастаманың бір бөлігі болуға қуаныштымыз. GFIN әлемдік қаржы жүйесінің тұрақтылығын қолдау мақсатында реттеуші-пікірлестер арасындағы ынтымақтастыққа ықпал етеді. Бұл жоба әділ, транспарентті және тиімді негізде трансшекаралық қаржылық қызметтерді дамыту бойынша АХҚО міндеттерінің бірін іске асыруға жәрдемдеседі», — деп атап өтті АХҚО комитетінің қаржылық технологиялар жөніндегі Басқарушы директоры Асылбек Давлетов.
Жаһандық құмшсалғышында тестілеу үшін қатысушы реттеуіштердің тізімін, тиісті талаптарды қарау және өтінімді 2019 жылғы 28 ақпанға дейін жіберу қажет. Қатысуға ниет білдірушілер тестілеу өткізгісі келетін елдердің реттеуші талаптарына сәйкес болуы тиіс. GFIN мүшелерінің өкілеттіктері мен міндеттерін мына сілтеме арқылы көре аласыз. GFIN сондай-ақ басқа қаржылық реттеуіштер мен халықаралық ұйымдарды желіге қосылуға шақырады.
GFIN және пилоттық тестілеуді өткізуге болатын елдердің тізімі туралы қосымша ақпарат алу үшін осы сілтеме бойынша өтіңіз.
