AFSA АХҚО-ның тиісті қатысушылары ақшаны жылыстату және терроризмді қаржыландыру қауіптерін жақсы түсіну үшін негізгі қылмыстардың тізімін және типологиялық зерттеу есептерін жариялайды
AFSA қадағалау органы ретінде ақшаны жылыстатумен айналысатын адамдарды және террористік актілерге қандай да бір түрде жәрдемдесуді қалайтын адамдарды қоса алғанда, кез келген қылмыстық элементтер үшін елеулі тежеуші фактор ретінде әрекет ететін режимді қолдауға ұмтылады. AFSA ақшаны жылыстатум (АЖ) және терроризмді қаржыландырумен (ТҚ) күрес туралы АХҚО заңнамасын басқарады және сақтауды қамтамасыз етеді. Осыған байланысты АФСА АХҚО қатысушыларының ақшаны жылыстату және терроризмді қаржыландыру қауіптерін жақсы түсінуі үшін негізгі қылмыстардың тізімін және типологиялық зерттеу есептерін жариялайды.
Негізгі құқық бұзушылықтардың тізбесі
Қазақстан Республикасы Қылмыстық кодексінің тиісті баптарына сілтемелермен ақшаларды жылыстатумен және терроризмді қаржыландырумен байланысты қылмыстардың тізбесі АФСА-мен қаржылық іс-шаралар бойынша нысаналы топтың (FATF) ұсынымдарымен (2019 жыл) анықталған қылмыстардың белгіленген санаттары негізінде қабылданды.
FATF ұсынымдарының 3 және 5-тармақтарына сәйкес ақшаны жылыстатумен және терроризмді қаржыландырумен байланысты қылмыстар Вена конвенциясы, Палерм конвенциясы және Терроризмді қаржыландыру туралы конвенция негізінде қылмысталуы тиіс. Елдерге негізгі қылмыстардың ең кең ауқымын қамту үшін барлық маңызды қылмыстарға ақшаны жылыстату қылмысын қолданған жөн.
Негізгі қылмыстар тізімімен танысу үшін мұнда басыңыз.
Типологиялық зерттеу есептерінің тізбесі
Ақшаны жылыстату (АЖ) және терроризмді қаржыландыру (ТҚ) әдістері туралы типологиялық есептер АЖ/ТҚ саласындағы барлық мүдделі тараптарға АЖ және ТҚ-дан туындайтын қатерлердің табиғатын жақсы түсінуге және осы қатерлерге қарсы күрестің тиімді стратегиясын әзірлеуге көмектесе алады. Типологиялық зерттеулер туралы есептер FATF және FATF (FSRBs) стиліндегі өңірлік органдардың веб-ресурстарында ашық қолжетімді болады. Бұл құжаттар АЖ және ТҚ әдістері мен үрдістерінің үлгілерін, АЖ және ТҚ қарсы күрес жөніндегі шараларды түсіндіруді, сондай-ақ типологиялар мен тақырыптық зерттеулердің жалпы сипаттамасын қамтиды. Типологиялық есептердің бұл үлгілері қаржы мекемелері мен қаржылық емес кәсіпорындар мен кәсіптерге олар ұшырайтын АЖ және ТҚ тәуекелдерін анықтауға, бағалауға және түсінуге, сондай-ақ АЖ және ТҚ -мен анықтауға және күресуге көмектеседі.
Қазіргі уақытта AFSA өзінің АЖ/ТҚ типологиялық есептерінің практикалық үлгілері жоқ және басшылық ретінде FATF және FSRBs типологиялық зерттеу есептерінің тізімін пайдалануды ұсынады.
Типологиялық зерттеулер бойынша есептер тізімімен танысу үшін мұнда басыңыз.
AFSA COVID-19 жаһандық пандемиясының сын-қатерлеріне жауап ретінде қаржы нарығын қолдау шараларын ұсынды
Халықаралық қаржы орталығының реттеуші – AFSA – АХҚО нарығына қатысушыларды қолдау, нарықтың тұтастығын және қаржылық тұрақтылықты қамтамасыз ету үшін бірқатар мақсатты шараларды ұсынды. Бұл шаралар COVID-19 туындатқан ерекше жағдайларға байланысты реттелетін фирмаларға теріс әсерін жеңілдетуге арналған.
Реттеуші қысқа мерзім ішінде нарықтың тұтастығы үшін шешуші маңызы жоқ міндетті есептерді ұсыну жоспарларын қайта қарады. Бұл нарыққа қатысушы компанияларға осы күрделі кезеңде тұтынушыларды қолдау мен өз қызметін шоғырландыруға мүмкіндік береді.
AFSA қабылдаған шұғыл қадамдардың бірі Қазақстандағы төтенше жағдай аяқталғаннан кейін 30 күнтізбелік күнге міндетті есептілік түрлерін ұсыну мерзімін ұзарту болып табылады. Толық мәліметтермен реттеуіштің ресми сайтында осында танысуға болады.
Реттеуші қалыпты режимде жұмыс істейтінін және қаржы нарығын қадағалау бойынша өзінің операциялық қызметін жалғастырып жатқандығын атап өткен жөн. AFSA қызметкерлері қашықтан жұмыс режимінде істейді, сонымен қатар АХҚО қатысушылары және қаржы қызметтерін тұтынушылармен кездесулер мен сұраныстарды уақтылы және тиімді өңдеу үшін барлық қажетті сандық шешімдерге ие.
АХҚО-ның барлық қаржылық қызметтері мен платформалары нарыққа қатысушылар үшін ашық және қолжетімді болып қала береді. Бұл халықаралық AIX биржасына да қатысты, ол пандемияның басынан бастап үздіксіз жұмыс істеуін жалғастыруда.
AFSA сондай-ақ қаржы нарықтарын, трансшекаралық операцияларды тиімді қадағалауды және COVID-19 ықпалына қарсы шараларды үйлестіруді қамтамасыз ету үшін ұлттық реттеуіштермен, шетелдік реттеуіштермен және халықаралық ұйымдармен тұрақты байланыс жасайды. AFSA COVID-19 байланысты ықтимал нормативтік әрекеттерді және IOSCO, IAIS, FinCoNet және т.б. алқаптарында тұтынушыларды қорғау шараларына қатысты ағымдағы талқылауларға белсенді қатысады.
Сонымен қатар, AFSA АХҚО қатысушылары – AFSA лицензиаттарының назарын, әсіресе тәуекелдерді басқару, киберқауіпсіздік пен қаржылық және операциялық тұрақтылық үшін бизнес-операциялардың үздіксіздігін қамтамасыз ету бөлігінде бақылау жүйелері мен құралдарына қатысты талаптарды сақтаудың маңыздылығына назар аударады. Реттеуші пруденциялық реттеуге жататын компаниялар өз өтімділігін белсенді басқара алады және компания қиындықтарға тап болады деп пайымдауға негіз болса, AFSA-ға дереу хабарлауға тиіс деп күтеді. АХҚО-ның капиталға және өтімділікке қойылатын талаптары Базель III халықаралық стандарттарына сәйкес келеді және экономикалық күйзеліске төзімділікті қамтамасыз етуге бағытталған.
Барлық лицензияланған қатысушылар AFSA-ға олардың нормативтік талаптарды орындау қабілетіне әсер етуі мүмкін кез келген маңызды оқиғалар мен мәселелер туралы дереу хабарлауы тиіс.
Реттеуші өзінің миссиясын берік ұстанады және мемлекет экономикасын қолдау бойынша Қазақстан Республикасының Үкіметі мен Ұлттық Банкі уақтылы қабылдаған шараларын қолдайды.
COVID-19 пандемиясы жағдайының дамуына қарай реттеуші қаржы нарығының тиімді жұмыс істеуі үшін жаңа шараларын ұсынуды жоспарлап отыр. AFSA ақпараттың барлық жаңарулары жайлы оның пайда болуына қарай хабарлап отырады.
Айта кету керек, бүгінгі күні АХҚО қаржы нарығында 438 компания тіркелген. Жыл басынан АХҚО-да 75 жаңа қатысушы тіркелді. Олардың ішінде Қазақстан, Ресей, Қытай, Ұлыбритания, АҚШ, Үндістан, Финляндия, Сингапур, БАӘ, Нидерланды, Түркия, Швейцария, Германия, Италия және т.б. компаниялардың көпшілігі бар.
AFSA өз қаржы қауымдастығын қолдау мақсатында реттелетін нысандарға төтенше шараларын ұсынды
COVID-19 пандемиясы орын алған күрделі кезеңде Қаржылық қызметтер көрсетуді реттеу жөніндегі комитеті (AFSA) бұрынғысынша қаржылық тұрақтылықты нығайтуға, нарықтың тұтастығына жәрдемдесуге, тұтынушыларды қорғауға және «Астана» халықаралық қаржы орталығы (АХҚО) қаржы нарықтарын қолдауға бағытталған өзінің реттеу міндеттеріне шоғырланған.
AFSA қаржы фирмалары қызметі үшін пандемияның қаржылық және экономикалық салдарын бағалау үшін реттелетін қоғамдастықпен тығыз жұмыс жасайды. Экономикалық қызметтердің бұзылған кезеңінде қажетсіз реттеуші ауыртпашылықтарды болдырмау үшін AFSA пікірлері негізінде бірқатар облыстарда уәкілетті фирмалардың жағдайын жеңілдету жөнінде шаралар ұсыну туралы шешім қабылданды. Бұл шаралар:
(1) Уәкілетті фирмалардың есептерді ұсыну мерзімдерін кейінге шегеру;
(2) Қазақстан Республикасында Төтенше жағдай кезінде аяқталатын рұқсат беру сатысында тәуекелдерді азайту бағдарламаларының шеңберінде көзделген уәкілетті фирмалар ұсынымдарын орындау мерзімдерін тоқтата тұру. Оның орнына реттелетін фирмалар Қазақстан Республикасындағы Төтенше жағдай аяқталғаннан кейін немесе одан әрі нұсқаулықтар берілгенге дейін 30 күнтізбелік күн ішінде AFSA алдында ұсынымдардың орындалуы туралы есеп беруге міндетті болады;
(3) Есеп беруші ұйымдардың өзінің жылдық қаржылық есебіне қатысты ақпаратты ашу үшін нарықтық қызмет туралы АХҚО қағидаларының 3.4.2 (а) ережесіне сәйкес талап етілетін уақытты 2020 жылғы 1 қыркүйектен кешіктірмей ұзарту;
(4) АХҚО-ның ақшаны қаражатын жылыстатуға және терроризмді қаржыландыруға қарсы іс-қимыл туралы және 2019 жылғы Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл (АЖ/ТҚҚ) туралы жылдық есепті беру үшін санкцияларды (АЖ/ТҚҚ) белгілеу туралы қағидаларының 13.7-бөлімінде көзделген АЖ/ТҚҚ бойынша АХҚО ережесінің күші қолданылатын талаптарды қосалқы қызметтерді көрсететін барлық компаниялар үшін төтенше жағдай аяқталғаннан кейін 30 күнтізбелік күннен кейін тоқтата тұру және есептерді тапсырудың жаңа мерзімін тағайындау;
Бұл күштер COVID-19 байланысты проблемалар мен сын-қатерлерге жауап беруге арналған. AFSA қаржылық тұрақтылықты және тұтынушыларды қорғауды қамтамасыз ету үшін COVID-19 ағымдағы және ұзақ мерзімді әсерін бағалау мақсатында реттелетін қоғамдастықпен тұрақты байланыстар үшін ашық болып қалады.
Хабарламалардың толық мәтіні осында жарияланды (хабарламаларға сілтеме).
АХҚО Қаржылық қызметтер реттеу жөніндегі комитеті мен Біріккен Араб Әмірліктерінің Орталық банкі екіжақты ынтымақтастықты нығайту туралы меморандумға қол қойды
АХҚО Қаржылық қызметтер көрсетуді реттеу комитеті («АФСА») Біріккен Араб Әмірліктерінің Орталық банкімен («БАӘ ОБ») өзара түсіністік туралы меморандум («Меморандум») жасасты. Өзара түсіністік туралы Қазақстан Республикасының Президенті Қасым-Жомарт Тоқаевтың Біріккен Араб Әмірліктеріне ресми сапары аясында Меморандумға Абу-Дабиде қол қойылды.
Тараптар, Меморандумға сәйкес, тәжірибе алмасу, өзара консультациялар жүргізу, екі юрисдикцияда қолданылатын заңдарды талқылау, олардың тиісті юрисдикцияларында трансшекаралық мекемелерге қатысты реттеу және қадағалау функцияларын орындау кезінде БАӘ ОБ мен АФСА арасында ақпарат алмасу саласындағы ынтымақтастыққа жәрдемдесуге уағдаласты. Өзара түсіністік туралы Меморандумға БАӘ Орталық банкінің басшысы, Мубарак Рашид аль-Мансури, АХҚО-ның басшысы Қайрат Келімбетов пен АФСА бас директорының міндетін атқарушы Мұхтар Бубеев қол қойды.
Бұл меморандум әлеуетті арттыру, семинарлар ұйымдастыру және сапарлар алмасу саласындағы ынтымақтастық үшін жағдай жасайды.
Мубарак Рашид аль-Мансури өзара түсіністік туралы Меморандумға қол қоюды құптап: “БАӘ Орталық банкі АФСА-мен серіктестік қарым-қатынасты орнатуға қуанышты, бұл біздің пікірлес институттармен ынтымақтастық пен әріптестікті одан әрі нығайта түседі”.
Қайрат Келімбетов: «Мен БАӘ Орталық Банкі мен АФСА арасындағы ынтымақтастықты орнатуды құптаймын, бұл ортақ мүддені білдіретін, бірқатар екіжақты мәселелер бойынша, соның ішінде қадағалау ақпаратымен алмасуды және ынтымақтастықты кеңейтуге ықпал етеді», — деп атап өтті.
Мұхтар Бөбеев өз кезегінде: «Біз Біріккен Араб Әмірліктерінің Орталық Банкімен ынтымақтастық орнатуға қуаныштымыз. Бұл өзара тиімді ынтымақтастықты жүзеге асыруға және БАӘ мен АХҚО тиісті юрисдикциялары арасында трансшекаралық бизнесті жеңілдетуге мүмкіндік береді»,-деп мәлімдеді.
Анықтамалық ақпарат:
Біріккен Араб Әмірліктерінің орталық банкі 1980 жылғы № 10 одақ туралы Заңға сәйкес құрылған БАӘ Банктік қадағалау және ақша—несие органы болып табылады. 2018 жылы орталық банкке және қаржы мекемелері мен қызметіне қатысты Федералдық № 14 Заңымен жойылған және ауыстырылған.
www.centralbank.ae/en
«Астана» халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен құрылған. АХҚО—ны құру туралы Конституциялық заңға 2015 жылғы 7 желтоқсанда қол қойылды. АХҚО мақсаты—халықаралық деңгейдегі қаржылық қызметтердің жетекші орталығын қалыптастыру. АХҚО—ның міндеттері ел экономикасына инвестициялар тартуға ықпалдасу, қаржылық қызмет көрсету саласында инвестициялау үшін тартымды орта құру, Қазақстан Республикасының бағалы қағаздар нарығын дамыту және оның халықаралық капитал нарықтарымен интеграциялануын қамтамасыз ету.
www.aifc.kz
АФСА АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді.
www.afsa.kz
АХҚО қаржы қызметтерін реттеу жөніндегі комитеті Қазақстанға капиталды аудару бойынша қазақстандық компаниялар үшін оң прецедент болатын алғашқы кэптивті сақтандыру компаниясын лицензиялады
«Астана» халықаралық қаржы орталығының қаржылық қызметтерді реттеу жөніндегі комитеті (AFSA) қазақстандық энергетикалық қайта сақтандыру компаниясына (КЕРК) кэптивті сақтандыру компаниясы ретінде сақтандыру шарттарын жасау және жүргізу бойынша реттелетін қызметті жүзеге асыруға лицензия берді. «Астана» халықаралық қаржы орталығының (АХҚО) актілеріне сәйкес кэптивті сақтандыру қызметі – бұл кэптивті сақтандыру компаниясына тиесілі топтың операцияларының мақсаттары үшін ғана сақтандыру шарттарын жасау немесе жүргізу жөніндегі қызмет.
АХҚО құзыретіне кэптивті сақтандыру компаниясын тіркеу трансфері қазақстандық капитал мен активтерді шетелдік юрисдикциялардан аударудың оң процесін білдіреді. АХҚО ережелеріне сәйкес тіркеуді ауыстыру КЕРК-тің бүкіл мүлкіне құқық меншігін сақтауға, тіркеуді ауыстырғанға дейін болған басымдықтары, борыштар мен міндеттердің субъектісі болып қала беруге мүмкіндік береді.
Қазақстандық энергетикалық қайта сақтандыру компаниясы «ҚазМұнайГаз» ҰК» АҚ еншілес компаниясы бола отырып, сақтандыру қызметін тек «ҚазМұнайГаз» ҰК» АҚ, сондай-ақ «Самұрық-Қазына» Ұлттық әл-ауқат қоры» АҚ болып табылатын бас компания шеңберінде жүзеге асырады. КЕРК акционері Қазақстан Республикасынан тыс жерде тіркелген Cooperative KazMunaiGaz U.A. компаниясы болып табылады.
АХҚО Қазақстандағы инвестициялық реформалар процесінің айнымас бір бөлігі болғандықтан елдегі экономикалық өсуін жеделдетуге бағытталған. АХҚО капиталды елге тартумен қатар активтерді аударуға мүмкіндік беретін реттеуші режимді енгізді.
Компания 2004 жылдан бері Бермуд аралдарында жұмыс істеген. КЕРК-тің тіркеуді АХҚО-ға ауыстырғанымен оған өзінің бастапқы құқы мен міндеттемелерін сақтап қала алады. Яғни өзінің заңды табиғаты бойынша алғаш рет шетелде тіркелген компания ретінде құқығы сақталады. Сондай-ақ халықаралық стандарттарға сәйкес келетін салықтық преференциялар мен құқықтық реттеудің объектісі болуға мүмкіндік береді.
АХҚО қаржылық қызметтерді реттеу жөніндегі Комитеті Бас директорының міндетін атқарушы Мұхтар Бубеевтың айтуынша: «Қазақстандық энергетикалық қайта сақтандыру компаниясын АХҚО юрисдикциясына тіркеу трансфері АХҚО-ның құқықтық базасы қазақстандық компанияларды қолдаушы екенін көрсетеді. Қаржы орталығы арқылы активтер мен қызметтерді Қазақстанға әкелуге мол мүмкіндік бар. Себебі бизнесті жүргізу мен қаржылық қызметтер көрсету саласында, инвестицияны қорғау бойынша реттеуші режим жұмыс істейді.
«ҚазМұнайГаз» ҰК» АҚ Басқарушы директоры – Қаржы бақылаушысы Айгүл Бекназарованың айтуынша: «АХҚО халықаралық бизнес жүргізетін ірі компаниялар үшін жаңа мүмкіндіктер ашады деп есептейміз. АХҚО құзыреті ұсынған мүмкіндіктер біз үшін жағымды деп білеміз. Бұл біздің осы алаңдағы алғашқы келісіміміз емес. Дегенмен компанияны тіркеу трансфері жөніндегі қызметке бірінші рет жүгіндік. АХҚО бизнес жүргізу үшін икемді әрі ыңғайлы құрылым бола береді деп сенеміз».
Сұраулар:
«Астана» халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен құрылған. АХҚО құру туралы Конституциялық заңға 2015 жылғы 7 желтоқсанда қол қойылды. АХҚО мақсаты-халықаралық деңгейдегі қаржылық қызметтердің жетекші орталығын қалыптастыру. АХҚО-ның міндеттері ел экономикасына инвестициялар тартуға жәрдемдесу, қаржылық қызмет көрсету саласында инвестициялау үшін тартымды орта құру, Қазақстан Республикасының Бағалы қағаздар нарығын дамыту және оның халықаралық капитал нарықтарымен интеграциялануын қамтамасыз ету болып табылады.
www.aifc.kz
AFSA «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында қаржылық қызметтерді және олармен байланысты қызметті реттеу мақсатында құрылған АХҚО тәуелсіз реттеуші, заңды тұлға болып табылады. АХҚО ережелері мен ережелері қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
«Самұрық-Қазына» ұлттық әл — ауқат қоры» акционерлік қоғамы- жалғыз акционері Қазақстан Республикасының Үкіметі болып табылатын Қор. Қор 2008 жылы Қазақстан Республикасы Президентінің Жарлығымен құрылды және миссиясы Қазақстан Республикасының Ұлттық әл – ауқатын арттыру және ұлттық экономиканы жаңғыртуды қолдау болып табылатын коммерциялық құрылым-инвестициялық холдинг болып табылады.
www.sk.kz
АХҚО қаржы қызметтерін реттеу жөніндегі Комитеті мен Үндістанның бағалы қағаздар және биржалар жөніндегі кеңесі ынтымақтастықты күшейту туралы келісті
«Астана» халықаралық қаржы орталығы қаржылық қызметтерді реттеу жөніндегі Комитеті (AFSA) мен Үндістанның бағалы қағаздар және биржалары жөніндегі кеңесі (ҮБҚБК) өзара түсіністік туралы Меморандумға қол қойды.
Меморандумға АХҚО-ның қаржылық қызметтерді реттеу жөніндегі Комитеті Бас директорының міндетін атқарушысы М. Бубеев пен Үндістанның бағалы қағаздар және биржалар жөніндегі кеңесінің төрағасы А. Тьяги қол қойды. Келісім Үндістанда және «Астана» халықаралық қаржы орталығында қаржы нарықтарының дамуы мен өсуін қолдау әрі бірлескен бастамалар бойынша ынтымақтастық орнатуға мүмкіндік береді.
AFSA мен ҮБҚБК бақылау тұрғысында ақпарат алмасу бойынша серіктестік орнатпақ. Мәліметтер өз кезінде қос құзыреттегі қаржы мекемелерінің трансшекаралық қызметтерді жеңілдету үшін қажет. Сонымен қатар меморандумға қол қою реттеу саласындағы ынтымақтастықты кеңейту мен тараптардың үздіксіз бейімділігін көрсетеді.
М. Бубеев атап өткендей, «АХҚО Азия аймағындағы реттеуші органдармен әріптестік қарым-қатынасты ортнатуға және қаржылық қызметке қатысты трансшекаралық ақпараттармен алмасуға жәрдемдесуге ұмтылады. Біз Үндістанның бағалы қағаздар және биржалар жөніндегі кеңесімен өзара түсіністік туралы Меморандумға қол қойғанымызға қуаныштымыз және біздің органдар арасында берік қарым-қатынас орнайды деген үміттеміз».
«Біз AFSA-мен өзара түсіністік туралы меморандумға қол қонымызға қуаныштымыз. Ол екіжақты ынтымақтастықты нығайта түседі және АХҚО-мен тығыз қарым-қатынас орнайтынына сенімдіміз. Нарықтар өзара тығыз байланысты болып келеді әрі қаржы ұйымдары жаһандық деңгейде жұмыс істейді, сондықтан өзара түсіністік туралы Меморандум трансшекаралық ынтымақтастық үшін құнды құрал болмақ. Өзара түсіністік туралы Меморандум трансшекаралық инвестицияларға жәрдемдесуден бөлек техникалық көмек пен оқыту қажеттілігі үшін ақпарат алмасуға ықпал ететін болады», — деді А. Тьяги.
Анықтамалық ақпарат:
«Астана» халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен құрылған. АХҚО құру туралы Конституциялық заңға 2015 жылғы 7 желтоқсанда қол қойылды. АХҚО мақсаты-халықаралық деңгейдегі қаржылық қызметтердің жетекші орталығын қалыптастыру. АХҚО-ның міндеттері ел экономикасына инвестициялар тартуға жәрдемдесу, қаржылық қызмет көрсету саласында инвестициялау үшін тартымды орта құру, Қазақстан Республикасының Бағалы қағаздар нарығын дамыту және оның халықаралық капитал нарықтарымен интеграциялануын қамтамасыз ету болып табылады.
www.aifc.kz
AFSA «Астана» халықаралық қаржы орталығы туралы» Қазақстан Республикасының Конституциялық заңына сәйкес «Астана» халықаралық қаржы орталығында қаржылық қызметтерді және олармен байланысты қызметті реттеу мақсатында құрылған АХҚО тәуелсіз реттеуші, заңды тұлға болып табылады. АХҚО ережелері мен ережелері қаржы компаниялары мен нарықтық мекемелерді лицензиялау, тіркеу, аккредиттеу және қадағалау мәселелерін көздейді.
www.afsa.kz
Үндістанның бағалы қағаздар және биржалары жөніндегі кеңесі (ҮБҚБК) 1992 жылғы Үндістанның Бағалы қағаздар және биржалары туралы Заңына сәйкес Үндістандағы бағалы қағаздар нарығын реттеу үшін құрылды. ҮБҚБК міндеттері инвесторлардың мүдделерін қорғау, Үндістандағы бағалы қағаздар нарықтарын дамытуға жәрдемдесу және дамытуды реттеу болып табылады.
www.sebi.gov.in
АХҚО Қаржылық қызметтерді реттеу комитеті мен Армения Республикасының Орталық банкі қаржылық қызметтерді реттеу саласындағы ынтымақтастықты жетілдіру мақсатында өзара түсіністік туралы меморандумға қол қойды
АХҚО Қаржылық қызметтерді реттеу комитеті («АФСА») Армения Республикасының Орталық банкімен («АОБ») өзара түсіністік туралы меморандум («Меморандум») жасасты. Қол қою рәсімі Ереван қаласында өтті.
Тараптар, Меморандумға сәйкес, банктік және сақтандыру қызметін, бағалы қағаздар нарығын қадағалау және реттеуде, атап айтқанда, ақшаны жылыстатуға қарсы іс-қимыл көрсетуде, құқық қолдану тәжірибесінде, лицензиялау, қадағалау, қаржылық сауықтыру және т.б. салаларда ынтымақтасуға ниетін білдірді.
Меморандумға АФСА бас директорының міндетін атқарушы Мұхтар Бөбеев пен АОБ Төрағасының орынбасары Вахтанг Абрамян қол қойды. Тараптар тиісті құзіретіндегі трансшекаралық институттардың қызметін бақылау саласындағы ынтымақтастықты нығайтуға, қадағалау ақпаратымен алмасу арналарын құруға және АФСА мен АОБ арасындағы өзара әрекеттестікті қамтамасыз етуге келісті.
- Меморандум өзара ықпалдасуды қамтамасыз ету және қадағалау ақпаратымен алмасу арналарын құру үшін қажетті жағдай туғызады.
В. Абрамян Меморандумға қол қоюды құптап: ««Осы Меморандумға қол қою арқылы біз мекемелеріміз арасындағы қатынастарды дамыту жолында маңызды қадам жасадық. АОБ қаржылық бақылау мен реттеу саласында өзара ынтымақтастыққа үміттенеді, мұнда АФСА мен АОБ мол тәжірибесімен алмаса алады,» — деді.
М.Бөбеев өз кезегінде: «Біз АФСА мен АОБ арасындағы ынтымақтастықты нығайтуға жол беретін осы Меморандумға қол қоюға қуаныштымыз. Ол ортақ мүдделер саласындағы ақпарат алмасу мен банктік және сақтандыру қызметін, бағалы қағаздар нарығын екі елде де бақылауды жақсартуға мүмкіндік береді деп сенеміз,» — деп атап өтті.
Анықтамалық ақпарат:
«Астана» халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен құрылған. АХҚО-ны құру туралы Конституциялық заңға 2015 жылғы 7 желтоқсанда қол қойылды. АХҚО мақсаты-халықаралық деңгейдегі қаржылық қызметтердің жетекші орталығын қалыптастыру. АХҚО-ның міндеттері ел экономикасына инвестициялар тартуға ықпалдасу, қаржылық қызмет көрсету саласында инвестициялау үшін тартымды орта құру, Қазақстан Республикасының бағалы қағаздар нарығын дамыту және оның халықаралық капитал нарықтарымен интеграциялануын қамтамасыз ету.
www.aifc.kz
АФСА АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді.
www.afsa.kz
Армения Республикасының Орталық банкі — Армения Республикасының қаржы нарығын реттеу мен қадағалаудың бірыңғай органы. Армения Республикасының Орталық банкі банктік және сақтандыру қызметін, сондай-ақ бағалы қағаздар нарығындағы ақшаны жылыстатуға және терроризмді қаржыландыруға қарсы іс-қимылдарды реттейді және қаржы нарығына қатысушылардың сәйкес заңнаманың талаптарына сәйкестігін бақылайды.
www.cba.am
АХҚО-да Халықаралық инвесторлар апталығы 2019 өтеді
Қаржы қызметтері тұтынушыларын қорғау, инвестициялар негіздері және АХҚО-дағы бизнесті жүргізу шарттары туралы ақпаратпен қамтамасыз ету мақсатында 2019 жылғы 30 қыркүйектен 6 қазанға дейін «Астана» халықаралық қаржы орталығы (АХҚО) «Халықаралық инвесторлар апталығын» өткізуді жоспарлап отыр.
Халықаралық инвесторлар апталығы Бағалы қағаздар жөніндегі комиссиялардың халықаралық ұйымы (IOSCO) қолдауымен жыл сайын өткізіліп, оған 6 континенттің 80 елінің қаржылық реттеушілері қатысады. IOSCO – бағалы қағаздар нарығының реттеуші органдарын біріктіретін халықаралық ұйым. IOSCO мүшелері бағалы қағаздардың әлемдік нарығының 95% -дан астамын 115-тен астам юрисдикцияларда реттейді.
Халықаралық инвесторлар апталығын өткізу АХҚО-ның қаржылық қызметтер тұтынушыларын қорғау бойынша IOSCO стандартына бейілділігін дәлелдейді. Өткен жылы IOSCO қамқорлығымен «АХҚО Халықаралық инвесторлар апталығы 2018» Қазақстанның 7 қаласында ұйымдастырылып, оған 3500-ден астам адам қатысты.
Биылғы Халықаралық инвесторлар апталығы-2019 шеңберіндегі АХҚО іс-шаралары 30 қыркүйек пен 6 қазан аралығында Investor Awareness Roadshow атты ұлттық деңгейдегі кампания шеңберінде Қазақстанның 6 қаласында – Петропавл, Ақтау, Қарағанды, Түркістан, Алматы және Нұр-Сұлтан қалаларында өтеді:
30 қыркүйек – Петропавл;
1 қазан – Ақтау;
2 қазан – Қарағанды;
3 қазан – Туркестан;
4 қазан – Алматы;
6 қазан – Нұр-Сұлтан.
АХҚО Халықаралық инвесторлар апталығының бағдарламасы академиялық және іскерлік топтарға арналған таныстырылымдар мен ақпараттық сессиялар форматында өтеді. Күннің бірінші жартысында жастар мен академиялық орта өкілдерінің қаржылық және инвестициялық мәдениетін қалыптастыру, сондай-ақ инвестициялау негіздері туралы ақпараттандыру мақсатында өңірлік жоғары оқу орындарының студенттері мен профессор-оқытушылар құрамына арналған дәрістер өтеді. Сондай-ақ бастама аясында мемлекеттік қызметшілер – Қазақстан Республикасы Президентінің жанындағы Мемлекеттік басқару академиясының тыңдаушылары үшін семинарлар өтеді.
Күннің екінші жартысында өңірлік бизнеске арналған таныстырылым өтеді, шара барысында қаржы қызметтері тұтынушыларын қорғау, бизнеске арналған АХҚО-ның мүмкіндіктері, Жасыл және Ислам облигацияларын шығару ерекшеліктері, АХҚО-да тіркеудің артықшылықтары мен рәсімі және білім беру бағдарламалары туралы баяндалады. Іс-шараның спикерлері ретінде қаржы қызметтерін реттеу, қаржы технологиялары, Жасыл және Исламдық облигацияларды шығару, бағалы қағаздар нарығындағы инвестициялау, сондай-ақ үзіліссіз кәсіби даму саласындағы АХҚО сарапшылары сөз сөйлейді.
Халықаралық инвесторлар апталығы аясында, сонымен қатар, Исламдық қаржыландыру апталығы жоспарланған. Исламдық қаржыландыру индустриясының Қазақстанда және дүние жүзінде дамыуының өзекті мәселелері бойынша мастер-кластар мен тренингтер өткізіледі. Исламдық қаржыландыру апталығын Алматы (4 қазан) және Нұр-Сұлтан (6 қазан) қалаларында өтетін Исламдық қаржыландыру күніне арналған конференциялар тәмәмдайды.
Халықаралық инвесторлар апталығының қорытынды шарасы – «Инвесторлар күні» конференциясы 6 қазанда Нұр-Сұлтан қаласында өтеді. Конференцияда АХҚО сарапшылары мен сырттан шақырылған спикерлер қаржылық қызметтерінің кең спектрі, қаржы құралдары мен тұтынушылар құқықтарын қорғау тұрғысынан АХҚО-дағы мүмкіндіктер туралы әңгімелейді.
Қосымша ақпарат, іс-шараның бағдарламасы және шараға тіркелу туралы ақпаратты келесі сілтеме арқылы алуға болады.
АХҚО Қаржылық қызметтерді реттеу комитеті Азиялық сақтандыру реттеушілер форумының мүшелігіне кірді
«Астана» халықаралық қаржы орталығының (АХҚО) тәуелсіз реттеушісі АХҚО Қаржылық қызметтерді реттеу комитеті (АФСА) Азиялық сақтандыру реттеушілер форумының (Форум) 22-ші мүшесі атанды.
Форум түрлі елдердің, соның ішінде Қытай, Оңтүстік Корея, Сингапур, Дубай, Жапония, Австралия, Жаңа Зеландия және т.б. реттеуші органдарын біріктіретін Азиядағы сақтандыруды реттеу саласындағы ынтымақтастықтың негізгі тетігі болып табылады.
Форумға қатысу АФСА-ның сақтандыру саласындағы ынтымақтастыққа, шекарааралық тәуекелдерді болдырмау және олардың салдарын азайтуға, жалпы реттеу үдерісін жақсартуға ықпал етеді. Бұл сонымен қатар форумның басқа мүшелерімен ақпарат алмасу, кадрлар және реттеу саласындағы тәжірибе алмасуға жағдай жасайды.
Форумның мүшесі ретінде, АФСА сақтандыруды реттеудің жалпыазиялық тәсілін жетілдіруге қатыса алады және осы бағытта ортақ ұстанымдарды дамыта алады.
Қосымша ақпарат:
АХҚО Қазақстан Республикасының Президенті Нұрсұлтан Назарбаевтың бастамасымен құрылды. Орталық 2015 жылғы желтоқсан айында қабылданған «Астана» халықаралық қаржы орталығын (АХҚО) құру туралы Конституциялық заңға сәйкес қызмет етеді. АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді.
www.aifc.kz
АФСА АХҚО тәуелсіз реттеушісі, «Астана» халықаралық қаржы орталығында қаржылық қызметті және олармен байланысты қызметті реттеу мақсатында Қазақстан Республикасының «Астана» халықаралық қаржы орталығы туралы» Конституциялық заңына сәйкес құрылған заңды тұлға болып табылады. AFSA қаржы компаниялар мен нарықтық мекемелерді лицензиялау, тіркеу, аккредитациялау, және қадағалау секілді АХҚО қызметтерін реттейді.
www.afsa.kz
Азиялық сақтандыру реттеушілер форумы – сақтандыру саласындағы азиялық реттеушілер ынтымақтастығының аймақтық алаңы. Форум 2006 жылы Азия мен Мұхиттағы сақтандыру реттеушілері арасындағы ақпарат алмасуды, ынтымақтастық пен өзара түсінушілікті жетілдіру және трансшекаралық бақылауды күшейту мақсатында құрылды.
http://www.afirweb.org
